Morgunblaðið - 23.04.2005, Blaðsíða 32

32 LAUGARDAGUR 23. APRÍL 2005 MORGUNBLAÐIÐ
UMRÆÐAN
LAUGARDAGINN 23. apríl nk.
munu íbúar í fimm sveitarfélögum,
Borgarbyggð, Borgarfjarðarsveit,
Hvítársíðuhreppi,
Kolbeinsstaðahreppi
og Skorradalshreppi,
greiða atkvæði um
sameiningu sveitar-
félaganna. Und-
anfarna mánuði hafa
sveitarstjórnarmenn
átt í viðræðum og
undirbúið samein-
inguna eins vel og
kostur er. Við íbúar í
Borgarbyggð þekkj-
um orðið ágætlega til
hvernig sameining-
arferli gengur fyrir
sig og hvaða áhrif
sameining hefur á
okkar nánasta um-
hverfi. Eins og geng-
ur og gerist í öllum
málum eru menn á
misjafnri skoðun um
kosti þess og galla að sameina
sveitarfélög en heilt yfir má segja
að almenn sátt ríki um þær samein-
ingar sem áttu sér stað 1994 og
1998 hér í Borgarfirði og á Mýrum.
Menn hafa lært af reynslunni og ef
hnökrar hafa komið upp vita menn
nú hvað má betur fara og hvernig
við getum bætt okkur.
Tækifærin eru framundan
Sveitarfélög í dag eru í sam-
keppni um fólk og fyrirtæki. Ákveð-
in stærð sveitarfélaga skapar
möguleika á að veita flesta þá þjón-
ustu sem íbúar sækjast eftir. Þessi
fimm sveitarfélög sameinuð í eitt
munu hafa mikla möguleika á að
veita fyrsta flokks þjónustu íbúum
sínum.
Við teljum okkur reyndar hafa
einstaka möguleika umfram aðra.
Fyrst má telja sögu svæðisins.
Sagnaarfinn. Hér drýp-
ur sagan af hverju strái
og hafa menn náð að
virkja hluta þeirrar sögu
t.d. í Snorrastofu í
Reykholti og með til-
komu sýningar um
Landnám Íslands og
Egilssögu í Borgarnesi.
Menningarlega tengist
svæðið því frá landnámi.
Félagslega og menn-
ingarlega eru ekki
landamerki á milli þess-
ara sveitarfélaga en
mikil hefð er fyrir sam-
starfi og í fjórum þess-
ara fimm sveitarfélaga
er sameiginleg fé-
lagsþjónusta. Þá má það
teljast einstakt að í
3.500 manna samfélagi
blómstri tveir háskólar í
sambýli við hefðbundnar atvinnu-
greinar á ekki stærra atvinnusvæði.
Viðskiptaháskólinn á Bifröst, Land-
búnaðarháskólinn á Hvanneyri og
starfsemi Snorrastofu eru vissulega
okkar helstu vaxtarsprotar í dag en
öflugur landbúnaður, ferðaþjónusta,
iðnaður og verslun eru einnig að-
alsmerki svæðisins.
Samkeppnishæfni
Með breyttum atvinnuháttum og
bættum samgöngum gerist það æ
algengara að fólk stundi sína vinnu
fjarri heimili og telji ekki eftir sér
að aka til vinnu langar leiðir. Þetta
er sá nýi veruleiki sem blasir við
okkur Íslendingum. Og þetta er sá
veruleiki sem við blasir í nýju sveit-
arfélagi. Það eru engar girðingar
þegar kemur að atvinnusókn á
svæðinu. Það eru helst við sveit-
arstjórnarmenn sem verðum þess
varir í umsóknum íbúa um þjón-
ustu. Við höfum vel þekkt dæmi
þess að fyrirtæki kjósa frekar að
setja niður starfsemi sína í sveitar-
félagi sem býr yfir traustri og fag-
legri stjórnsýslu og háu þjón-
ustustigi. Við munum hafa getu til
að taka við nýjum verkefnum og
aukinn slagkraftur verður í atvinnu-
og byggðamálum og betri nýting
tekjustofna.
Fjárhagurinn
Sveitarfélögin fimm koma sem
jafningjar að þessu sameining-
arborði. Öll eru þau ágætlega sett
fjárhagslega á landsvísu og ekki um
það að ræða að fjárhagsvandræði
setji svip sinn á sameining-
arumræðuna. Allar upplýsingar um
fjármál sveitarfélaganna má finna á
heimasíðunni sameining.is. En hvað
gerist ef íbúar hafna sameiningu?
