Fréttablaðið - 28.05.2004, Blaðsíða 19
19FÖSTUDAGUR 28. maí 2004
KÍNVERJUM GEFIÐ LANGT NEF
Dalai Lama, andlegur leiðtogi Tíbeta, kom
í gær í fjögurra daga heimsókn til Bret-
lands. Kínverjar gagnrýndu Breta fyrir að
hleypa honum inn í landið en það kom
ekki í veg fyrir að Karl prins tæki á móti
honum í veislu.
Kolgrafarfjörður:
Þverun
lokið
LANDSBYGGÐIN Þverun Kolgrafar-
fjarðar á norðanverðu Snæfells-
nesi lauk í gær. Þá var síðasta
hlassinu sturtað í uppfyllingu
sem nægði til að tengja veginn
milli austur- og vesturbakkans.
Opnað verður fyrir umferð yfir
brúna í haust.
Framkvæmdir við smíði
brúar og veglagningu hafa nú
staðið yfir frá því í maí á síðasta
ári og gengið vel. Upphaflega
gerðu áætlanir ráð fyrir að
verkinu myndi ljúka í október
2005 þannig að ef allt gengur
eftir verður verkinu lokið rúmu
ári á undan áætlun. ■
LANDAMÆRAEFTIRLIT Íslensk og
norsk stjórnvöld fá ekki atkvæðis-
rétt um málefni Evrópsku
landamærastofnunarinnar ef
aðildarríki Evrópusambandsins
samþykkja tillögu framkvæmda-
stjórnar sambandsins. Stofnunin á
að hafa leiða samvinnu Schengen-
ríkja með landamæravörslu.
Þar sem Ísland og Noregur eru
ekki aðilar að Evrópusambandinu
þótti framkvæmdastjórninni ekki
tilhlýðilegt að löndin hefðu atkvæð-
isrétt en gætu þess í stað undan-
þegið sig þeim ákvörðunum sem
teknar yrðu að því er kom fram á
fréttavefnum EUObserver. Þar
segir að Antonio Vitorino, sem fer
með dóms- og innanríkismál í fram-
kvæmdastjórninni, hafi verið
hlynntur því að ríkin fengju at-
kvæðisrétt en að aðrir meðlimir
framkvæmdastjórnarinnar hafi
verið annarrar skoðunar.
Gunnar Snorri Gunnarsson,
ráðuneytisstjóri í utanríkisráðu-
neytinu, sagði þetta ekki koma á
óvart. „Þetta er eins og kaupin ger-
ast á eyrinni,“ sagði hann og taldi
þetta ekki breyta miklu. ■
Fá ekki atkvæðisrétt um Evrópsku landamærastofnunina:
Geta sagt sig frá ákvörðunum
LONDON, AP Breska lögreglan hefur
handtekið róttæka klerkinn Abu
Hamza al-Mazri, sem bresku götu-
blöðin hafa nefnt Krókinn vegna
þess að hann er með tvo króka í
stað handa og auga úr gleri að auki.
Bandarísk stjórnvöld hafa
óskað eftir því að al-Mazri verði
framseldur svo hægt sé að rétta
yfir honum. John Ashcroft,
dómsmálaráðherra Bandaríkj-
anna, sagði í gær að gefin hefði
verið út ákæra á hendur al-Mazri
í ellefu liðum. Meðal þess sem
klerkurinn er kærður fyrir er til-
raun til að koma upp æfingabúð-
um fyrir hryðjuverkamenn í Or-
egon í Bandaríkjunum og að að-
stoða al-Kaída og talibana.
Það sem kann að koma í veg
fyrir að al-Mazri verði framseld-
ur er að hann gæti verið dæmdur
til dauða ef hann verður fundinn
sekur. Talsmaður Tony Blair, for-
sætisráðherra Bretlands, sagði í
gær að Bandaríkjamenn gerðu
sér grein fyrir að ekki væri hægt
að framselja al-Mazri nema
öruggt væri að hann yrði ekki
dæmdur til dauða.
Al-Mazri var dreginn fyrir dóm-
ara í gær og spurður hvort hann
samþykkti framsal. Hann hló þá,
yppti öxlum og afþakkaði pent. ■
Bandaríkjamenn vilja fá umdeildan klerk framseldan:
Krókurinn handtekinn
Á LANDAMÆRUM
Ísland og Noregur fá ekki að greiða at-
kvæði um ákvarðanir sem snerta Evrópsku
landamærastofnunina þrátt fyrir þátttöku í
Schengen-samstarfinu.
BEÐIÐ VIÐ FANGELSIÐ
Stuðningsmenn klerksins umdeilda báðu
fyrir honum við fangelsið þar sem hann er
vistaður.
miðunarreglur ESA þyrfti margt að
koma til. Skilgreina þurfi hlutverk
stofnunarinnar, líkt og ríkisstjórnin
hyggist nú gera. Takmarka verði
jafnframt þá opinberu fjármögnun
sem þörf sé á svo tryggja megi að
almenningsútvarpið fái sinnt þeim
skyldum sem skilgreindar hafi ver-
ið. Þá þurfi að meta hversu mikil
þörf sé á þjónustu í almannaþágu og
hvert hlutfall hennar eigi að vera.
Þá verði að meta hvort þjónustan
feli í sér of mikil framlög frá ríkinu.
Jafnframt er það talið nauðsyn-
legt að halda aðgreindum fjárhag
til verkefna sem flokkast undir
skylduhlutverk RÚV og annarra
verkefna. Þorgerður Katrín segir
að í almannaútvarpi sé vel hægt að
aðskilja ákveðna hluti frá öðrum.
