Morgunblaðið - 01.12.2005, Blaðsíða 6

6 FIMMTUDAGUR 1. DESEMBER 2005 MORGUNBLAÐIÐ
FRÉTTIR
AF viðtölum við nokkra skólastjórn-
endur í framhaldsskólum á höfuð-
borgarsvæðinu og fleiri má ráða að
fjöldi nemenda, í sumum tilvikum yf-
irgnæfandi meirihluti, hafi gengið út
eftir að klukkustund var liðin af sam-
ræmdu stúdentsprófi í íslensku í
morgun. Nemendur máttu sitja við
prófin í um fjórar klukkustundir.
Fulltrúar Námsmatsstofnunar
eru viðstaddir prófin en hjá stofn-
uninni fengust þær upplýsingar að
ekki væri sérstaklega haldið til haga
upplýsingum um hversu langan tíma
nemendur gæfu sér til að leysa próf-
in.
80–90% gengu út í Versló
Þórunn Elísabet Bogadóttir, for-
seti Nemendafélags Verzlunarskóla
Íslands, telur að að líklega hafi 80–
90% nemenda skólans sem tóku
prófið gengið út eftir klukkustund í
mótmælaskyni. Hún hafi heyrt að
þátttakan hafi hugsanlega verið
minni í öðrum framhaldsskólum en
víða hafi um helmingur gengið út. Í
gær fóru framhaldsskólanemar á
fund Þorgerðar Katrínar Gunnars-
dóttur menntamálaráðherra og af-
hentu henni lista með undirskriftum
þar sem þess er krafist að prófin
verði lögð af. Telur Þórunn að um
þúsund nemendur hafi skrifað undir
en hún hafði í gær ekki nákvæma
tölu um það. Aðspurð sagði Þórunn
að ráðherra hefði svarað nemendum
á svipaðan hátt og áður hefði komið
fram í fjölmiðlum, þ.e. að allir yrðu
að fara að lögum og að tekið yrði tillit
til mótmælanna. Nemendur hefðu þá
bent á að samkvæmt lögum nægði að
mæta í prófið.
Meira borið á málstað nemenda
Um 200 nemendur Verzlunarskól-
ans þreyttu prófið að þessu sinni.
Ingi Ólafsson aðstoðarskólastjóri
sagði að í upphafi hefðu um 25–30
nemendur setið í hverri stofu en eftir
eina klukkustund hefðu flestir staðið
upp og algengt hefði verið að 2–3
sætu áfram.
Í Flensborg gengu um 20 af þeim
30 sem þreyttu prófið út eftir
klukkustund og sagði Magnús Þor-
kelsson aðstoðarskólastjóri að það
hefði í raun komið sér á óvart að svo
margir skyldu þó sitja áfram við
prófið. Í fjölmiðlum hefði mun meira
borið á málflutningi hagsmunaráðs
nemenda gegn prófunum en lítið
rætt við þá sem hafa fært rök fyrir
þeim s.s. Námsmatsstofnun. Það
mætti a.m.k. segja að stofnunin og
menntamálaráðherra hefðu ekki
kynnt sína hlið nægilega vel til að
andæfa þessari miklu bylgju sem
hefði farið af stað.
Elísabet Siemsen, áfangastjóri
Fjölbrautaskólans í Garðabæ, var
ekki viðstödd þegar klukkustund var
liðin af próftímanum en hún hefði þó
heyrt að flestir hefðu a.m.k. verið
farnir eftir um tvær klukkustundir.
Bjarni Gunnarsson, konrektor
Menntaskólans í Reykjavík, hafði
ekki upplýsingar um hvort margir
hefðu gengið út eftir klukkustund. 19
voru skráðir í prófið, um 10% af ár-
ganginum. Frekar myndi reyna á
hvort nemendur sætu við í ensku-
prófinu dag og stærðfræðiprófinu á
morgun.
Mjög margir gengu út
eftir eina klukkustund
Fyrsta samræmda stúdentsprófið var haldið í gær í framhaldsskólum landsins
Eftir Rúnar Pálmason
runarp@mbl.is
Morgunblaðið/Ásdís
Flestir nemendur í Flensborg skrifuðu ekkert á prófblaðið en biðu rólegir eftir því að mega skila prófinu.
