Fréttablaðið - 28.05.2004, Blaðsíða 68
■ ■ TÓNLEIKAR
20.00 Píanóleikarinn Aladár Rácz
flytur dansa eftir Bach, Mozart, Beet-
hoven, Chopin, Liszt, Sveinbjörn Svein-
björnsson, Stravinsky, Béla Bartók og
Dave Brubeck á tónleikum í sal Borgar-
holtsskóla á Húsavík.
20.00 Gítarleikarinn Andrés Þór
og danski saxafónleikarann Thomas
Madsen spila djass á Kaffi Nauthól.
Aðgangur er ókeypis.
21.00 Bubbi Morthens verður
með stórtónleika á Sjallanum, Akureyri.
Eftir miðnætti verður síðan djamm með
Lovegúrú og The Funky Allstars.
23.00 Hljómsveitirnar Tonik,
Canor og Funk Harmony Park spila á
Grand Rokk.
■ ■ LEIKLIST
20.00 Edith Piaf eftir Sigurð Páls-
son á stóra sviði Þjóðleikhússins.
20.00 Hamskiptin eftir Franz
Kafka í uppsetningu Leikfélags Hafnar-
fjarðar verða frumsýnd í nýjum húsa-
kynnum Leikfélags Hafnarfjarðar á jarð-
hæð gamla Lækjarskóla. Gengið er inn
um aðalinngang að framanverðu.
20.00 Græna landið eftir Ólaf
Hauk Símonarson á litla sviði Þjóðleik-
hússins.
20.00 Vesturport sýnir Rómeó og
Júlíu í Borgarleikhúsinu.
20.00 Söngleikurinn Chicago á
stóra sviði Borgarleikhússins.
21.00 Sjónlist sýnir í Iðnó The
Secret face, einleik eftir Elísabetu Jök-
ulsdóttur í flutningi Pálínu Jónsdóttur.
32 28. maí 2004 FÖSTUDAGUR
■ KAMMERÓPERAHVAÐ? HVENÆR? HVAR?
25 26 27 28 29 30 31
Föstudagur
MAÍ
Gestir:
- Berit og B. Donald Ödegaard, yfirmenn
Hjálpræðis-hersins í Noregi, Færeyjum og Íslandi.
- Lúðrasveit frá Osló 3. flokki.
- Gospel Factor frá Kaupmannahöfn.
- Lúðrasveit frá Þórshöfn.
Föstudag: ................. kl. 20.00 Opnunarsamkoma í Neskirkju.
Laugardag: .............. kl. 12.00 Lúðrasveit í Ráðhúsinu og Kolaportinu,
gospelsöngur í Kringlunni.
kl. 13.30 Skrúðganga niður Laugarveg.
kl. 17.00 Fjölskyldusamkoma í Fíladelfíu.
kl. 21.00 Gospeltónleikar í Fíladelfíu.
Gospel Factor og Gospelkór Reykjavíkur.
Hvítasunnudag:....... kl. 11.00 Samkoma fyrir herfólk á Hernum.
kl. 16.00 Tónlistarsamkoma í Neskirkju.
kl. 20.00 Hátíðarsamkoma í Neskirkju.
Aðgangur ókeypis. Fórn verður tekin.
Allir velkomnir.
Hjálpræðisherinn á Íslandi - www.herinn.is
ÁRSÞING HJÁLPRÆÐISHERSINS
í Reykjavík Hvítasunnuhelgina 2004
■ ■ SKEMMTANIR
21.00 Villi trúbador spilar á
Nelly’s.
23.00 Sannkölluð sumargleði verð-
ur í Pakkhúsinu Selfossi þar sem hljóm-
sveitin Stefnumót með André Bach-
mann skemmtir og Árni Johnsen verð-
ur með brekkusöngsstemningu.
23.00 Hljómsveitin Í Svörtum föt-
um heldur uppi fjöri á Nasa.
Gunnar Tryggvason og Herdís Ár-
mannsdóttir leika fyrir dansi í Vélsmiðj-
unni á Akureyri.
Dj Stoner og Dj Vikingur á Glaumb-
ar.
Dúettinn Handverk skemmtir á Ara í
Ögri.
Hljómsveitin Sín leikur fyrir dansi á
Kringlukránni.
Dj Kered frá Bandaríkjunum spilar
rafræna danstónlist á Kapítal. Einnig
mun Exos koma fram með 6 plötuspil-
ara ásamt 12 öðrum plötusnúðum.
Johnny Dee í Leikhúskjallaranum.
Atli skemmtanalögga á Hressó.
Hljómsveitin Buff skemmtir á
Gauknum.
Búðarbandið verður á Hressó.
Hermann Ingi Hermannsson spilar
á Catalinu.
Hunang á Players í Kópavogi.
Matti á X-inu sér um tónlistina á 22
í kvöld.
■ ■ FUNDIR
08.30 Alþjóðamálastofnun Háskóla
Íslands heldur málþing um afstöðu ís-
lenskra valdamanna til Evrópusamrunans í
tilefni af útkomu bókarinnar „Iceland and
European Integration: On the Edge”.
Frummælendur verða Halldór Ásgríms-
son utanríkisráðherra, Baldur Þórhalls-
son, Guðmundur Hálfdanarson og
Gunnar Helgi Kristinsson.
