Morgunblaðið - 01.12.2005, Blaðsíða 20

20 FIMMTUDAGUR 1. DESEMBER 2005 MORGUNBLAÐIÐ
ERLENT
HVAÐ SKIPTIR ÞIG MÁLI ÞEGAR ÞÚ SELUR EIGNINA ÞÍNA?
VIÐ BJÓÐUM:
DP FASTEIGNIR ERU BYGGÐAR Á GRUNNI OG ÞEKKINGU DP LÖGMANNA
Fasteignasalan DP FASTEIGNIR er í Félagi Fasteignasala.
- Heiðarleg og vönduð vinnubrögð.
- Persónulega þjónustu.
- Þekkingu.
- Þrír löggiltir fasteignasalar starfa hjá DP FASTEIGNUM.
ÞAÐ er vetrarlegt um að litast á
jarðskjálftasvæðunum í Pakistan
en þar hefur snjónum kyngt niður
síðustu daga. Vegna kuldans hafa
innlagnir á sjúkrahús þrefaldast og
er oftast um að ræða fólk, sem
fengið hefur lungnabólgu í hrá-
blautum og köldum tjöldum. Talið
var, að vetrarhörkurnar gætu orðið
þúsundum og jafnvel tugþúsundum
manna að bana en heldur hefur
dregið úr þeim ótta. Er kominn
aukinn gangur í hjálparstarfið og
framlög frá erlendum ríkjum og al-
þjóðastofnunum hafa einnig aukist.
Reuters
Veturinn eykur á eymdina
París. AFP. | Franska stjórnin til-
kynnti í gær, að á næsta ári yrði
hleypt af stokkunum alþjóðlegri sjón-
varpsstöð, fréttastöð, sem ætlað er að
keppa við CNN og BBC. Verður hún
að hálfu í eigu franska ríkisins.
Jacques Chirac, forseti Frakk-
lands, sagði á ríkisstjórnarfundi í
gær, að Frakkar yrðu „að vera í
fremstu röð í hinni alþjóðlegu ímynd-
arkeppni og þess vegna tel ég, að við
eigum að vera með alþjóðlega frétta-
stöð“.
Nýja fréttasjónvarpsstöðin, CFH,
verður rekin af stærstu, einkareknu
sjónvarpsstöðinni í Frakklandi, TF1,
og franska ríkissjónvarpinu, sem
verður jafnframt burðarásinn í starf-
seminni. Til að byrja með verður
sjónvarpað til Evrópu, Afríku og
Mið-Austurlanda en síðar til Asíu,
Rómönsku-Ameríku og Norður-Am-
eríku
Sjónvarpað verður allan sólar-
hringinn og gert er ráð fyrir, að
fréttalestur á ensku verði í fjórar
klukkustundir og hugsanlega bætt
við arabísku og spænsku.
Frönsk gildi
og heimssýn
Chirac sagði, að markmiðið væri að
„kynna um allan heim frönsk gildi og
sýn okkar á heiminn“. Hefur Chirac
unnið að þessu máli í fjögur ár eða
síðan í febrúar 2002 þegar hann talaði
um nauðsyn þess, að Frakkar kæmu
með mótleik við CNN og BBC. Fékk
hugmyndin byr undir báða vængi eft-
ir innrásina í Írak en þá voru margir
franskir embættismenn óánægðir
með fréttaflutning CNN og BBC af
henni. Þá voru margir Frakkar líka
óhressir með fréttaflutning erlendra
sjónvarpsstöðva af óeirðunum í París
og víðar og fannst sem verið væri að
segja, að ekki aðeins öll borgin, held-
ur allt landið logaði stafna á milli.
Frakkar ætla
að keppa við
CNN og BBC
Montreal. AP, AFP. | Bandaríkjastjórn
hefur sætt harðri gagnrýni á tíu daga
ráðstefnu á vegum Sameinuðu þjóð-
anna um loftslagsbreytingar í heim-
inum eftir að fulltrúi stjórnarinnar
tilkynnti að hún léði ekki máls á nein-
um bindandi samningum um tak-
markanir á útblæstri gróðurhúsa-
lofttegunda eftir að Kyoto-bókunin
fellur úr gildi árið 2012. Á ráðstefn-
unni í gær voru samþykktar reglur
um framkvæmd bókunarinnar.
Yfir 8.000 umhverfisverndarsinn-
ar, vísindamenn og fulltrúar um 180
ríkja sitja ráðstefnuna sem er haldin
í Montreal í Kanada.
