Morgunblaðið - 01.12.2005, Blaðsíða 18

18 FIMMTUDAGUR 1. DESEMBER 2005 MORGUNBLAÐIÐ
FRÉTTIR
„VIÐ erum búnir að vera hérna fyr-
ir norðan í þrjá og hálfan mánuð og
það hefur gengið alveg ágætlega.
Við fórum í fyrsta róður á bátnum
6. ágúst en byrjuðum svo fyrir al-
vöru hinn 10. og fórum fyrst
nokkra róðra frá Siglufirði og flutt-
um okkur svo til Hofsóss og höfum
síðan gert út héðan. Nú eru komin á
land liðlega 330 tonn“ sagði Óskar
Eyþórsson skipstjóri á Bíldsey þeg-
ar fréttamaður hitti hann á bryggj-
unni á Hofsósi þar sem áhöfnin var
að landa 5 tonnum af fallegum fiski
á dögunum. Bíldsey SH 65 er nýr
bátur, 15 tonn að stærð, af gerðinni
Víkingur, smíðaður í Samtaki í
Hafnarfirði en yfirbygging er smíð-
uð hjá Sólplasti hf. í Reykjanesbæ.
Bíldseyjan er í krókakerfinu. Eig-
andi er útgerðarfélagið Sæfell hf. í
Stykkishólmi, fjórir eru í áhöfn, all-
ir úr Hólminum. Þetta mun vera
fyrsti báturinn af þessari gerð með
yfirbyggt dekk. ,,Ég er mjög
ánægður með bátinn, í raun miklu
ánægðari en ég þorði að vona því
það voru mikil viðbrigði að fara af
200 tonna skipi yfir á þennan.
Vegna yfirbyggingarinnar er alveg
gríðarlegur munur á vinnuaðstöðu
um borð. Við erum með beitn-
ingavél og þá er línan beitt um leið
og hún er lögð. Þetta er alveg hrein
bylting frá landbeittu línunni og
svo miklu miklu afkastameira. Ég
held að þetta sé einfaldlega það
sem koma skal, að minnsta kosti
varðandi krókabátana. Með þessari
tækni er alveg hægt að afnema
línuívilnunina. Það er alveg óþarfi
að vera að hygla mönnum við að
halda uppi úreltum vinnubrögðum
sem mér finnst þessi landbeitning
vera. Ekki síst í ljósi þess að það
fást nánast engir í beitninguna nú
orðið nema útlendingar,“ sagði
Óskar Eyþórsson skipstjóri.
Þeir voru að landa á Hofsósi á dög-
unum. Frá vinstri Óskar Eyþórs-
son, Höskuldur Þorsteinsson og
Þorsteinn Sigurlaugsson.
Ljósmynd/Örn Þórarinsson
Báturinn Bíldsey á leið inn í Hofsóshöfn. Hún er nýsmíði frá Samtaki og
hefur reynst mjög vel. Skipið hefur þegar skilað á land liðlega 330 tonnum.
Yfir þrjúhundruð tonn
á þremur mánuðum
VESTRI BA 63 fór í síðustu viku til
Danmerkur í viðamiklar breytingar
í skipsmíðastöðinni Granly A/S í
Esbjerg og er vinna við verkið haf-
in. Að sögn Sigurðar Viggóssonar,
framkvæmdastjóra Odda hf. á Pat-
reksfirði, áttu Danirnir lægsta til-
boðið í breytingarnar, en tilboð í
verkið voru opnuð í byrjun mán-
aðarins og nokkrum dögum seinna
gengið frá samningum vegna verks-
ins.
Gamli skrokkurinn, þ.e. vélar-
rúmshlutinn, verður fjarlægður og
endurnýjaður, nýr kjölur smíðaður
og tankar settir í bátinn. Skipt
verður um aðalvél, ljósavél, gír og
skrúfubúnað, svo og stýri og skrúfu
ásamt fleiru. Vestri hf. á Patreks-
firði festi kaup á vertíðarbátnum
Gretti SH 157 frá Stykkishólmi á
vormánuðum. Nýi Vestri BA 63 var
210 tonna yfirbyggður netabátur og
leysti af hólmi eldri Vestra BA, 94
tonna, sem smíðaður var í Kína, svo
stækkunin var mikil á stuttum tíma.
