Morgunblaðið - 23.04.2005, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 23. APRÍL 2005 VERÐ Í LAUSASÖLU 220 KR. MEÐ VSK.
ÞAÐ ber talsvert á áleitinni gervimennsku
og sýndarmennsku í leikhúsinu, segir Birg-
ir Sigurðsson í viðtali í Lesbók í dag en nýtt
leikrit hans, Dínamít,
verður frumsýnt í Þjóð-
leikhúsinu á miðviku-
daginn.
Birgir segir að gervi-
mennskan birtist í þörf
fyrir að allt sé „show“:
„Útlit og umbúðir sýn-
ingar skipta svo miklu
máli að í mörgum til-
fellum kæfir það inni-
haldið. Og stundum hafa
leiksýningar hreinlega
ekkert innihald. Sýningar á klassískum
verkum, sem hafa einmitt lifað vegna inni-
halds síns, verða oft og tíðum innihalds-
lausar vegna þessarar „show-áráttu“. Er
það ekki furðulega öfugsnúið?“
Hann segist óttast að mikil leikskáld geti
ekki þrifist í þessari gerviveröld leikhús-
anna. „Það er grunsamlegt hve fá mikil
leikskáld hafa komið fram á alþjóðavett-
vangi á undanförnum árum.“/Lesbók
Gervimennska
í leikhúsum
Birgir
Sigurðsson
MEIRIHLUTI hluthafa í Keri samþykkti
á hluthafafundi í gær að taka 500 milljóna
króna lán svo hægt verði að greiða sekt Ol-
íufélagsins hf. vegna samráðs olíufélag-
anna.
Sigurður G. Guðjónsson, stjórnarmaður í
Keri, segir það að félagið þurfi að slá stórt
lán til að borga þá sekt hljóta „að leiða
hugann að því að hluthafar í Keri láti á það
reyna hvort gamla stjórnin í Olíufélaginu,
með Kristján Loftsson í broddi fylkingar,
beri ekki einhverja ábyrgð á sektinni“.
Á hluthafafundinum var jafnframt sam-
þykkt að Ker leggi fram kæru á hendur
stjórnarmönnum í Festingu en fyrr í mán-
uðinum var sett lögbann á hlutafjáraukn-
ingu í félaginu og sölu hlutafjár til fram-
kvæmdastjóra Festingar, sem Ker taldi
ólöglega aðgerð.
Olíufélagið
tekur lán til
að greiða sekt
Morgunblaðið/Arnaldur
TÍU ár eru liðin í dag frá því Sjálfstæðisflokkur
og Framsóknarflokkur mynduðu ríkisstjórn og
var því fagnað í gærkvöldi í Ráðherrabústaðn-
um við Tjarnargötu, þar sem saman voru
komnir flestir þeir 22 ráðherrar, sem setið hafa
í ríkisstjórn fyrir flokkana undanfarin 10 ár.
Fyrr um daginn efndu forystumenn flokk-
anna beggja, Davíð Oddsson og Halldór Ás-
grímsson, til blaðamannafundar þar sem þeir
ræddu árangurinn af samstarfinu sem þeir
segja að hafi verið mikill. Hagvöxtur hafi t.a.m.
aukist um 51% á 10 árum og kaupmáttur heim-
ilanna um 55%.
Morgunblaðið/Sverrir
Leiðtogar ríkisstjórnarflokkanna ásamt eiginkonum sínum í kvöldverðarboðinu í Ráðherrabústaðnum í gærkvöld. Davíð Oddsson utanrík-
isráðherra og Ástríður Thorarensen, eiginkona hans, og Halldór Ásgrímsson forsætisráðherra og eiginkona hans, Sigurjóna Sigurðardóttir.
Fagna 10 ára samstarfi
 Hagvöxtur hefur aukist/30
Leiðtogar stjórnarflokkanna segja árangur samstarfsins vera mikinn
KOSIÐ verður um sameiningu
Hafnarfjarðar og Vatnsleysu-