Bill Hare, fulltrúi umhverfis-
verndarsamtakanna Greenpeace,
sagði að afstaða Bandaríkjastjórnar
væri helsta umkvörtunarefni fulltrú-
anna á ráðstefnunni. „Þegar menn
ganga hérna um ráðstefnusalinn
heyra þeir fulltrúa segja að fjölmörg
mál séu á dagskrá en aðeins eitt
raunverulegt vandamál, Bandarík-
in,“ sagði Hare.
Samkvæmt Kyoto-bókuninni, sem
tók gildi í febrúar, eiga 35 helstu iðn-
ríki heims að minnka útblástur gróð-
urhúsalofttegunda um 5,2% á árun-
um 2008–2012 miðað við árið 1990.
Rætt um allt að 30%
minni útblástur
Gert er ráð fyrir því að umhverf-
isráðherrar um 120 ríkja mæti á ráð-
stefnuna í næstu viku til að ræða
hversu mikið eigi að draga úr út-
blæstri gróðurhúsalofttegunda eftir
árið 2012. Rætt hefur verið um að
minnka útblásturinn um allt að 30%
fyrir árið 2020.
140 ríki hafa staðfest bókunina og
er þetta í fyrsta skipti sem fulltrúar
þeirra koma saman til að setja reglur
um framkvæmd hennar frá því að
samkomulag náðist um hana árið
1997.
Útblástur gróðurhúsalofttegunda
er hvergi meiri en í Bandaríkjunum
og þarlend stjórnvöld samþykktu
ekki Kyoto-bókunina. Stjórn George
W. Bush Bandaríkjaforseta segir
m.a. að bókunin sé of dýr í fram-
kvæmd og krefst þess að hratt vax-
andi iðnveldi eins og Kína og Indland
dragi einnig úr útblæstri lofttegunda
sem valda gróðurhúsaáhrifum.
Hörð gagnrýni
á stjórn Bush
London. AFP. | Bresk nefnd, sem falið
var að skoða eftirlaunamálin og um-
bætur á þeim, leggur til, að eftir-
launagreiðslur ríkisins verði hækk-
aðar og eftirlaunaaldurinn einnig og
verði 68 ár.
Adair Turner, formaður nefndar-
innar, segir, að óhjákvæmilegt sé að
gera hvort tveggja, að hækka eftir-
laun og eftirlaunaaldur, og vill
nefndin, að það verði gert í áföngum
fram til 2050. Nú fara karlmenn í
einkageiranum á eftirlaun 65 ára en
konur 60 ára. Ríkisstjórnin samdi
hins vegar nýlega við opinbera
starfsmenn, að þeir gætu farið á eft-
irlaun sextugir. Hefur sá samningur
vakið mikla óánægju meðal framá-
manna í atvinnulífinu og verið harð-
lega gagnrýndur.
Eftirlaun frá breska ríkinu eru nú
um 8.900 kr. á viku fyrir einstakling
en 14.200 kr. fyrir hjón. Telur nefnd-
in nauðsynlegt að hækka þau og
binda launavísitölu en ekki vísitölu
verðlags.
Það var ríkisstjórnin, sem skipaði
nefndina, en eftirlaunakerfið stefnir
í þrot verði ekkert að gert. Reiknað
hefur verið út, að 2050 muni eftir-
launaþegum hafa fjölgað um 50% og
þá verði eftirlaunagreiðslurnar mið-
að við óbreytt ástand verða komnar
niður í 10% af almennum launum.
Eftirlaun og eftir-
launaaldur hækki
Tel Aviv. AP. |
Shimon Peres,
fyrrverandi leið-
togi Verka-
mannaflokksins í
Ísrael, ákvað í
gær að ganga til
liðs við hinn ný-
stofnaða stjórn-
málaflokk Ariels
Sharons for-
sætisráðherra.
Peres, sem er fyrrverandi for-
sætisráðherra, 82 ára að aldri, beið
auðmýkjandi ósigur fyrir Amir
Peretz í leiðtogakjöri í Verka-
mannaflokknum fyrir skömmu. Er
hann skýrði frá ákvörðun sinni í
gær, sagði hann, að hann teldi
Sharon manna líklegastan til að
semja um frið við Palestínumenn.
