Morgunblaðið - 01.12.2005, Blaðsíða 54

54 FIMMTUDAGUR 1. DESEMBER 2005 MORGUNBLAÐIÐ
MINNINGAR
Ég lít út um gluggann
og lygni
svo aftur augum
í mildu skini mánans
sé þá fyrir hugskotssjónum
svipmyndir birtast
og endurspila allar
mínar uppáhalds senur
Þú
í essinu þínu
dansandi flottur og fágaður
geislandi af húmor og hlátrasköllum
stjarna meðal stjarna
það er minning mín um þig
Þú
sem sigldir gegnum lífsins stríðu strauma
sem sigldir gegnum lífsins stríðu strauma
þér var að lokum vaggað í svefn
af blíðri báru
sem bar þig í aðra veröld – ofar skýjum
Svo opna ég augun
og horfi á mánann
– hálfan
– háleitan
– og glottandi út í annað
hann er að hlæja með þér
og mig langar svo að vita – hjartans vinur
hvað þú varst að spauga
– einmitt núna
(Þorgerður Mattía.)
Kveðja.
Þín dóttir,
Ólöf.
Mig langar til að minnast elsku-
legs afa míns í nokkrum orðum.
Þegar maður hugsar til baka með
söknuði er ekki annað hægt en að
BJARNI EINAR
BJARNASON
✝ Bjarni EinarBjarnason fædd-
ist í Reykjavík 12
júlí 1921. Hann lést
á Landspítalanum –
háskólasjúkrahúsi
23. nóvember síðast-
liðinn og var útför
hans gerð frá Frí-
kirkjunni í Hafnar-
firði 30. nóvember.
brosa. Hann afi var
nefnilega ótrúlega
mikill húmoristi.
Hann sá alltaf spaugi-
legu hliðarnar á öllu.
Hann var ótrúlega
hnyttinn í tilsvörum
og gerði oft hvers-
dagsleg atvik að því-
líkum skemmtisögum
að nærstaddir veltust
um af hlátri. Á þess-
ari stundu hefði hann
viljað að fjölskyldan
kæmi saman og héldi
stórt og mikið kveðju-
partí, þar sem allir væru glaðir og
kátir og skiptust á bröndurum og
skemmtisögum. Já, það hefði hann
sko viljað.
En afi var ekki bara brandara-
kall. Hann var líka ótrúlega greiða-
samur og vildi allt fyrir alla gera.
Ef eitthvað þurfti með eða mann
vantaði einhverja aðstoð, er honum
best lýst með orðunum „ég kem
strax“. Hann var alltaf boðinn og
búinn. Það var svo margt sem hann
gerði fyrir okkur Kristínu Sunnu,
sem við erum honum óendanlega
þakklátar fyrir. Þrátt fyrir 50 ára
aldursmun, sem fyrir sumum er
eins og himinn og haf, þá vorum við
miklir félagar, og það leið ekki sá
dagur að hann hringdi ekki til þess
að spjalla og athuga hvernig við
hefðum það. Þess á milli sem hann
kom til okkar í mat. Hann „átti“ sín
sæti við eldhúsborðið og í stofunni,
og mikið rosalega hefur verið tóm-
legt að fá hann ekki í heimsókn.
Honum fannst alltaf svo gott að
koma til okkar allra og kom til
skiptis í mat til mín, mömmu og Sæ-
rúnar, og veit ég að hann mat það
mjög mikils og fannst voða gott að
koma til okkar. Það var alltaf gam-
an að fá hann í heimsókn. Hann var
alltaf svo ljúfur og vinalegur og
hafði oft frá mörgu skemmtilegu að
segja. Hann vildi okkur Kristínu
Sunnu allt það besta og gerði allt
sem í hans valdi stóð til að svo gæti
orðið. Ég get eiginlega ekki lýst því
hvað allt er tómlegt án hans. Hann
var alltaf fastur punktur í tilverunni
sem aldrei brást.
Mikið óskaplega sakna ég hans.
Það er svo óendanlega margs að
minnast. Hann var afar stoltur af
fjölskyldu sinni og þreyttist aldrei á
að segja hverjum sem heyra vildi,
hvað hann ætti nú góða að, sem allt
vildu fyrir hann gera. Ég sagði þá
svo oft við hann að þetta hlyti að
vera í genunum. Þá hló hann. Hann
var ofsalega hress alltaf og dugleg-
ur þrátt fyrir veikindin og að vera
orðinn 84 ára gamall. Hann gerði
allt sjálfur, alltaf með tuskuna á
lofti og þar af leiðandi var alltaf allt
svo hreint og fínt hjá honum. Svo
keyrði hann eins og herforingi sinn
hreina og fína ameríska bíl, sem svo
sannarlega var í hans huga sem
einn af fjölskyldunni.