Í sumar var skipinu breytt mikið
fyrir dragnóta- og togveiðar. Sett
voru í hann öflug spil, skipt um og
endurnýjaðar spillagnir og milli-
dekkið lagað að breytingunum og
bíða átti með frekari breytingar
sem nú eru hins vegar komnar í
gang. Skipið var á snurvoð í haust á
heimamiðum og veiddi þokkalega
og reyndist vel í alla staði.
Áætlað er að breytingarnar taki
um 3 mánuði og að skipið komi aft-
ur heim um miðjan febrúar og fari
þá beint á togveiðar.
Morgunblaðið/Kristinn Benediktsson
Skip Vestri BA í höfninni í Patreksfirði. Nú er verið að breyta skipinu.
Vestri BA 63 farinn
í miklar breytingar
ÚR VERINU
UTANRÍKISRÁÐHERRA tilkynnti
aukin framlög til UNIFEM á árleg-
um morgunverðarfundi UNIFEM á
Íslandi á Hótel Loftleiðum sl. föstu-
dag. Í ávarpi sínu á fundinum sagði
ráðherra frá ákvörðun sinni að veita
12,5 milljónir króna í svæðisbundið
verkefni UNIFEM í Suðaustur-Evr-
ópu sem hefst á næsta ári. Framlagið
bætist við 11,7 milljónir króna sem ut-
anríkisráðuneytið hefur þegar veitt til
annarra verkefna sjóðsins á þessu ári.
Til viðbótar mun utanríkisráðuneytið
fjármagna stöðu starfsmanns á veg-
um Íslensku friðargæslunnar í fyrr-
nefndu verkefni UNIFEM í Suðaust-
ur-Evrópu. „Verkefnið fellur undir
svæðisáætlun sem byggist á góðum
árangri UNIFEM í Kósóvó en skrif-
stofan þar hefur verið starfrækt með
stuðningi Íslensku friðargæslunnar
undanfarin fimm ár,“ segir í frétta-
tilkynningu frá UNIFEM á Íslandi.
Eflir getu heimamanna
til að stuðla að jafnrétti
Bent er á að með stofnun verkefna-
skrifstofu UNIFEM í Kósóvó árið
1999 hófst starf sjóðsins á átakasvæð-
um. „Starfsemin þar þykir einstök
fyrir friðaruppbyggingu þar sem þró-
aðar hafa verið nýjar aðferðir og kom-
ið hefur verið á árangursríku sam-
starfi kvennahreyfinga og yfirvalda.
Með starfinu hefur UNIFEM eflt
getu heimamanna til að stuðla að
bættri stöðu kvenna og jafnrétti milli
karla og kvenna,“ segir í tilkynningu.
Svæðisáætlun UNIFEM fyrir Suð-
austur-Evrópu 2006-2008 ber yfir-
skriftina Jafnrétti, stjórnarfar og
friður. Áætlunin er þróuð með hlið-
sjón af núverandi samfélags- og efna-
hagsaðstæðum á svæðum sem enn
eru óstöðug en bjóða þó upp á áður
óþekkt tækifæri til að vinna að lang-
varandi friði. Meðal annars verður
áhersla lögð á að öll löggjöf og stefnu-
mótun sé unnin í samræmi við
Kvennasáttmála SÞ og Peking-
áætlunina, að kunnátta og þekking á
jafnréttismálum verði aukin í sam-
starfi frjálsra félagasamtaka og
stjórnvalda, að efnahagsleg tækifæri
kvenna á svæðinu séu bætt og mark-
visst verði unnið gegn mansali.
