Fréttablaðið - 28.05.2004, Blaðsíða 44

LAUGARVATN
Listmunahús
og markaður
„Ég flutti hingað í sveitina
fyrir tveimur árum en var
áður með gallerí í Garðabæ,“
segir Þuríður Steindórsdótt-
ir, sem rekur listmunahús á
Laugarvatni, skáhallt á móti
tjaldmiðstöðinni. Á hlaðinu
fyrir utan er oft líflegur
markaður þar sem fram-
leiðsla blóma- og grænmetis-
bænda er boðin til kaups,
auk silungs og annars góð-
metis.
Handverkið hennar Þuríðar
er allt úr smíðajárni. Það eru
lampar, kertaljósakrónur og
stólar, svo eitthvað sé nefnt.
Auk þess er hún með mikið
úrval af munum alls staðar
að af landinu. Þeir eru úr
gleri, leir, tré og ýmsu öðru.
„Það er heilmikil stemning
kring um þetta, því margir
eiga leið hér um,“ segir
Þuríður og brosir fallega.


28. maí 2004 FÖSTUDAGUR16
Hellnar:
Fiskisúpan er aðall
Fjöruhússins
„Þetta er gamalt fiskvinnslu- og veiðarfærahús. Hér var saltað,
hausar hertir og veiðarfæri geymd. En við erum búin að byggja
eldhús við,“ segir Sigríður Einarsdóttir þar sem hún stendur innan
við snoturt afgreiðsluborð Fjöruhússins að Hellnum á Snæfells-
nesi. Hún og maður hennar, Kristján Gunnlaugsson, hafa rekið það
síðan 1997.
Fjöruhúsið er eitt af minnstu vertshúsum landsins. Stofa eins og
í dúkkuhúsi. Pallurinn er þó enn tilkomumeiri veitingasalur með
sæbarða kletta sitt til hvorrar handar, hafið framundan og himin-
inn sjálfan sem þak.
Þau hjón eru nýlega komin vestur eftir vetursetu í Reykjavík
þar sem þau vinna það sem til fellur. „Þetta er svo lítið batterí að
við lifum ekki á því,“ segja þau og meina veitingareksturinn. Fiski-
súpan er þeirra aðall á staðnum. Hvað annað? Auk þess bjóðast
gestum grænmetisbökur, kaffi og kökur, gos og áfengir drykkir.
Frá Fjöruhúsinu liggur 2,5 km göngugata út að Arnarstapa,
greinilega stigin af mörgum. Gömul steypt bryggja framan við hús-
ið virðist vera að ganga á land en Kristján segir að á flóði sé hægt
að komast að henni á smábát. Þennan daginn er lítið um sjóinn en
stundum er bullandi brim, eins og gefur að skilja. Þau hjón segja
gestafjöldann fara dálítið eftir veðri og eru ekkert að ofmetnast
yfir árangri sínum. „Við erum svo heppin að það kemur alltaf eitt-
hvað af fólki.“
Sigríður og Kristján njóta kvöldsólar á pallinum.