Fréttablaðið - 28.05.2004, Blaðsíða 24
Freyðivín eru ómissandi þáttur í brúðkaupum og
öðrum veislum en það er ekki alltaf auðvelt að
finna góð freyðivín á hagstæðu verði. Spánverjar
eru mjög framarlega í gerð freyðivíns og bestu vín
þeirra etja kappi við gæðakampavín á alþjóða-
markaði þótt ekki megi kalla þau kampavín,
einungis vín frá héraðinu Champagne í Frakklandi
mega bera það heiti. Um 95% af allri freyðivíns-
framleiðslu Spánar fer fram í héraðinu Penedes og
þaðan kemur vínið Marques De Monistrol Semi
Seco Cava. Öll framleiðsla fyrirtækisins á cava-
vínum fer fram eftir „método champanés“ eða
kampavínshætti. Vínið lækkaði um 200 kr. í verði
um síðustu mánaðamót.
Verð í Vínbúðum 890 kr.
Marques De Monistrol:
Með kampavínshætti
Veisluvín
Rioja-vínið Faustino VII hefur angan af þroskuðum
ávöxtum, kryddi og kirsuberjum. Vínið er ungt,
ávaxtamikið og einstaklega milt. Í Vínbúðum fæst
nú 2002 árgangur af víninu en nýir árgangar eru að
berast þessa dagana. Má þar nefna 1995 árganginn
af eðalvíninu Faustino I Gran Reserva en sá ár-
gangur er talinn annar tveggja bestu árganganna
síðustu 20 árin. Faustino VII hentar vel með grill-
uðu kjöti, taco, kjúklingi og léttum réttum. Verður
kynnt á grilldögum ÁTVR.
Verð í Vínbúðum 1.090 kr.
Faustino VII:
Nýir góðir
árgangar
Vín með grillinu
Margar fæðutegundir sem merktar eru sem fitulitlar eða fitusnauðar innihalda
oft litla fitu en hafa alveg jafn margar kaloríur og venjulegar fæðutegundir.
Mikilvægt er að lesa alltaf innihaldslýsingarnar og ef leitast er eftir fallegri vexti
þá er hægt að sleppa fitusnauðu súkkulaðikökunni og fá sér ávöxt í staðinn.
Tómatpasta-
sósa
1,5 kg vel þroskaðir tómatar
1 laukur
2–3 hvítlauksgeirar
2 msk. ólífuolía
2 msk. vínedik
1 msk. púðursykur
2 msk. tómatþykkni (paste)
1 lárviðarlauf
nýmalaður pipar
salt
2 msk. fersk basilíkublöð
2 msk. ferskt óreganó, saxað, eða 1
tsk. þurrkað
■ Tómatarnir saxaðir smátt (eða settir í
matvinnsluvél).
■ Laukurinn saxaður smátt og hvít-
laukurinn pressaður.
■ Olían hituð í potti og laukur og hvít-
laukur látinn krauma við meðalhita í
nokkrar mínútur án þess að brúnast.
■ Tómötunum er svo bætt í pottinn og
síðan er ediki, púðursykri, tómat-
þykkni, lárviðarlaufi, pipar og salti
hrært saman við.
■ Hitað að suðu og látið malla í um 15
mínútur. Þá er kryddjurtunum hrært
saman við og látið malla í um 10
mínútur í viðbót.
■ Smakkað til með pipar og salti.
■ Þegar nóg er af tómötum er tilvalið
að gera stóran skammt af þessari
sósu og frysta síðan í litlum skömmt-
um, til dæmis hálfs lítra í skammti.
Sósan er mjög góð ein sér út á pasta
en hún hentar einnig til dæmis í
lasagna, á pitsur og í margs kyns
tómatrétti.
