Fréttablaðið - 28.05.2004, Blaðsíða 69
FÖSTUDAGUR 28. maí 2004
■ TÓNLEIKAR
■ LEIKSÝNING
Við fengum hálfa jarðhæð ígamla Lækjarskóla og erum
mjög sæl með það,“ segir Snorri
Engilbertsson hjá Leikfélagi Hafn-
arfjarðar, sem í kvöld frumsýnir
Hamskiptin eftir Kafka í nýju hús-
næði leikfélagsins við Lækinn.
„Við fengum til umráða fjórar
stofur, en tveimur þeirra er búið
að breyta í einn stóran sal. Í hin-
um stofunum erum við með að-
stöðu undir búninga, fundi og þess
háttar.“
Snorri leikstýrir sjálfur Ham-
skiptunum, en það er Gunnar B.
Guðmundsson sem fer með hlut-
verk Gregors Samsa, sem vaknar
í rúminu sínu dag nokkurn og hef-
ur þá breyst í risavaxna bjöllu.
„Reyndar sér maður breyting-
una ekki á honum í uppfærslu okk-
ar. Þetta er frekar andleg breyting
sem verður á honum,“ segir Snorri.
Hamskipti Kafkas er fyrsta
leikritið af fimm sem leikfélagið
ætlar að setja upp í nýja húsinu á
næstu fimm mánuðum í tilefni af
þessum tímamótum í sögu félags-
ins.
Næsta verk í röðinni er Hin
beisku tár Petru von Kant eftir
Rainer Werner Fassbinder og er
frumsýning áætluð í byrjun júlí. Í
kjölfarið fylgir svo Saga úr dýra-
garðinum eftir Edward Albee, „Að
sjá til þín maður“ eftir Franz
Xaver Kroetz og að endingu Spör-
fugl (Birdy) eftir Naomi Wallace. ■
Brodsky-kvartettinn hefurverið kallaður tónlistarhópur
aldarinnar, enda hefur hann unn-
ið mörg stórvirkin og verið
óhræddur við að fara ótroðnar
slóðir.
Þau spila jafnt nútímatónlist
sem klassískari verk og hafa
einnig átt farsælt samstarf við
fræga tónlistarmenn á borð við
Paul McCartney og Elvis
Costello, að ógleymdri Björk
Guðmundsdóttur sem hefur
tvisvar sinnum unnið með Brod-
sky-kvartettinum.
Kvartettinn skipa fiðluleikar-
arnir Andrew Haveron og Ian
Belton ásamt hjónunum Paul
Cassidy lágfiðluleikara og
Jacqueline Thomas sellóleikara.
Á tónleikum í Íslensku óper-
unni í kvöld ætlar kvartettinn að
flytja verk eftir Sjostakovitsj og
Beethoven ásamt nýju verki eftir
Snorra Sigfús Birgisson, sem var
sérstaklega samið fyrir Brodsky-
kvartettinn.
Þetta eru fyrri tónleikar
kvartettsins en á morgun verður
stórfagnaður með 50 barna
skólakór Kársness, Sjón og
Ásgerði Júníusdóttur í
Borgarleikhúsinu klukkan 16.
Tónleikarnir eru byggðir á sögu
Sjóns, Önnu og skapsveiflunum.■
17.00 Tónlistatorg í Kringlunni,
Þýtur í stráum með KK og Guðmundi
Péturssyni.
20.00 Brodsky-strengjakvartett-
inn með sígilda dagskrá í Íslensku óper-
unni.
20.00 Hugstolinn, the raven’s
rhapsody. Kammerópera í Borgarleik-
húsinu.
21.00 Klezmer Nova, franskur
gyðingadjass frá Austur-Evrópu, á Broad-
way.
■ LISTAHÁTÍÐ Í DAG
Brodsky í Óperunni
Skipt um ham í nýju húsi
TEKIST Á VIÐ HAMSKIPTI
Leikfélag Hafnarfjarðar frumsýnir í kvöld
klukkan átta Hamskiptin eftir Franz Kafka
í nýju húsnæði leikfélagsins í gamla
Lækjarskóla
BRODSKY-KVARTETTINN
Verður með sígilda dagskrá í Íslensku
óperunni klukkan 20 í kvöld.