Óbreytt landslag þessara fimm
sveitarfélaga myndi draga kraft úr
stjórnsýslunni og áfram myndi hver
bauka í sínu horni, vinna að sömu
málunum fyrir sama svæðið í fimm
sveitarstjórnum.
Valdið heim í hérað
Með því að fá verkefni í auknum
mæli heim í hérað færum við valdið
og áhrifin í hverjum málaflokki nær
íbúunum og getum rekið heild-
stæðan málaflokk í velferðarmálum
og málefnum fjölskyldunnar. En til
að hafa getu til að taka við nýjum
verkefnum þarf að vera fyrir hendi
sterkt stjórnsýslustig. Að öðrum
kosti heldur rekstur byggða-
samlaga áfram. Það er slæmur
kostur að mínu mati, kostar tíma og
peninga og þeim peningum er betur
varið í annað.
Utankjörfundaratkvæði
Mikilvægt er að þeir sem ekki
verða heima á kjördag leiti til sýslu-
manna þar sem hægt er að greiða
atkvæði utan kjörfundar. Miklar og
góðar upplýsingar liggja fyrir á
heimasíðunni www.sameining.is en
þar eru öll fréttabréf sameining-
arnefndar í eina sæng vistuð ásamt
málefnaskránni.
Nýtum atkvæðið okkar
Eins og sjá má er ég sannfærð
um kosti þess að sameina þessi
sveitarfélög. Eðlilega eru ekki allir
samþykkir sameiningu en mik-
ilvægt er að fólk fái sem mestar og
bestar upplýsingar og að öll spil séu
lögð á borðið. Sameiningarnefnd
hefur sent frá sér málefnaskrá þar
sem farið er yfir helstu málaflokka.
Málefnaskráin er viljayfirlýsing
okkar sveitarstjórnarmanna sem
komið hafa að þessari vinnu um það
hvernig við sjáum fyrir okkur að
nýtt sveitarfélag verði. Það er
spennandi tækifæri í höndum okk-
ar, tækifæri til að efla okkar heima-
byggð og leggja drög að sterku og
kraftmiklu samfélagi. Ég hvet alla
þá sem atkvæðisrétt hafa til að
mæta á kjörstað og leggja atkvæði
sitt á vogarskálarnar.
Ég mun segja já við þessari sam-
einingu.
Sameining.is – kjósum í dag
Helga Halldórsdóttir fjallar
um sameiningarkosningar
fimm sveitarfélaga
Helga Halldórsdóttir
’Sveitarfélög ídag eru í sam-
keppni um fólk
og fyrirtæki. ‘
Höfundur er forseti
bæjarstjórnar Borgarbyggðar
og er í sameiningarnefnd.
MÁLEFNI Menntaskólans á Ísa-
firði hafa mjög verið til
umræðu í fjölmiðlum
að undanförnu – um of
myndi einhver segja.
Stór orð hafa fallið og
digrar yfirlýsingar um
stjórnunarhætti, stöðu-
veitingar, samskipti og
fleira. Því miður hefur
sú umræða öll ein-
kennst meira af kappi
en forsjá og margar
rangfærslur verið hafð-
ar í frammi sem æra
myndi óstöðugan að
elta allar uppi.
Skólans vegna get ég þó ekki lát-
ið hjá líða að leiðrétta nokkur atriði
sem fram hafa komið síðustu daga –
um leið og ég harma það að þurfa
þar með að eiga orðastað við einn af
kennurum skólans í fjölmiðlum. Við
því er þó ekkert að gera.
Í grein sem Hermann Níelsson,
íþróttakennari, skrifaði í sunnu-
dagsblað Morgunblaðsins um síð-
ustu helgi eru hafðar í frammi fjöl-
margar fullyrðingar sem í besta
falli eru villandi, í versta falli ósann-
indi. Að svo stöddu læt ég nægja að
leiðrétta þrjár augljósustu rang-
færslurnar í grein Hermanns, en
þær eru eftirfarandi:
1) Að „minnst fimm stjórnsýslu-
kvartanir hafi borist mennta-
málaráðuneytinu“ vegna stjórn-
arhátta í Menntaskólanum á
Ísafirði. Hið rétta er að ein kvörtun
hefur borist ráðuneytinu frá Félagi
framhaldsskólakennara þar sem
höfð eru uppi gífuryrði í garð und-
irritaðrar. Kvörtun þessi nær ekki
máli sem stjórnsýslukæra, en þar
er vísað til fimm starfsmannamála,
þ.e. fyrirspurna sem starfsmenn
skólans hafa beint til lögfræðings
KÍ til þess að kanna réttindi sín.
