Morgunblaðið - 21.12.2005, Page 37

MORGUNBLAÐIÐ MIÐVIKUDAGUR 21. DESEMBER 2005 37
UMRÆÐAN
BRÉF TIL BLAÐSINS
Morgunblaðið, Kringlunni 1, 103 Reykjavík  Bréf til blaðsins | mbl.is
Í MORGUNBLAÐIÐ 17. des. ritar
Hallgrímur Axelsson grein um hafn-
argerð við suðurströndina. Þarna
undan ströndinni í Vestmannaeyjum
er blómlegt byggðarlag sem hefir
frekar lélega tengingu við land. Ann-
marka á hafnargerð þarna telur
Hallgrímur m.a. mikinn sandburð
við ströndina. Þetta er rétt, í aust-
lægum áttum berst sandurinn til
vesturs og í vestlægum berst hann
til austurs. Niðurstaðan af ríkjandi
veðurfari að undanförnu er svo nú-
verandi strandlína. Þessi sand-
burður er ekki endilega hindrun því
ef rétt er á haldið er hann heilmikið
tækifæri. Bandarískur strandverk-
fræðingur (Coastal Engineer), Carr-
ol L. Riker, vann m.a. við að gera
Panamaskurðinn og landfyllingar
undir Washingtonborg. Vegna
Labradorstraumsins voru í tíð Riker
tíðir skipsskaðar við Nýfundnaland,
kaldur sjór kældi loftið og þoka
myndaðist. Ráð Riker við þessu var
að gera 300 km langan leiðigarð út
frá Nýfundnalandi. Garðagerð þessi
byggðist á því að leggja flotlínu niðri
við botn og draga með því úr
straumhraða við botninn. Þegar
straumurinn minnkar sest sand-
urinn og það grynnkar. Smátt og
smátt er svo flotlínan hækkuð og
grynnkunin heldur áfram. Í nútím-
anum mætti gera svona með ónýtum
þorskanetum sem lögð yrðu út frá
ströndinni þarna í Landeyjunum. Til
að allt sé löglegt þyrfti um svona að-
gerð að stofna undirbúningsfélag og
er hér með skorað á hr. Árna John-
sen að drífa í því.
GESTUR GUNNARSSON,
tæknifræðingur.
Landeyja-
höfn
Frá Gesti Gunnarssyni
ÞAÐ má furðu sæta, að útvarp allra
landsmanna, Ríkisútvarpið, skuli að-
eins hafa náð 75 ára aldri, þegar höfð
er í huga sú ótrú-
lega tæknibylt-
ing, sem orðið
hefur á starfstíma
fjölmiðilsins.
Ætla mætti að
lengri tíma hefði
tekið að færa
tæknina til þess
horfs sem raun
ber vitni nú. Jafn-
aldrar Rík-
isútvarpsins hafa sagt mér að þeir
muni vel eftir því þegar þeir heyrðu í
,,radíói“ í fyrsta sinn, enda náði undr-
ið ekki eyrum allra landsmanna
framan af.
Aflvaki íslenskrar menningar
Landsmenn eiga Ríkisútvarpinu
sannarlega margt að þakka. Að öðr-
um miðlum ólöstuðum hefur Rík-
isútvarpið skarað fram úr, enda átt
hægara um vik en aðrir. Fræðandi,
upplýsandi og skemmtandi hefur
Ríkisútvarpið ávallt lagt sérstaka al-
úð við framleiðslu innlends dagskrár-
efnis og reynst einn af traustustu
hornsteinum íslenskrar menningar.
Þess vegna fer þeim fjölgandi og
vex fiskur um hrygg, sem gera sér
grein fyrir mikilvægi þess að efla og
treysta innviði útvarpsins svo það
megi verða aflvaki íslenskrar menn-
ingar, þar sem vörn og sókn vegna
móðurmálsins nýtur forgangs.
Einkaaðilar geta aldrei sinnt því
hlutverki þjóðarútvarps okkar vegna
þess að hjá þeim ráða arðsemi- eða
gróðasjónarmiðin ein för.
Regla um óhlutdrægni
Því er ekki að neita að ýmsum hefur
þótt hin síðari árin að dofnað hafi yfir
framkvæmd þeirrar lögskráðu og
eiðsvörnu stefnu Ríkisútvarpsins
sem kveðið er á um í upphaflegu lög-
unum um Ríkisútvarpið frá 1930:
,,Þess skal stranglega gætt, að við
útvarpið ríki skoðanafrelsi og að
gætt verði fyllstu óhlutdrægni gagn-
vart öllum flokkum og stefnum í al-
mennum málum.“
Þessi regla um óhlutdrægni Rík-
isútvarpsins er afar mikilvæg og veit-
ir því sérstöðu gagnvart öðrum miðl-
um, því enginn miðill í einkaeigu þarf
að hlíta lögum um óhlutdrægni.
Vinir og velunnarar Ríkisútvarps-
ins árna því allra heilla á þessum
tímamótum og biðja þess, að það
megi um alla framtíð verða brjóst-
vörn menningar og mennta í landi
okkar.
F.h. Hollvinasamtaka Ríkis-
útvarpsins,
MARGRÉT K.
SVERRISDÓTTIR,
formaður.
Ríkisútvarpið 75 ára –
Árnaðaróskir
Frá Margréti K. Sverrisdóttur
Margrét K.
Sverrisdóttir
Fáðu úrslitin
send í símann þinn