Fréttablaðið - 28.05.2004, Blaðsíða 73
FÖSTUDAGUR 28. maí 2004
Nú þegar æðið fyrir þriðjuHarry Potter myndinni er í
þann mund að hefjast vinna fram-
leiðendur myndanna hörðum
höndum að því að ráða í hlutverk
fjórðu myndarinnar.
Þeir sem hafa séð Troy muna
eflaust eftir breska leikaranum
Brendan Gleeson í hlutverki
Menelaus, konungs Spörtu. Hann
hefur verið ráðinn til þess að fara
með hlutverk Mad Eyed Moody,
nýja skrýtna kennarans sem tek-
ur að sér að kenna varnir gegn
myrkragöldrum. Það er svo
skemmtileg staðreynd að Gleeson
starfaði sem kennari áður en
hann hætti og ákvað að gerast
atvinnuleikari, þá 34 ára gamall.
Hann hefur því reynslu í því að
reyna koma vitinu fyrir hóp af
hávaðasömum og erfiðum krökk-
um.
Breska leikkonan Frances de
la Tour hefur svo verið ráðin til
þess að leika Madame Maxine,
skólastjórann frá franska galdra-
skólanum Beauxbatons sem
kemur með nemendur sína til
Hogwarts til að keppa um Eldbik-
arinn. Hún er þekktust fyrir leik
sinn í sjónvarpsþáttunum Rising
Damp auk fjölda kvikmynda
eftir sögum Agöthu Christie.■
Ný andlit í Hogwarts
BRENDAN GLEESON
Brendan (til hægri) er alltaf stórkostlegur í
hlutverkum sínum og ætti að vera góður í
hlutverki Mad Eye Moody í fjórðu Harry
Potter myndinni.
■ FRUMSÝNDAR UM
HELGINA
THE DAY AFTER TOMORROW
Internet Movie Database - 6.2 /10
Rottentomatoes.com - 53% = Rotin
Metacritic.com - 68 /100
DÓMAR Í ERLENDUM MIÐLUM
Kvikmyndaklúbburinn Alliancefrançaise-Filmundur sýnir á
sunnudag og mánudag franska
meistaraverkið Belle de Jour frá
árinu 1967. Myndin er talin með
betri myndum leikstjórans Luis
Bunuel.
Eins og svo margar góðar
franskar myndir fjallar Belle de
jour um ástina á mjög mannlegan
og opinskáan hátt. Aðalpersónan
er hin fagra Severine sem er gift
lækni sem hún elskar. Út á við er
hún hin fullkomna húsmóðir en
leikur tveimur skjöldum. Gallinn
er að þó að hún elski mann sinn
finnur hún engar kynferðislegar
hvatir til hans, og leitar því á önn-
ur mið. Hún leyfir sér að uppfylla
klúrar kynlífs- fantasíur með öðru
fólki og fær þannig kynferðislega
útrás. Hún tekur að sér að starfa
sem vændiskona fyrir ríka fólkið
á kvöldin, en leikur sig svo sem
heiðarlega og ástríka eiginkonu.
Heimur hennar hrynur svo
þegar leyndarmáli hennar er
þröngvað í dagsljósið vegna
áráttu eins viðskiptavinar hennar.
Eiginmaður hennar þarf þá að
ákveða hvort hann eigi að hafna
henni vegna gjörða hennar eða
viðurkenna hana fyrir það sem
hún er.
Með aðalhlutverk fara
Catherine Deneuve, Jean Sorel,
Pierre Clémenti, Michel Piccoli,
Geneviève Page, Françoise Fabi-
an, Macha Méril og Francis
Blanche.
Myndin verður sýnd í Háskóla-
bíói á sunnudag kl. 18 og á mánu-
dag kl. 20. Myndin er sýnd með
enskum texta. Aðgangur er
ókeypis fyrir meðlimi í Alliance
française. ■
Húsmóðir á daginn,
hóra á kvöldin
[ SMS ]
UM MYNDIRNAR Í BÍÓ
Van Helsing
„Útlit myndarinnar er frábært, búningarnir eru flott-
ir og drungalegt umhverfi Transylvaníu er heillandi.
Tæknibrellurnar eru fyrsta flokks en þó nokkuð of-
notaðar, sérstaklega í lokin, og þá keyrir væmnin
einnig um þverbak. Annars er ekki yfir neinu að
kvarta og Van Helsing er alvöru sumarpoppkorns-
smellur sem stendur fyllilega undir öllum vænting-
um sem slíkur.“ ÞÞ
Ned Kelly
„Heath Ledger og Orlando Bloom eru þrátt fyrir allt
býsna góðir, ef horft er framhjá skelfilegum gervi-
skeggjunum. Hins vegar er illa farið með tvo af-
bragðsleikara í illa skrifuðum hlutverkum; Naomi
Watts, sem efristéttar ástkonu útlagans, og
Geof frey Rush sem er höfuðandstæðingur hans.
Ég vil benda áhugamönnum um góða kvikmynda-
töku á að hér er mikill snillingur á bak við mynda-
vélina og er mjög vel að verki staðið í flestöllu
öðru tæknilegu og listrænu í kvikmyndinni. En
heildarútkoman bíður hnekki af völdum ómarkviss
handrits. Álitlegt hús en byggt á sandi.“ KD
■ KVIKMYNDIR
■ KVIKMYNDIR
CATHERINE DENEUVE
Vinkona Bjarkar lék í myndinni á hátindi ferils síns í Frakklandi og þykir mjög ögrandi í
hlutverkinu.