„Skoðað verður hvernig hægt sé
að skilgreina hlutverk RÚV svo
það geti líka uppfyllt kröfur og
skyldur sem það er undirorpið
gagnvart almenningi. RÚV þarf að
geta sinnt hlutverki sínu gagnvart
almenningi betur en það gerir og
er ég ekki með þessu að segja að
það geri það ekki vel í dag,“ segir
Þorgerður Katrín.
Nýjar viðmiðunarreglur frá
ESA
Nýjar viðmiðunarreglur um
almenningsútvarp hafa verið
teknar upp hjá ESA, að sögn
Amund Utne. Reglurnar eru
byggðar á nýlegum viðmiðunar-
reglum Evrópusambandsins.
Reglurnar fela meðal annars í
sér skilgreiningu á ríkisstyrkj-
um til almenningsútvarps og
hvað megi flokka þar undir.
„Það er ekkert athugavert að
ríkisstyrkir séu notaðir til að
fjármagna almenningsútvarp.
Það er þó alltaf vafaatriði þegar
almenningsútvarp, sem fjár-
magnað með afnotagjöldum er
einnig að keppa á auglýsinga-
markaði,“ segir Utne.
Hann segir að meginhluti
fjármögnunar RÚV sé með af-
notagjöldum. „Spurningin er
hins vegar sú hvort mögulegt sé
að tekjurnar af afnotagjöldun-
um séu notaðar í annað en það
sem einungis megi skilgreina
sem skyldur almennings-
útvarps. Það er eitt af því sem
við munum skoða,“ segir Utne.
Að sögn Utne er staða RÚV
ekki einstök í Evrópu. ESA er
einnig að skoða málefni norska
ríkissjónvarpsins um þessar
mundir og er framkvæmdastjórn
Evrópusambandsins með málefni
almenningsútvarps í nokkrum
Evrópulöndum í skoðun.
„Bakgrunnurinn að þessu er
sá að markaður fyrir ljósvaka-
miðla hefur tekið breytingum að
undanförnu. Í kjölfarið hefur
fjármögnun með auglýsinga-
tekjum orðið algengari. Því
verður að ganga úr skugga um
að ákveðnum grundvallarregl-
um sé fylgt varðandi það hverj-
ar skyldur almenningsútvarps
eru og hverjar þær eru ekki,“
segir Utne.
Hann segir að það sé langt
frá því auðvelt að skilgreina
hvað eigi að vera hluti af skyld-
um almenningsútvarps en það
komi að nokkru leyti í hlut ríkis-
ins að skilgreina það.
Þorgerður Katrín segir að
ekkert sé útilokað varðandi end-
urskipulagningu RÚV.
„Þegar svona endurskoðun er
hafin er auðvitað allt lagt undir,
annað væri óeðlilegt. Ég er opin
fyrir öllum möguleikum,“ segir
hún. ■
ÚR LÖGUM UM RÍKISÚT-
VARPIÐ
3. gr. Ríkisútvarpið skal leggja rækt við
íslenska tungu, sögu þjóðarinnar og
menningararfleifð.
- Ríkisútvarpið skal halda í heiðri lýð-
ræðislegar grundvallarreglur og mann-
réttindi og frelsi til orðs og skoðana.
Það skal gæta fyllstu óhlutdrægni í
frásögn, túlkun og dagskrárgerð.
- Ríkisútvarpið skal m.a. veita almenna
fréttaþjónustu og vera vettvangur fyrir
mismunandi skoðanir á þeim málum
sem efst eru á baugi hverju sinni eða
almenning varða. Það skal flytja fjöl-
breytt skemmtiefni við hæfi fólks á
öllum aldri. Sérstaklega skal þess gætt
að hafa á boðstólum fjölbreytt efni við
hæfi barna, jafnt í hljóðvarpi og sjón-
varpi. Ríkisútvarpið skal flytja efni m.a.
á sviði lista og bókmennta, vísinda og
sögu auk tónlistar. Það skal veita al-
menna fræðslu og gera sjálfstæða
dagskrárþætti er snerta Ísland eða Ís-
lendinga sérstaklega.
- Útvarpsefni skal miða við fjölbreytni
íslensks þjóðlífs. Veita skal alla þá
þjónustu sem unnt er með tækni út-
varpsins og þjóðinni má að gagni
koma.
- Efni á erlendu máli, sem sýnt er í
sjónvarpsdagskrá Ríkisútvarpsins, skal
jafnan fylgja íslenskt tal eða texti á ís-
lensku eftir því sem við á hverju sinni.
Það á þó ekki við þegar fluttir eru er-
lendir söngtextar eða þegar dreift er
viðstöðulaust um gervitungl og mót-
tökustöð fréttum eða fréttatengdu efni
sem sýnir að verulegu leyti atburði
sem gerast í sömu andrá. Við þær að-
stæður skal Ríkisútvarpið ñ sjónvarp,
eftir því sem kostur er, láta fylgja end-
ursögn eða kynningu á íslensku á
þeim atburðum sem gerst hafa. Skal
lögð áhersla á að allt tal og texti sé á
lýtalausu íslensku máli.
ÞORGERÐUR KATRÍN
GUNNARSDÓTTIR
„Ég vil að fyrirkomulag afnotagjalda verði
endurskoðað og að stjórnskipulag Ríkis-
útvarpsins verði stokkað upp þannig að
það verði einfaldara, skýrara og skarpara.“
AMUND UTNE
„Ekkert athugavert að ríkisstyrkir séu not-
aðir til að fjármagna almenningsútvarp.
Það er þó alltaf vafaatriði þegar almenn-
ingsútvarp sem fjármagnað með afnota-
gjöldum er einnig að keppa á auglýsinga-
markaði.“