Morgunblaðið - 21.12.2005, Blaðsíða 49

MORGUNBLAÐIÐ MIÐVIKUDAGUR 21. DESEMBER 2005 49
DAGBÓK
Við förum alltaf út að morgni annars í jól-um og komum síðan heim annaðhvort30. eða 31. desember,“ segir HeimirRíkarðsson, handboltaþjálfari, spurður
um för íslenska landsliðsins, skipað leikmönnum
17 ára og yngri, til Þýskalands á milli hátíðanna.
Heimir segir að þetta sé í ellefta sinn sem Ísland
sé með í mótinu. „Þetta kom þannig til á sínum
tíma að ég var tekinn við þjálfun unglingalands-
liðsins og var að leita að verkefunum fyrir liðið.
Ég rakst á þetta mót og hafði samband og úr
varð að við fórum út og síðan hef ég farið tíu
sinnum – og fer núna í ellefta sinn. Ég er sá eini
sem hef alltaf farið enda eldast leikmennirnir
upp úr liðinu,“ sagði Heimir.
„Þjóðverjarnir tóku vel í beiðni mína fyrir ára-
tug og síðan þá erum við komnir í nokkurs konar
áskrift. Þjóðverjar vilja endilega fá okkur á
þetta mót og bjóða okkur alltaf enda eru þeir
ánægðir með okkur. Mótið er haldið í bæ sem
heitir Merzic og er skammt frá Saarbrücken, að-
eins um 20 mínútna keyrsla þar á milli. Mótið er
haldið í Merzic en liðin gista flest í Saarbrücken.
Þar þekkjum við orðið ágætlega til, höfum
alltaf verið á sama hótelinu en ég hef samt ekki
alltaf fengið sama herbergið,“ segir Heimir og
segist fylgjast ágætlega með öllum breytingum
sem orðið hafa þarna síðasta áratuginn með því
að koma þar einu sinni á ári – og alltaf á sama
tíma.
Leikið er í tveimur fjögurra liða riðlum og
leikur íslenska liðið við Dani á þriðjudaginn 27.
desember. Daginn eftir verða tveir leikir, við
Sviss fyrir hádegi og Pólland eftir hádegi. Á
fimmtudeginum verða einnig tveir leikir, fyrst er
krossspil og síðan leikið um sæti. „Þetta er nokk-
uð strembið alltaf því þetta er fjögurra nátta
ferð og strákarnir spila fimm leiki á þeim tíma. Í
riðlunum eru leiknar 2x25 mínútur en það er síð-
an fullur leiktími síðasta daginn. Við finnum þeg-
ar við erum í okkar fyrstu leikjum að mótherj-
arnir eru í betri leikæfingu, hafa keyrt á milli
landa og spilað á meðan við erum að leika okkar
fyrstu leiki,“ segir Heimir.
Hann er ánægður með móttökurnar í Þýska-
landi og talsvert er fylgst með mótinu og um 500
áhorfendur á leikjunum. „Fyrst þegar ég fór
hafði maður mestar áhyggjur af því hvort ein-
hver tæki á móti okkur. Nú þarf maður þess
ekki. Það er mjög vel að þessu staðið og strák-
arnir hafa gott af þessu. Við höfum orðið í þriðja
sæti og oft nærri því að morgni að komast í úr-
slitaleikinn. Þarna hafa margir stigið sín fyrstu
skref, eins og til dæmis Guðjón Valur Sigurðsson
og Róbert Gunnarsson. Þeir léku á sínum tíma í
Hela-Cup eins og mótið er kallað,“ segir Heimir.
Íþróttir | Árlegt handboltamót fyrir táninga í Þýskalandi milli hátíðanna
Farið út annan dag jóla í 11 ár

Heimir Ríkarðsson er
Reykvíkingur í húð og
hár, „eða eigum við ekki
að segja það“ eins og
hann orðar það sjálfur.
Hann er aðalvarðstjóri
hjá lögregluembættinu
í Reykjavík. Hann er
einhleypur. Heimir hef-
ur um margra ára skeið
verið á fullu í kring um
handknattleik og var
lengi þjálfari hjá Fram. Í
vetur er hann aðstoðarþjálfari meistaraflokks
Vals auk þess að sjá um þjálfun annars og
þriðja flokks félagsins. Aukin heldur er hann
landsliðsþjálfari hjá 19 ára liði pilta og 17 ára
liði.
Ekkert auglýsingagildi
UNDANFARIN ár hafa Bón-
usverslanirnar haft það fyrir sið að
styrkja öryrkja í jólamánuðinum
með því að senda þeim gjafabréf til
að geta verslað fyrir mat fyrir hátíð-
arnar! En nú er þessu allt í einu hætt
án nokkurra skýringa!
Þetta skýtur svolítið skökku við,
því að um leið og þeir hætta þessu
eru þeir að lofa hundruðum milljóna
til stofnana úti í heimi, auðvitað vita
allir að þeir sem þar er verið að
styrkja þurfa svo sannarlega á því að
halda, en er þetta bara sýnd-
armennska til að fá auglýsinguna
fyrir fyrirtækið? Spyr sá sem ekki
veit.
