Fréttablaðið - 28.05.2004, Qupperneq 25

Bristol Cream er þekktasta sjerrí heims og flestir kannast við
bláu flöskuna sem kennd er við ensku borgina Bristol.
Harveyís hefur framleitt sjerrí í
Jerez á Spáni síðan 1786.
Bristol Cream er blanda úr Fino,
Amontillado, Oloroso og Pedro
Ximénez vínum og er þessi
mjúka blanda lykillinn að vin-
sældum þess. Vínið er ljósjarpt
og lyktar af hnetum og ferskum
appelsínum. Það hefur fína
sætu og langt þokkafullt eftir-
bragð. Gott sem fordrykkur með
klökum og appelsínusneið.
Hentar í ýmsa kökubakstra eins og til dæmis trufflur.
Verð í Vínbúðum 1.890 kr.
Bristol Cream:
Þekktasta sjerrí heims
Styrkt vín
3FÖSTUDAGUR 28. maí 2004
Til hnífs og skeiðar
GUÐRÚN JÓHANNSDÓTTIR ELDAR HANDA
MINNST FJÓRUM FYRIR 1000 KR. EÐA MINNA.
Sesarsalat
Á sólbjörtum vordögum jafnast ekkert á við máltíð af fersku, bragð-
miklu og brakandi góðu sesarsalati. En salatið þarf þá að vera ekta.
Alltof oft hef ég lent í því að fyrir mig hafa verið bornar einhverjar
sesarsalatnefnur sem á engan hátt hafa getað staðið undir nafni. Hér
kemur uppskrift af því sesarsalati sem ég kalla ekta.
Byrjið á því að útbúa brauðteningana: Brauðið er skorið í teninga.
Ólífuolía er hituð á pönnu og hvítlaukurinn er steiktur þar til hann
hefur brúnast. Takið hann þá upp úr olíunni og setjið brauðteningana
út í og steikið þá yfir háum hita þar til þeir hafa brúnast. Setjið því
næst brauðteningana til þerris á eldhúsrúllublað. Ansjósuflökin eru
kramin með gaffli í skál, skolið kapersberin undir rennandi vatni og
setjið þau saman við ansjósurnar. Brauðteningunum er síðan velt vel
saman við þessa blöndu. Fyrir sósuna er egg sett í eina mínútu ofan í
sjóðandi vatn, það svo kælt undir kaldri bunu og brotið í skál. Sítrónu-
safi, sinnep og Worcestershire-sósa eru svo þeytt vel saman við.
Samsetning: Salatblöðin eru rifin í grófa bita og minnstu blöðin lát-
in halda sér. Brauðteningablandan er sett yfir og því næst sósan. Að
síðustu er parmaosturinn skafinn með ostaskera yfir allt.
Til að gera salatið matarmeira má grilla kjúklingabringur og skera
þær í bita og setja út í en þá er salatið að vísu ekki lengur ekta.
Kostnaður samtals um 600 kr.
2 höfuð romain-salat
(fást þrjú saman í pakka í betri búðum) 230 kr.
Um 4 sneiðar gróft hvítt brauð (t.d. ciabatta) 150 kr.
100 ml ólífuolía 70 kr.
4 hvítlauksgeirar (skornir í sneiðar langsum)
4 ansjósuflök (marin með gaffli)
2 msk. kapers
1 egg
1 msk. Worcestershire-sósa
1 tsk. grófkorna sinnep
1 msk. sítrónusafi
50 g parmaostur (parmesan) 150 kr.
Höfðabakka 1 - sími 587 50 70
Opið
laugardag
10-14.30
Opið
laugardag
10-14.30
TÚNFISKSTEIKUR Á GRILLIÐ
RISARÆKJUR Á GRILLSPJÓTI
BLEIKJA FRÁ KIRKJUBÆJARKLAUSTRI
Kanadískur lúxus risahumar
Risahumar frá Hornafirði
Opið alla
hvítasunnuna
Það má útbúa ýmsa góða
kokteila úr sjerrí, hér er
einn mjög einfaldur:
Harveys Sunset
3 cl Harveys Bristol Cream
12 cl appelsínusafi
Appelsínuneið
Blandið saman í háu glasi
með klaka í. Skreytið með
appelsínusneið.