[ GIRNILEG UPPSKRIFT ]
YGGDRASILL, KÁRASTÍG 1, 101 RVK., S: 5624082
- þar sem þú getur treyst á gæðin -
Lífrænt ræktaðar vörur
sími 566 6103
Egils sterkur hefur lækkað í verði og er nú ódýrasti sterki bjórinn í
Vínbúðum. Bjórinn er 6,2% og kostar 0,5 l dós 239 kr. Löng hefð er fyrir
sterkum lagerbjór víða í Evrópu og hafa sum-
ar tegundirnar notið mikilla vinsælda. Eftir að
bjórbanninu var aflétt hér á landi var ekki
leyfilegt að framleiða eða selja sterkari bjór
en 5,6% og það var ekki fyrr en árið 1997 að
þær reglur voru rýmkaðar. Íslendingar höfðu
þó haft nokkur kynni af sambærilegum bjór
þar sem erlendur sterkur lagerbjór hafði ver-
ið vinsæll meðal þeirra sem áttu þess kost að
kaupa hann í Fríhöfninni á leið til landsins.
Frá því Egils sterkur kom á markað hafa
vinsældir hans aukist jafnt og þétt. Íslenskir
neytendur hafa fagnað því að geta valið
íslenskan sterkan lagerbjór sem stenst fylli-
lega samanburð við helstu erlendu tegundirn-
ar. Egils sterkur er fremur ljós að lit miðað
við styrkleika með mildri humlalykt sem
minnir á ávexti og krydd. Bragðið er óvenju-
létt af svo sterkum bjór að vera, dálítið
„fruity“ með góðum biturleika.
Verð í Vínbúðum er 239 kr.
Ódýrasti sterki bjórinn:
Egils sterkur lækkar í verði
„Því fylgir einstök vellíðan að fá góðan mat úti í nátt-
úrunni þar sem maður situr svangur og þreyttur.
Hvað þá þegar manni er stöðugt komið á óvart með
allskonar krásum. Það upplifði ég í frábærri göngu-
ferð sem ég fór fyrir nokkrum árum úr Núpstaða-
skógi í Skaftafell,“ segir Erla Hulda Halldórsdóttir
sagnfræðingur og heldur áfram. „Ég var í hópi á veg-
um Íslenskra
fjallaleiðsögumanna og fyrirtækið sá um nestið
alla ferðina. Það var gengið undir traustri leiðsögn
Leifs Svavarssonar og hann dró upp úr pússi sínu alls-
konar góðmeti í öllum stoppum. Á morgnana meðan
allt var svalt í kringum mann var múslí ananda
granóla með kakómalti út í og heitu vatni, æðislegur
og orkuríkur réttur. Það var mál manna að svona færu
menn að borða í morgunmat dags daglega en tilfellið
er að heima við eldhúsborðið bragðast þetta ekki eins
vel. Mestur var spenningurinn á kvöldin að fylgjast
með Leifi reiða fram þriggja rétta máltíðir eins og
ekkert væri. Fyrsta kvöldið var pasta með gráðosti og
beikoni í aðalrétt og sem dæmi um eftirrétti get ég
nefnt kakósúpu og lummur. Fólk hafði aldrei smakk-
að jafn góðan mat. Við vorum farin að tala um plús
þriggja kílóa ferðina, öfugt við það sem búast hefði
mátt við miðað við allan svitann og álagið. Fyrstu
nóttina tjölduðum við ofan Núpsárgljúfra og næstu
nótt á mel í hlíðum Grænafjalls, norðan Grænalóns.
Síðan gengum við yfir Skeiðarárjökul og tókum
land í Norðurdal. Vorum þar eina nótt uppi á sléttum
en grýttum hjalla í um 600 metra hæð og útsýnið var
stórbrotið. Svo var farið yfir fjöllin niður í Bæjar-
staðarskóg og þaðan í Skaftafell.
Ferðin var ólýsanleg í heild og maturinn óvæntur
plús sem sannaði að í fjallaferðum er ekki nauðsyn-
legt að lifa á samlokum og flatkökum heldur er hægt
að útbúa sælkeramáltíð á ótrúlega einfaldan hátt við
frumstæðar aðstæður.“
gun@frettabladid.is
Besti maturinn:
Sælkeramáltíðir í fjallaferð
Erla minnist þeirrar
einstöku vellíðunar
sem fylgir því að
borða góðan mat
úti í náttúrunni.