Ákvörðun Peres er mikill sigur
fyrir Sharon en sagt er, að Peres
ætli að berjast fyrir flokk Sharons,
Kadima eða „Áfram“, í kosningun-
um í mars næstkomandi án þess þó
að ganga í hann formlega. Hann
verður því ekki í framboði sjálfur
en mun fá ráðherraembætti beri
flokkur Sharons sigur úr býtum
eins skoðanakannanir gefa til
kynna.
Peres til liðs
við Sharon
Shimon Peres
París. AFP. | Rithöfundur í Frakk-
landi hefur vegið að einni af helstu
hetjum landsins í nýrri bók með
því að lýsa Napóleon Bónaparte
sem harðstjóra, hópmorðingja og
fyrirmynd Adolfs Hitlers.
„Hundrað og fjörutíu árum fyrir
helförina var til einræðisherra,
sem vonaðist til að stjórna heim-
inum og hikaði ekki við að bæla
niður hluta mannkynsins,“ segir
Claude Ribbe í bókinni „Glæpur
Napóleons“ sem kemur út í dag.
Ribbe tíundar meint grimmd-
arverk á valdatíma Napóleons í
Frakklandi 1799–1815. Hann segir
keisarann hafa „útrýmt“ hópum
blökkumanna á nýlendueyjum
Frakka og komið á kynþáttaað-
skilnaði. Ribbe er sjálfur blökku-
maður og á sæti í mannréttinda-
nefnd sem franska stjórnin
skipaði.
Ribbe segir að hermenn
Napóleons á eyjunni Haítí, sem
var þá nýlenda Frakka, hafi byrj-
að „umfangsmiklar þjóðernis-
hreinsanir“ árið 1802 til að bæla
niður uppreisn þræla.
Í bókinni er stuðst við skrif-
legar frásagnir nokkurra liðsfor-
ingja í her Napóleons og Ribbe
skrifar að franskir hermenn hafi
m.a. beitt brennisteinsdíoxíði til að
kæfa þræla sem haldið var í lest-
um skipa. Hermennirnir eru einn-
ig sagðir hafa fengið fyrirmæli um
að myrða alla blökkumenn yfir tólf
ára aldri.
„Það er engin furða að
Napóleon skuli hafa verið fyr-
irmynd Mussolinis, sem skrifaði
leikrit honum til dýrðar, eða
Hitlers, sem hyllti hann með
kveðjunni „heill Napóleon“ í París
28. júní 1940,“ skrifar Ribbe.
„Sagnfræðingar vita um allar
staðreyndirnar í bókinni en líta
framhjá þeim af ásettu ráði.“
Ribbe og hreyfingar í fyrrver-
andi nýlendum Frakka tóku
höndum saman um að vekja at-
hygli á grimmdarverkunum fyrir
hátíðarhöld í Frakklandi á morgun
í tilefni þess að tvær aldir verða
þá liðnar frá frægasta sigri
Napóleons, orrustunni við Auster-
litz, þegar her hans sigraði her-
sveitir keisara Austurríkis og
Rússlands.
Napóleon sagður
fyrirmynd Hitlers
Adolf
Hitler
Napóleon
Bónaparte
Washington. AFP. | Þúsundasta aftak-
an í Bandaríkjunum frá því að
dauðarefsingar voru teknar upp þar
að nýju árið 1976 verður að öllum lík-
indum síðar í vikunni.
Fangi, sem hafði verið dæmdur
fyrir morð, var tekinn af lífi með
banvænni sprautu í Ohio í fyrradag
og þar með höfðu 999 fangar verið
teknir af lífi á þeim 29 árum sem liðin
eru frá því að hæstiréttur Bandaríkj-
anna heimilaði dauðarefsingar að
nýju.
Taka átti fanga í Virginíu, Robin
Lovitt, af lífi í gær en Mark Warner
ríkisstjóri ákvað á síðustu stundu að
breyta dauðadómnum í lífstíðarfang-
elsi án möguleika á reynslulausn.
Lovitt var dæmdur fyrir morð á
manni með skærum árið 1998. Rík-
isstjórinn kvaðst hafa mildað dóminn
vegna þess að starfsmaður dómstóls
hefði eytt morðvopninu áður en
hægt var að ljúka DNA-rannsókn-
um.
Líklegt er að þúsundasta aftakan
fari fram í Norður-Karólínu eða Suð-
ur-Karólínu þar sem aftökur eru fyr-
irhugaðar á morgun.
Þúsund-
asta aftak-
an nálgast