Og þessir herramenn eins og Jón
Ásgeir Jóhannesson komu til veislu-
haldanna, á margra milljóna króna
bíl og var þess getið að hann væri
bara einn af mörgum eðalvögnum í
hans eigu. Ekki virðist vanta pen-
ingana á því sviði, og ekki dugði
minna en forsetasetrið til að halda
þessa veislu, og fá þar með það aug-
lýsingagildi sem því fylgir.
Því að þessar gjafabréfasendingar
til öryrkja í gegnum árin hafa farið
hljótt og þar er ekkert auglýs-
ingagildi við að hafa, en þakklætið og
góður hugur sem öryrkjar hafa hugs-
að til verslananna og Jóhannesar
Jónssonar hefur verið mikill.
Enn og aftur skýtur þetta mjög
skökku við að þeir sem virkilega
þurfa á þessu að halda í jólamán-
uðinum hér heima til að geta haldið
svona sæmilega gleðileg jól fái nú
ekkert á meðan að ausið er til þess-
ara erlendu stofnana. Væri ekki nær
að hugsa aðeins til þeirra sem minnst
mega sín hér heima, en ekki að hugsa
bara um að fá auglýsinguna fyrir
gjafmildi til þessara útlendu stofn-
ana?
Með von um að Jóhannes og fé-
lagar sjái nú að sér og láti eitthvað
lítilræði af hendi rakna til öryrkja
eins og undanfarin ár, skrifa ég
þessa grein!
Með kærri þökk fyrir það sem gert
hefur verið fyrir öryrkja af hendi Jó-
hannesar og félaga undanfarin ár.
Einn af öryrkjunum sem sér ekki
fram á að halda þokkaleg jól!
Pálmar Smári Gunnarsson,
Sléttuvegi 9, Rvík.
Elvis er týndur í Kópavogi
ELVIS, sem er 4 ára fress, ógeltur,
grábröndóttur og ómerktur, týndist
frá Digranesheiði 4 en þangað er
hann nýfluttur. Hann bjó áður á
Kópavogsbraut 78 og gæti því verið á
leiðinni þangað. Þeir sem vita um
hann hafi samband í síma 690 6956.
Músí er týnd í Breiðholti
MÚSÍ, kisan okkar, týndist 16. des. í
Norðurfelli, Efra-Breiðholti. Hún er
lítil og nett af síamskyni, ljósbrún
með svartar lappir, svart trýni og
eyru en hvít fremst á loppunum og
með hvítan blett á trýni. Hún gæti
hafa lokast inni í bílskúr og er fólk
beðið að athuga í skúrana sína. Hún
er með appelsínurauða ól og rautt
merkispjald. Þeir sem vita um Músí
eru vinsamlega beðnir að hafa sam-
band í síma 567 8210, 860 7013 eða
616 6618.
Velvakandi
Svarað í síma 5691100 frá 10–12
og 13–15 | velvakandi@mbl.is
BÓKAKAFFIÐ er að þróast út í
heilsusamlega neyslu á sérstöku
engiferseyði sem nýtur mikilla
vinsælda á meðal gesta sem líta
inn í nýopnað Listasetur Lafleur,
að sögn umsjónarmannsins Bene-
dikts S. Lafleur. Þar getur al-
menningur sest niður og íhugað
eða litið í bók og fengið sér hollt
seyði í jólastressinu eða kaffi með
konfekti. Næst á dagskrá eru tveir
viðburðir í Listasetri Lafleur:
Kötlugos, sem nær hámarki kl.
20.30 í kvöld, en þar getur fólk
tryggt sér eintak af nýútkominni
bók um öll Kötlugosin eftir Wern-
er Schutzbach, sem hefur fengið
fálkaorðuna fyrir skrif sín um
náttúru Íslands. Gosið mun einnig
eiga sér stað í Brydebúð í Vík í
Mýrdal á sama tíma með miklum
látum og hátíðarhöldum.
Næsta hátíð mun síðan verða á
Þorláksmessu, en þá verður opið á
Listasetri Lafleur til miðnættis.
Bækur verða seldar á vildarverði.
Boðið verður ókeypis upp á skötu-
rétt að hætti Lafleur og auðvitað
engiferseyðið góða og annað góð-
gæti. Jón Sigurðsson píanisti leik-
ur nokkur sígild lög, þ. á m. eigin
útsetningu á verkum tangómeist-
arans Piazzola. Hann kynnir einn-
ig nýútkominn geisladisk.
Kötlugos á Listasetri Lafleur
Innihaldið skiptir máli
Marimekko flytur um áramót úr
IÐU húsinu að Laugarvegi 7.
30-40%
afsláttur af öllum fatnaði til jóla.
Vönduð jólagjöf á góðu verði.
STÓRÚTSALA V/FLUTNINGA
Opið til kl. 22 öll kvöld til jóla
Gjafakort í
jólapakkann
hennar
Lækjargata 2a s. 511-5001 opið 09 - 22 alla daga
Hunda- og kattaspil
Time square klukka
Músamottur
Skissu- og dagbækur
Myndaalbúm
Mikið úrval
af skemmtilegri
gjafavöru
Silkiljós
Málverk
Til sölu málverk eftir eftirtalda listamenn:
• Jóhannes Kjarval, Landslag 110x108 cm.
• Jón Stefánsson, Landslag 98x68 cm.
• Þórarinn B. Þorláksson, Landsslag 38x25,5 cm.
Upplýsingar í síma 662 0988.