Ég gæti skrifað heila bók til
minningar um óforbetranlegan
mann sem var engum líkur, en
minningarnar geymi ég í hjarta
mínu og minnist allra góðu stund-
anna sem við áttum saman. Ég er
svo þakklát fyrir að hafa átt svona
yndislegan afa sem var mér svo af-
skaplega kær. Með innilegu þakk-
læti fyrir allt það sem hann gerði
fyrir mig og Kristínu Sunnu, viljum
við mæðgur kveðja yndislega mann
sem var okkar klettur sem alltaf
var hægt að treysta á. Guð blessi
okkar elskulega afa og langafa. Við
kveðjum hann með söknuði og full-
ar þakklætis fyrir allt og allt. Minn-
ing hans lifir ávallt í hjarta okkar.
Blessuð sé minning hans.
Þínar
Steinþóra og Kristín Sunna.
Elsku afi.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði.
Guð þér nú fylgi,
hans dýrðarhnoss þú hljóta skalt.
(V. Briem.)
Blessuð sé minning þín.
Kveðja.
Þinn nafni,
Bjarni Leó.
Gamall vinur, Bjarni Einar
Bjarnason er fallinn frá. Ég kynnt-
ist Bjarna árið 1973 þegar ég hóf
störf við álverið í Straumsvík. Þó
töluverður aldursmunur væri á okk-
ur varð okkur fljótt vel til vina.
Bjarni var vörpulegur og ótrúlega
snar í snúningum á þessum árum.
Einnig virtist mér hann vera for-
inginn í hópnum sem samanstóð af
miklu leyti af gömlum togarajöxlum
og mönnum sem höfðu ýmislegt
reynt í lífinu. Ég var ungur og
óreyndur og mér fannst ég einstak-
lega heppinn að Bjarni skyldi taka
mig undir sinn verndarvæng svo ég
yrði samþykktur í hópnum. Við
Bjarni áttum eftir að starfa saman í
mörg ár og frá þeim tíma er ótrú-
lega margs að minnast sem tengdist
gamansemi hans og uppátækjum.
Hann hafði einstakt lag á að koma
mér í gott skap og láta mig hætta
að hugsa um að lífið væri stundum
erfitt og leiðinlegt. Bjarni hafði
vissulega ríka skapsmuni og gat
verið fastur fyrir fyndist honum að
sér vegið. En oftast fannst mér
húmorinn og stráksskapurinn vera
ríkjandi í fari hans. Einhvern veg-
inn var það svo að ég skynjaði aldr-
ei aldursmuninn á okkur því Bjarni
var alla tíð ungur í anda.
Bjarni brenndist tvívegis illa á
löngum starfsferli sínum hjá ál-
verinu og mér mun seint líða úr
minni hvað hann tók áföllunum af
miklu æðruleysi. Það var gott að
koma til Bjarna og Júllu, konunnar
hans, á þessum árum. Hún var
kjarnmikil og hlý kona sem tók mér
einstaklega vel og horfði fram hjá
því þótt ég væri stundum brokk-
gengur á mínum yngri árum. Oftar
en ekki fór ég frá þeim vel nestaður
af fiski, slátri og öðru góðgæti sem
kom sér vel á fyrstu árunum eftir
að ég stofnaði mína fjölskyldu.
Hennar minnist ég af hlýju og virð-
ingu.
Ég renni í grun að Bjarna hefði
ekkert líkað það sérstaklega vel að
um sig væri skrifuð eintóm lofrulla
en fyrir mér var hann einfaldlega
mikill gleðigjafi. Ég kveð þig með
virðingu, gamli vinur. Sjáumst síð-
ar.
Aðstandendum Bjarna votta ég
mína innilegustu samúð.
Hrafn Þórðarson.
Elskulegur eiginmaður minn, faðir okkar, tengda-
faðir, afi og langafi,
KRISTVIN JÓSÚA HANSSON
húsasmíðameistari,
Efstasundi 94,
Reykjavík,
verður jarðsunginn frá Fossvogskirkju föstu-
daginn 2. desember kl. 15.00.
Anna G. Hallsdóttir,
Þorbjörg Kristvinsdóttir, Bjarni B. Sveinsson,
Höskuldur Kristvinsson, Barbara J. Kristvinsson,
Hallur Kristvinsson, Sigrún Einarsdóttir,
Katla Kristvinsdóttir, Jóhann Thoroddsen,
barnabörn og barnabarnabörn.
Elskulegur eiginmaður minn, faðir okkar, tengda-
faðir, afi og langafi,
KRISTINN JÓN LEVÍ JÓNSSON
húsasmíðameistari,
til heimilis í
Sundstræti 31A,
Ísafirði,
verður jarðsunginn frá Ísafjarðarkirkju laugardag-
inn 3. desember kl. 14.00.
