Fréttablaðið - 28.05.2004, Blaðsíða 42
Mér þykir vænst um Hljóða-
kletta af öllum stöðum á landinu.
Þangað fór ég svo oft í útilegu
um helgar með foreldrum mín-
um þegar ég var að alast upp og
þegar ég kem þangað nú poppa
upp margar hlýjar minningar. Á
föstudögum var pakkað í bílinn,
haldið af stað frá Húsavík og
tjaldinu slegið upp í Vesturdaln-
um. Þannig er það reyndar enn
hjá foreldrum mínum, nema
hvað nú eru þau komin með enn
betri viðlegubúnað. Göngu-
stígurinn meðfram Hljóðaklett-
unum er alltaf þræddur. Það er
alger skylda. Þessi staður er
náttúruperla sem mér virðist of
fáir vita af. Flestir fara í Ásbyrgi
þegar þeir eru á ferð um svæðið
en átta sig ekki á að Vesturdalur
og Hljóðaklettar eru bara í hálf-
tíma akstursfjarlægð þaðan.
Birgittu finnst gott að leita
friðsældar úti í náttúrunni.
„Alger skylda að ganga
göngustíginn um gljúfrin í
Vesturdal,“ segir Birgitta
1
2
28. maí 2004 FÖSTUDAGUR14
Klængshóll í Skíðadal:
Gestum kennt að brugga seyði úr grösum
„Ég reyni að virkja skynfæri fólks þegar ég fer með
það í skoðunarferðir, tengja það við náttúruna og
söguna og efla ást þess á hvorutveggja,“ segir Anna
Dóra Hermannsdóttir, jógakennari á Klængshóli í
Skíðadal. Hún rekur þar ferðaþjónustu sem felst í
gistingu og leiðsögn um stórbrotið landslag Trölla-
skagans. Einnig býður hún upp á hollan og góðan mat
í eldhúsinu og kryddar hann gjarnan með kraft-
miklum og heilnæmum grösum úr fjöllunum í kring.
Á Klængshóli er aðstaða fyrir 14 gesti í uppbúnum
rúmum eða svefnpokaplássi, sem hafa aðgang að
snyrtingum og notalegri stofu. Sumum finnst líka
ljúft að tjalda við bæjarlækinn og sofna við nið hans.
Friðsældin er mikil enda staðurinn ekki í alfaraleið.
Skíðadalur gengur inn úr Svarfaðardal og Klængs-
hóll var í eyði í nokkur ár áður en Anna Dóra endur-
reisti ættaróðalið og settist þar að ásamt Erni
Arngrímssyni.
Fjöllin sem umlykja dalinn eru allt að 1.460 metra
há. Hægt er að fylgja fornri þjóðleið yfir í Hörgárdal
og einnig fara um fjallaskörð til Skagafjarðar og
Svarfaðardals. „Gönguleiðirnar eru við allra hæfi og
nánasta umhverfi okkar er ríkt af sögnum um huld-
ar vættir og mannlíf liðinna alda. Auk þess göngum
við til grasa og kennum gestum okkar að brugga
seyði úr ýmsum jurtum,“ segir Anna Dóra og heldur
áfram: „Svo vil ég nefna að stutt er til Dalvíkur, þar
sem bæði er sundlaug og safn, Hrísey er perla á firð-
inum og boðið er upp á hvalaskoðun frá Dalvík og
Hauganesi. Við sem störfum við ferðaþjónustu á
svæðinu vinnum vel saman og vorum einmitt að
stofna félagið Ferðatröll“.
4
3
1. Ferðalangar í fjallasal. 2. Anna Dóra drekkur í sig ilm af
mjúkum mosa. 3. Örn horfir yfir dalinn góða þar sem Klængs-
hóll blasir við. 14. Klængshóll er ekki í alfaraleið, en aðeins
22 km frá Dalvík.
Landmælingar:
Ný ferðakortabók
Hjá Landmælingum er komin út Ferðakortabók þar sem
nýjum upplýsingum fyrir ferðamenn hefur verið bætt við
aðrar sígildar. Í bókinni eru nákvæm vegakort með ferða-
upplýsingum, kort af vinsælum ferðamannastöðum, götu
og upplýsingakort af helstu þéttbýlisstöðum, auk ýmissa
þemakorta. Bókin er í þægilegu broti og fer vel í hanska-
hólfi eða vasa. Einnig er nýlega kominn á markaðinn hand-
hæg mappa með nákvæmu ferðakorti af landinu í þremur
hlutum í mælikvarðanum 1:250 000. Þar er að finna nýjar
upplýsingar um vegakerfið ásamt öðrum ítarlegum upp-
lýsingum. Ferðakort af vinsælum áfangastöðum fást líka
útgefin af Landmælingum. Má þar nefna staði eins og Þór-
smörk og Landmannalaugar, Hornstrandir, Þingvelli og Vestmannaeyj-
ar.
[ UPPÁHALD BIRGITTU HAUKDAL ]
Hljóðaklettar vekja
upp hlýjar minningar
M
YN
D
: V
AL
G
AR
Ð
U
R