Flest eru málin útkljáð innan skól-
ans og ekkert þeirra varðar sam-
skiptahætti heldur er um að ræða
stjórnunarákvarðanir sem hafa haft
áhrif á starfsskilyrði viðkomandi
kennara. Stjórn
Skólameistarafélags
Íslands hefur sér-
staklega kynnt sér
mál þessara fimm
starfsmanna sem vís-
að er til og komist að
þeirri niðurstöðu að
þar hafi verið um mál
að ræða sem hver ein-
asti skólameistari
hefði séð ástæðu til að
taka á með sambæri-
legum hætti.
2) Hermann full-
yrðir, og segir alkunn-
ugt, að einn af nústarfandi sviðs-
stjórum við skólann hafi ekki
réttindi til að gegna stöðu sviðs-
stjóra „og ætti því að hafa verið
sagt upp“. Þetta er rangt, allir nú-
starfandi sviðsstjórar skólans hafa
kennsluréttindi í faggrein á sínu
sviði.
3) grein sinni rekur Hermann
aðdraganda þess að sambýliskonu
hans, Ingibjörgu Ingadóttur, var
veitt áminning fyrir vanrækslu við
yfirferð prófa í ENS 103, en hún
hefur nú höfðað mál á hendur skól-
anum til ógildingar áminningunni.
Fer Hermann þar með rangt mál,
einkum varðandi leiðréttingar yf-
irstjórnenda og fjölda einkunna
sem breytt var í fyrstu yfirferð. Er
skemmst frá því að segja að nið-
urstaða óháðs aðila sem fór yfir
prófin kom heim og saman við nið-
urstöður stjórnenda, eins og koma
mun á daginn þegar dómur er fall-
inn og málsgögn verða birt.
Því miður er það yfirleitt svo að
sá sem rýfur friðinn, hann stjórnar
umræðunni, eins og dæmin sanna.
Það er athyglisvert að sjá í fyrr-
nefndri grein hvernig allar þær
nafnlausu rangfærslur og persónu-
árásir sem hafa verið hafðar í
frammi á undirritaða, einkum í DV,
eru nú að fá á sig nafn og andlit í
grein Hermanns Níelssonar. Ég
harma það mjög, en veit jafnframt
að Hermann talar ekki fyrir munn
margra.
Yfirgnæfandi meirihluti kennara
við Menntaskólann á Ísafirði fer
með friði í samskiptum við yf-
irstjórn skólans og vill halda þann
frið. Í sameiningu höfum við áorkað
miklu á undanförnum árum. Okkur
hefur tekist að auka aðsókn að skól-
anum um þriðjung, stórfjölga rétt-
indakennurum, minnka brottfall
nemenda og auka námsframboð.
Ekki síst höfum við staðið vörð um
gæði skólastarfs og náð markverð-
um árangri á því sviði. Þessum
ávinningi er nú ógnað með þeirri
niðurrifsumræðu sem staðið hefur
eins og linnulaust hret á skólanum
undanfarna tvo mánuði, til skaða
fyrir alla hlutaðeigandi og ekki síst
hið vestfirska samfélag sem á svo
mikið undir því að þar sé haldið
uppi öflugu og metnaðarfullu skóla-
starfi.
Umræða undanfarinna vikna hef-
ur engu skilað til góðs, ekki fyrir
málsaðila og síst af öllu fyrir skól-
ann. Er mál að linni.
Niðurrifsumræða um
Menntaskólann á Ísafirði
Ólína Þorvarðardóttir
fjallar um málefni
Menntaskólans á Ísafirði ’Skólans vegna get égþó ekki látið hjá líða að
leiðrétta nokkur atriði
sem fram hafa komið
síðustu daga – um leið og
ég harma það að þurfa
þar með að eiga orðastað
við einn af kennurum
skólans í fjölmiðlum.‘
Ólína Þorvarðardóttir
Höfundur er skólameistari
Menntaskólans á Ísafirði.
ALLIR pólitíkusar á Íslandi
(aðrir en margt Samfylkingarfólk)
eru orðnir svo hrifnir af Össuri
Skarphéðinssyni. Og þeim finnst
Ingibjörg Sólrún eiginlega ómögu-
leg. Þetta fólk; framsóknarmenn,
vinstri grænir,
sjálfstæðismenn og
gott ef ekki frjáls-
lyndir, er fullt
hjartahlýju og
hjálpsemi í garð
Samfylkingarinnar
og leggur meira en
fúslega gott til
hennar mála. Þetta
fólk spekúlerar al-
varlegt í bragði og
kemur svo með sitt
mat: Össur væri
vissulega betra val
en Ingibjörg.
Hvað myndu
menn
gera í fótbolta?