strandarhrepps 8. október nk.
skv. tillögu sameiningarnefndar
sveitarfélaga.
Óformlegar viðræður hafa
staðið yfir milli sveitarfélaganna
að undanförnu um hugsanlega
sameiningu í kjölfar niðurstöðu
könnunar sem gerð var meðal
íbúa Vatnsleysustrandarhrepps
fyrir síðustu áramót, en þar kom
m.a. fram að fleiri vilja sameinast
Hafnarfirði en Reykjanesbæ.
Kynnt íbúum í sumar
eða haust
Lúðvík Geirsson, bæjarstjóri
Hafnarfjarðar, segir að tveir
fulltrúar frá hreppsnefnd Vatns-
leysustrandarhrepps og tveir frá
Hafnarfirði, ásamt bæjarstjóra
og sveitarstjóra, muni nú vinna
að því að safna upplýsingum og
meta aðstæður m.t.t. til þjónustu
og reksturs sveitarfélaganna,
sem kynntar verði fyrir íbúum í
sumar eða haust.
Lúðvík telur hug Hafnfirðinga
til sameiningarinnar nokkuð
skýran. „Það hefur verið umræða
um það hér í bænum í langan
tíma að það sé skynsamlegt að
horfa til samstarfs og samvinnu
við sveitarfélög hér suður frá,.“
Lúðvík bendir á að Hafnar-
fjörður sé stór eignaraðili í Hita-
veitu Suðurnesja, þá eigi sveitar-
félögin sameiginlega hagsmuni
hvað varðar skipulags- og at-
vinnumál. Margir íbúar í Vogum
sæki atvinnu, þjónustu og fé-
lagsstarf til Hafnarfjarðar og
einnig sé horft til uppbyggingar
nýrrar hafnar í nágrenni
Straumsvíkur.
„Ég sé fyrir mér að byggð-
arþróun á höfuðborgarsvæðinu
muni með tvöfaldri Reykjanes-
braut og auðveldari samgöngum
þróast suður með ströndinni
fremur en inn á Kjalarnes eða í
Hvalfjörð,“ segir Lúðvík.
Íbúar Hafnarfjarðar eru lið-
lega 22 þúsund og íbúar í Vogum
um 1.000. Stærð hvors sveitarfé-
lags um sig er álíka en landa-
merki hins nýja sveitarfélags
myndu ná frá Engidal að Vogar-
stapa.
Jákvæður og skynsamlegur
kostur að mati bæjarstjóra
„Ég held að menn eigi að hugsa
stórt og hugsa til framtíðar. Ég
er sannfærður um það að hér sé
um mjög jákvæðan og skynsam-
legan kost að ræða fyrir alla aðila
og þetta styrki og efli þjónustu og
starfsemi hér, ekki síst í Vogun-
um, gagnvart höfuðborgarsvæð-
inu,“ segir Lúðvík Geirsson bæj-
arstjóri.
Kosið um sameiningu
Hafnarfjarðar og Voga
Sveitarfélagið myndi ná frá
Engidal að Vogastapa
-#
 %0
 
1 
+#,(2
@&& >
7.4
,%
3&'(2
 


 

( 1 %(2
-#  #' 
( )3
  + $) 
"    )  ,% ( )3  +$) Eftir Kristján Geir Pétursson
kristjan@mbl.is
MAGNÚS Kristinsson, formaður stjórnar
Stoke Holding, hlutafélagsins sem á 60 pró-
senta hlut í enska knattspyrnufélaginu
Stoke City, hefur ekki áhuga á að veita
meira fjármagn til félagsins á meðan Tony
Pulis er þar við störf sem knattspyrnustjóri.
Hann er mjög óhress með þá ákvörðun
stjórnar Stoke City að endurráða Pulis sem
hefur stýrt félaginu í hálft þriðja ár.
Magnús segir að Pulis hafi komið mjög
illa fram gagnvart Íslendingunum sem komi
að Stoke City og nánast hæðist að þeim með
því að nota ekkert landsliðsmanninn Þórð
Guðjónsson. / D1
Ekki meira
fjármagn til
Stoke City
♦♦♦