Staða íslensks sérfræðings
auglýst á næstunni
Í tilkynningunni kemur fram að frá
árinu 1999 hefur íslenska ríkisstjórn-
in veitt starfi UNIFEM í Kósóvó
mikilsverðan stuðning. Á tímabilinu
hafa fjórir íslenskir sérfræðingar,
sendir á vegum Íslensku friðargæsl-
unnar, veitt verkefninu forstöðu og
starfað að leiðtogaþjálfun, löggjöf,
mannréttindum, uppbyggingu stofn-
ana og haft milligöngu um úrlausnir
ágreiningsmála. Því starfi lýkur nú
um áramótin en á næsta ári mun Ís-
lenska friðargæslan fjármagna stöðu
íslensks sérfræðings til að starfa við
fyrrgreint verkefni í Suðaustur-Evr-
ópu. Sú staða verður auglýst á næstu
dögum.
Aukin fjárframlög
ríkisins til UNIFEM
VIÐBRÖGÐ hlustenda Rásar 2
við því að þáttur Gests Einars
Jónassonar, Með grátt í vöng-
um, verður nú í kjölfar breyt-
inga tekinn af dagskrá, hafa ver-
ið hörð.
Tölvupósti
rignir yfir
starfsmenn og
fjölmargir hafa
hringt og lýst
yfir óánægju
sinni, að sögn
Margrétar
Blöndal, starfs-
manns Ríkisút-
varpsins, sem
haldið hefur ut-
an um þá tölvupósta sem borist
hafa. Hún segir fólk af öllu land-
inu hafa haft samband og marg-
ir skorað á stjórnendur Ríkisút-
varpsins að hætta við fyrir-
huguð áform. Þáttur Gests
Einars hefur verið á dagskrá á
laugardögum frá kl. 16 til 18. Sá
síðasti nú síðastliðinn laugar-
dag. Við tekur þáttur í umsjá
Freys Eyjólfssonar, „Geymt en
ekki gleymt“.
Alþýðlegur og hefur
góða nærveru
„Það hefur látlaust verið
hringt undanfarna daga og við
höfum fengið fjölmarga tölvu-
pósta. Mér þykir mjög athygl-
isvert að fólk skuli nenna að hafa
fyrir því að láta skoðun sína í
ljós, ég geri ráð fyrir að enn
fleiri séu óánægðir með þessa
breytingu, því margir láta
óánægju sína bara í ljós heima í
eldhúsi,“ sagði Margrét. Hún
sagði fólki misboðið, þátturinn
hefði lengi verið á dagskrá og
væri hluti af lífi margra, þar
væri leikin tónlist sem annars
heyrðist ekki oft í útvarpi. Í
bréfunum lýsir fólk því að Gest-
ur Einar sé alþýðlegur, hafi
góða nærveru og það verði sjón-
arsviptir að því að geta nú ekki
lengur hlýtt á hann síðdegis á
laugardögum. Margrét kvaðst
hafa unnið hjá Ríkisútvarpinu í
23 ár og aldrei áður hafa orðið
vitni að öðrum eins viðbrögðum
við breytingum á dagskrá.
„Fólk er bara kolvitlaust út af
þessu.“
Mikil
óánægja
meðal
hlustenda
Þáttur Gests Ein-
ars, Með grátt í
vöngum, tekinn af
dagskrá Rásar 2
Gestur Einar
Jónasson
ALLT ytra byrði Heilsuverndar-
stöðvarinnar við Barónsstíg telst
verndað, ásamt tilheyrandi innrétt-
ingum, gólfefnum og frágangi, og
geta því nýir eigendur ekki fjar-
lægt eða breytt þessum hlutum
hússins án leyfis húsafriðunar-
nefndar ríkisins, þjóðminjavarðar
og eftir atvikum skipulags- og
byggingaryfirvalda í borginni.
Þetta kemur fram í kvöð um
verndun hússins og lóðarinnar sem
um náðist samkomulag milli rík-
isins og Reykjavíkurborgar áður en
húsið var boðið til sölu í byrjun nóv-
ember sl. Í vikunni var tilkynnt að
kauptilboði frá Mark-Húsum ehf. í
Heilsuverndarstöðina hafi verið
tekið, en tilboðið hljóðaði upp á 980
milljónir króna.
Morgunblaðið/Gísli Sigurðsson
Heilsuverndarstöðin við
Barónsstíg vernduð