Fótboltalíkingar
eru mikið notaðar
þessa dagana (gul
spjöld, skriðtækl-
ingar o.fl.). Hér er
ein til: Ef ég stýrði
fótboltaliði og vildi
vinna leik, hvort kysi ég þá að
spila á móti Manchester United
eða Lunch United (Jóni Steinari
og félögum)? Svar: Ég myndi
heldur vilja spila við lakara liðið ef
ég vildi vinna. Ef ég vildi heyja
stjórnmálabaráttu gegn Samfylk-
ingunni – væri til að mynda í Sjálf-
stæðisflokknum, eins og Illugi
Gunnarsson (sem spekúleraði í
eigin sjónvarpsþætti), þá vildi ég
að Samfylkingarliðið kysi yfir sig
þann formann sem auðveldara
væri að kljást við. Þess vegna
leiddi Illugi Gunnarsson rök að
því að Össur væri betri formann-
skostur en Ingibjörg.
Er þetta umhyggja
fyrir Samfylkingunni?
Svo tók Ögmundur Jónasson sig
til og spekúleraði. Hann fagnaði
því að Össur nálgast
VG, „biðlar til vinstri“.
Ögmundur sagði að
Ingibjörg Sólrún væri
lengra til hægri =
breska New Labor =
Tony Blair. Hvernig
Ögmundur komst að
þessari niðurstöðu er
ráðgáta, en það segir
sig sjálft að þeir sem
taka mark á hinum
glögga Ögmundi, þeir
ættu að fara að ráðum
hans og kjósa Össur.
Framsóknarfólkið,
Siv og fleiri, hefur flutt
skoðun sem leiðir til
sömu niðurstöðu: Össur
er líklegri til að geta
unnið með öðrum flokk-
um, segja þau, og hann
getur orðið forsætis-
ráðherra af því að það
er hægt að vinna með
honum. Maður sér fyrir
sér hvað hann Össur er
kammó þegar hann er að spauga
við Halldór Ásgrímsson, sem
ljómar upp í brosi – þeir færu létt
með að smella saman ríkisstjórn.
Er hún ekki hlýleg og falleg
þessi umhyggja fyrir Samfylking-
unni? Finnst okkur það ekki öld-
ungis einsýnt að þessi heilræði
séu sett fram til að auka veg og
virðingu Samfylkingarinnar?
Hvað gæti þessu fólki gengið ann-
að til?
Hver gersigraði
Sjálfstæðisflokkinn?
Svona liggur í þessu: Það er
ekki vitund skrýtið að vinstri
grænir og framsóknarmenn mæli
með Össuri umfram Ingibjörgu
Sólrúnu. Hún er í þeirra augum
(og margra annarra) hinn mikli
sigurvegari úr Borginni. Leiddi R-
Listann margsinnis til glæstra
sigra. Jafnvel aðmírállinn Björn
Bjarnason beið lægri hlut fyrir
Ingibjörgu og mælir nú með Öss-
uri, að sjálfsögðu.
Við munum að fólk úr Fram-
sókn og Vinstri grænum varð kol-
vitlaust þegar hún ætlaði að
leggja nafn sitt opinberlega við
Samfylkinguna. „Við ætlum ekki
að hjálpa til við að búa til leiðtoga
fyrir Samfylkinguna.“
Það er reyndar mín skoðun að
framferði Vinstri grænna þegar
þeir og Framsókn neyddu Ingi-
björgu til að segja sig frá borg-
arstjóraembætti hafi kostað fé-
lagshyggjuöflin ríkisstjórnarsetu
á þessu kjörtímabili. Ef Framsókn
hefði setið ein uppi með þann
hrottaskap, sem Ingibjörg var
beitt, hefði ríkisstjórnin tapað
meirihluta sínum – en það er önn-
ur saga.
Þess vegna hrópa þeir: „Áfram
Össur!“
Aftur að kosningahjálp Össurar
frá andstæðingum Samfylkingar.
Það væri auðvitað skelfilegt fyrir
Vinstri græna og Framsókn-
arflokkinn, ef Ingibjörg Sólrún
leiddi Samfylkinguna í næstu
kosningum. Undir forystu Ingi-
bjargar tæki Samfylkingin frá
þeim alltof mörg atkvæði. Þetta er
ísköld og yfirveguð niðurstaða
herstjóranna úr þessum flokkum.
Þess vegna eru slysavarnir
ástundaðar þessa dagana og hróp-
að Áfram Össur!
Af hverju vilja
andstæðingarnir
Össur?
Lárus Ýmir Óskarsson
fjallar um formannskjör
í Samfylkingunni
’Að sjálfsögðuvilja andstæð-
ingarnir keppa
við lakara liðið.
Hver vill það
ekki?‘
Lárus Ýmir
Óskarsson
Höfundur er leikstjóri.