Anna Sigríður Kristjánsdóttir,
Ragnhildur Guðný Flyger, Henning Beck Flyger,
Matthías Kristinsson, Björk Gunnarsdóttir,
Sigríður Júlíana Kristinsdóttir, Jens Andrés Guðmundsson,
Bjarney Kristinsdóttir Vatne, Øystein Vatne,
Guðmundur Kr. Kristinsson, Elsa Jóna Sveinsdóttir,
afabörn og langafabörn.
Innilegar þakkir fyrir auðsýnda samúð og hlýju
vegna andláts og útfarar ástkærrar móður okkar,
tengdamóður, ömmu og langömmu,
ÞÓRUNNAR Þ. GUÐMUNDSDÓTTUR
frá Skálum
á Langanesi.
Úförin hefur farið fram í kyrrþey að ósk hinnar
látnu.
Sérstakar þakkir til starfsfólks á dvalarheimilinu Garðvangi, Garði, fyrir
frábæra umönnun og hlýju.
Guðbjörn Ragnarsson, Stefanía Finnsdóttir,
Georg H. Ragnarsson,
Olga Ragnarsdóttir, Kristján G. Valdimarsson,
barnabörn og barnabarnabörn.
Alúðarþakkir kunnum við þeim, sem sýndu okkur
hluttekningu og vinarhug við andlát eiginkonu
minnar og móður okkar,
INGIBJARGAR ÞÓRÓLFSDÓTTUR,
Vogatungu 35,
Kópavogi.
Starfsfólki hjúkrunarheimilisins Sunnuhlíðar, sem
annaðist hana um árabil, þökkum við af einlægni.
Halldór Þórðarson,
Guðmundur Halldórsson,
Þórólfur Halldórsson,
Ágústa Halldórsdóttir,
Auðbjörg Halldórsdóttir.
Elskulegur faðir okkar, tengdafaðir, afi og langafi,
HILMIR HINRIKSSON,
Bláskógum 11,
Hveragerði,
verður jarðsunginn frá Hveragerðiskirkju laugar-
daginn 3. desember kl. 14.00.
Erlendur Hilmisson,
Hólmfríður K. Hilmisdóttir,
Björg Hilmisdóttir, Hjörtur Már Benediktsson,
Brynjólfur Hilmisson, Anna Viktoría Högnadóttir,
Júlíana Hilmisdóttir, Viktor Sigurbjörnsson,
Harpa Hilmisdóttir,
barnabörn og barnabarnabörn.
Morgunblaðið birtir minningargrein-
ar alla útgáfudagana.
Skil Minningargreinar skal senda í
gegnum vefsíðu Morgunblaðsins:
mbl.is (smellt á reitinn Morgunblaðið
í fliparöndinni – þá birtist valkostur-
inn „Senda inn minningar/afmæli“
ásamt frekari upplýsingum).
Skilafrestur Ef birta á minningar-
grein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er á
mánudegi eða þriðjudegi). Ef útför
hefur farið fram eða grein berst ekki
innan hins tiltekna skilafrests er ekki
unnt að lofa ákveðnum birtingar-
degi. Þar sem pláss er takmarkað
getur birting dregist, enda þótt
grein berist áður en skilafrestur
rennur út.
Lengd Minningargreinar séu ekki
lengri en 2.000 slög (stafir með bil-
um - mælt í Tools/Word Count). Ekki
er unnt að senda lengri grein. Hægt
er að senda örstutta kveðju, HINSTU
KVEÐJU, 5-15 línur, og votta þeim
sem kvaddur er virðingu sína án
þess að það sé gert með langri grein.
Ekki er unnt að tengja viðhengi við
síðuna.
Formáli Minningargreinum fylgir
formáli, sem nánustu aðstandendur
senda inn. Þar koma fram upplýsing-
ar um hvar og hvenær sá, sem fjallað
er um, fæddist, hvar og hvenær hann
lést, um foreldra hans, systkini,
maka og börn og loks hvaðan útförin
fer fram og klukkan hvað athöfnin
hefst. Ætlast er til að þetta komi að-
eins fram í formálanum, sem er feit-
letraður, en ekki í minningargreinun-
um.
Undirskrift Minningargreinahöfund-
ar eru beðnir að hafa skírnarnöfn sín
en ekki stuttnefni undir greinunum.
Myndir Ef mynd hefur birst í tilkynn-
ingu er hún sjálfkrafa notuð með
minningargrein nema beðið sé um
annað. Ef nota á nýja mynd er ráð-
legt að senda hana á myndamót-
töku: pix@mbl.is og láta umsjónar-
menn minningargreina vita.
Minningargreinar