ALÞJÓÐLEGI alnæmisdagurinn er
í dag 1. desember. Einkunnarorð
dagsins næstu fimm árin er „Stönd-
um við loforð okkar, stöðvum al-
næmisfaraldurinn!“
Alnæmissamtökin á Íslandi hafa
fetað í fótspor ýmissa systur-
samtaka og valið einkunnarorð fyr-
ir alþjóðlega alnæmisdaginn 2005
„Hreinskilni – víðsýni“. Vísar það
jafnt inn á við sem út á við.
Það sem af er árinu hafa sex ein-
staklingar greinst HIV-jákvæðir
hér á landi. Í nágrannalöndum okk-
ar hefur nýgreining HIV-smits auk-
ist hin síðustu ár. Víða um heim er
alnæmi gífurlegt vandamál, svo
sem í Afríku sunnan Sahara, en
HIV-smit breiðist mjög hratt úr
bæði í Austur-Evrópu, á Indlandi
og í Kína. Að vanda verður opið hús
hjá Alnæmissamtökunum 1. desem-
ber. Boðið verður upp á kaffi og
meðlæti milli kl. 16 og 19.
Sex greindir
HIV-jákvæðir
FARIÐ er að bera á búðahnupli í
meiri mæli en venjulega og er þar
árstíðabundin sveifla á ferðinni enda
að jafnaði mest um hnupl á aðvent-
unni. Í gær var lögregla kölluð til sjö
sinnum vegna slíkra mála sem urðu í
verslunum víðs vegar um bæinn. Þá
eru ótalin þau tilvik þar sem ekki
hefur verið hringt í lögregluna.
Varðstjóri hjá lögreglunni segir þó
verslunareigendur vera farna að
taka harðar á búðahnupli með því að
kalla til lögreglu oftar en áður.
Búðahnupl eykst
í jólaverslun
ÞÓRIR Karl Jónasson, fatlaður
ökumaður, lagði í gær fram kæru
hjá lögreglu vegna líkamsárásar
fyrir framan Europris í Skútuvogi
í fyrradag. Samkvæmt frásögn
hans sparkaði maður á pallbíl í
magann á honum eftir að hafa lagt
í bílastæði fatlaðra og skeytt engu
um athugasemdir Þóris varðandi
það.
Þórir, sem er fyrrverandi for-
maður Sjálfsbjargar á höfuðborg-
arsvæðinu, segir félagið munu
taka þessi mál alvarlega fyrir og
tekur sem dæmi af framkvæmda-
stjóra Sjálfsbjargar á höfuðborg-
arsvæðinu sem ekki gat lagt í
stæði fatlaðra vegna átroðnings
annarra við verslun í bænum.
„Það versta er að það er ekkert
eftirlit með þessu. Sjálfsbjörg á
höfuðborgarsvæðinu ætlar að fara
fram á að fenginn verði maður í
eftirlit með þessu og að sektir
verði hækkaðar til að unnt verði
að borga eftirlitsmanninum. Sem
dæmi má nefna að við Holtagarða,
þar sem Bónus og Rúmfatalager-
inn eru, eru átta stæði fyrir fatl-
aða. Ekki er óalgengt að 6–7 stæði
séu upptekin af fólki sem ekki er
með P-merki.“
Var boðin lögregluaðstoð
Geir Jón Þórisson, yfirlögreglu-
þjónn í Reykjavík, áréttar í tilefni
af frétt Morgunblaðsins í gær þar
sem sagt er að Þóri hafi verið tjáð
að búið væri að loka fyrir skýrslu-
tökur þangað til klukkan 8 næsta
morgun þegar hann hringdi í lög-
reglu eftir atvikið með það fyrir
augum að kæra, að Þórir hafi
hringt í upplýsingasíma lögreglu.
Hann hafi ekki greint sérstaklega
frá málinu heldur aðeins gert al-
menna fyrirspurn, þ.e. ef hann
vildi leggja fram kæru í líkams-
meiðingarmálum, hvernig hann
ætti að bera sig að. Honum hafi
verið bent á að almennt væri tekið
við kærum á virkum dögum frá kl.
8 til 16. Hann hafi verið spurður
hvort hann vildi að lögreglan
kæmi strax til hans og tæki málið
og gerði skýrslu. Hann kvað ekki
þörf á því og það kæmi honum
betur að koma á lögreglustöð dag-
inn eftir.
Samningur við Bílastæðahús
„Við höfum gert verklagssam-
komulag við Bílastæðasjóð um að
taka á bifreiðalagningum á merkt-
um bílastæðum öryrkja og menn
fá sekt fyrir það. Bílar eru þó ekki
teknir með krana nema enn frek-
ari ástæða þyki til,“ segir Geir
Jón. „Það er mjög mikið um að
menn noti þessi stæði og við erum
mjög ósáttir við það. Menn eru
mjög kærulausir í þessum efn-
um.“
Hann segir að meintur árásar-
maður í málinu frá því á þriðjudag
verði kallaður fyrir lögreglu að
lokinni skýrslutöku brotaþola og
málið sett í farveg hjá lögreglu.
Notkun á bílastæðum fatlaðra
Árásin kærð
til lögreglu
FEÐUR barna sem fæddust á
árinu 2004 taka að jafnaði aðeins
fjóra daga í fæðingarorlof umfram
þriggja mánaða sjálfstæðan rétt
sinn. Það merkir að mæður taka
að jafnaði sex mánuði í fæðing-
arorlof en feður þrjá mánuði. Feð-
ur tóku í fyrra að meðaltali 94
daga í fæðingarorlof en mæður að
meðtaltali 182 daga. Þetta kemur
fram í nýrri töflu í Staðtölum TR
fyrir árið 2004.
Í Staðtölum kemur einnig fram
að útgjöld vegna fæðingarorlofs og
fæðingarstyrks jukust um 19%
milli áranna 2003 og 2004. Á síð-
asta ári voru útgjöldin samtals 6,6
milljarðar króna. Konur fengu
greidda 3,7 milljarða en karlar 2,9
milljarða.
85% karla taka fæðingarorlof
Alls fengu 3.699 feður barna
fæddra 2004 greiðslur vegna fæð-
ingarorlofs og hefur fjölgað um
11% frá árinu 2001. Fædd börn á
árinu voru rúmlega fjögur þúsund
og af þessum tölum má því ráða að
um 85% feðra þessara barna taki
fæðingarorlof.
Samkvæmt lögum á hvort for-
eldri um sig sjálfstæðan og ófram-
seljanlegan rétt til greiðslna í fæð-
ingarorlofi í allt að þrjá mánuði.
Foreldrar eiga þar að auki sameig-
inlegan rétt til greiðslna í þrjá
mánuði til viðbótar sem annað for-
eldrið getur tekið í heild eða þeir
skipt á milli sín. Samkvæmt tölum
frá árinu 2004 tekur móðirin sam-
eiginlegu mánuðina nánast
óskipta.
Fáir feður taka meira en
þrjá mánuði í fæðingarorlof
SJÓÐFÉLAGAR í Almenna lífeyr-
issjóðnum hafa samþykkt samein-
ingu við Lífeyrissjóð lækna, en áður
höfðu sjóðfélagar í Lífeyrissjóði
lækna samþykkt sameininguna í al-
mennri atkvæðagreiðslu.
Sameinaður sjóður verður fimmti
stærsti lífeyrissjóður landsins með
eignir sem nema rúmum sextíu
milljörðum króna um næstu ára-
mót. Sjóðfélagar eru um 25 þúsund
og eru í sjóðnum meðal annars
arkitektar, tæknifræðingar, tónlist-
armenn, tæknifræðingar og nú
læknar. Aðild að sjóðnum er öllum
opin.
Sameining
samþykkt
♦♦♦
TOLLGÆSLAN og lögregla á Eski-
firði lögðu hald á rúmlega hálft
tonn af frystum matvælum um borð
í tveimur íslenskum fiskiskipum á
Eskifirði í fyrrakvöld. Skipin voru
að koma frá Færeyjum en matvælin
fundust við reglubundið eftirlit.
Tólf menn úr áhöfn skipanna hafa
játað á sig smyglið.
Að sögn lögreglunnar á Eskifirði
er um að ræða óunnið fugla-, nauta-
og svínakjöt. Kjötið, sem fannst fal-
ið á milli þilja í skipunum, var ætlað
til eigin nota.
Hald lagt á hálft
tonn af matvælum