19.30 Málþingið „Sögukennsla á villi-
götum” verður haldið í sal Reykjavíkuraka-
demíunnar á 4. hæð JL hússins, Hringbraut
121. Framsögumenn verða Anna Agnars-
dóttir, deildarforseti heimspekideildar, Egg-
ert Þór Aðalsteinsson, fráfarandi ritstjóri
Stúdentablaðsins, Gunnar Karlsson prófess-
or, Sigrún Sigurðardóttir, fræðimaður í
Reykjavíkurakademíunni, og Páll Björnsson,
fræðimaður í Reykjavíkurakademíunni og
stundakennari við HÍ.
Upplýsingar um viðburði og sýningar
sendist á hvar@frettabladid.is ekki síð-
ar en sólarhring fyrir birtingu.
Leyfum okkur að
vera svolítið brjálaðar
Við leyfum okkur að vera svolítiðbrjálaðar,“ segir Marta Hrafns-
dóttir altsöngkona. Hún hefur unnið
náið með Janick Moisan, höfundi
kammeróperunnar Hugstolinn, sem
frumsýnd verður á nýja sviði Borg-
arleikhússins í kvöld.
Þær kynntust fyrir þremur árum
í óperunni í Brussel, þar sem Mois-
an var aðstoðarleikstjóri og Marta
söng hlutverk nornarinnar í óper-
unni Dido og Aeneas eftir Purcell.
„Við höfðum báðar mjög svipað-
ar hugmyndir um óperuna, og
hvernig okkur langaði til að nota
fleiri möguleika heldur en tíðkast í
þessum klassíska óperuheimi.“
Fljótlega eftir það fór Moisan að
vinna að kammeróperu fyrir
altsöngvara, sellóleikara og píanó-
leikara sem fjallar um goðsagna-
lega ferð um draumheima norður-
skautsins.
„Við frumfluttum vísi að þessari
hugmynd í Brussel fyrir tveimur
árum, en það var ekkert í líkingu
við það sem við erum með í höndun-
um í dag.“
Auk Mörtu, sem syngur með
sinni fögru altrödd, leikur Sigurður
Halldórsson á selló og Daníel Þor-
steinsson á píanó. Þeir taka einnig
virkan þátt í sýningunni sem leikar-
ar á sviðinu. Sigurður er jafnframt
tónlistarstjóri sýningarinnar.
Sagan er byggð á þjóðsögum frá
inúítum og sömum og fleiri þjóðum
á norðurslóðum.
„Þetta fjallar um draumkennda
veru á norðurhjara veraldar sem
hefur týnt fortíð sinni. Hrafninn,
sem jafnframt er skapari norður-
hvelsins, vekur þessa veru upp og
eftir það heldur hún af stað í ferða-
lag til að kalla fram minningar og
uppgötva bæði fortíð sína og þau öfl
og þá töfra sem hún sjálf bjó yfir.“
Tónlistin er sérstaklega valin
fyrir þetta verkefni, en hún er eftir
Tapio Tuomela frá Finnlandi, Kristi-
an Blak frá Færeyjum og Íslending-
ana Hjálmar H. Ragnarsson, Jón
Leifs og Sigurð Halldórsson.
„Allt er þetta samt hugverk
hennar Janick í einu og öllu. Hún
semur söguþráðinn og hefur kall-
að til bæði tónlistarstjóra og tón-
skáld, svo úr hefur orðið þessi
goðsögulega ferð í norrænum tón-
um.“ ■
Andrés á Nauthóli
Við Thomas þekkjumst vel ogmér finnst voða gaman að fá
hann í heimsókn til landsins,“
segir gítarleikarinn Andrés Þór
Gunnlaugsson, sem í kvöld ætlar
að spila notalegan djass á Kaffi
Nauthól í Nauthólsvíkinni ásamt
félaga sínum, danska saxófónleik-
aranum Thomas Madsen.
„Þetta er í fyrsta skipti sem
hann kemur hingað, en við lærð-
um saman úti í Hollandi og spiluð-
um þar mikið saman á klúbbum í
Haag.“
Þeir ætla að spila þekkta djass-
standarda í eigin útsetningum frá
klukkan átta í kvöld og þangað til
staðnum er lokað, sem verður um
tíuleytið.
„Svo gæti verið að við tækjum
einhver lög eftir mig líka, en það
fer alveg eftir stemningunni.“
Þetta verða einu tónleikar
dúettsins á höfuðborgarsvæðinu,
en um helgina ætla þeir að halda
til Vestmannaeyja þar sem þeir
spila bæði á laugardags- og sunnu-
dagskvöld ásamt fleiri hljómsveit-
um á heljarmikilli djasshátíð.
Andrés Þór er nýkominn til Ís-
lands eftir nám í djassgítarleik í
Hollandi. Hann kom fram ásamt
kvartett sínum á djassklúbbnum
Múlanum fyrir fáeinum vikum.
Þeir félagar eru staðráðnir í
því að nota hvert tækifæri sem
gefst til að spila saman í framtíð-
inni, þótt ef til vill geti liðið mis-
langur tími á milli tónleika.
„Thomas kláraði ári á undan
mér og er búsettur í Danmörku. En
hann er að flytja til Hollands aftur
og hugsanlega verð ég með annan
fótinn í Hollandi líka, þannig að
vonandi gefst okkur tækifæri til að
spila saman sem oftast.“ ■
GÍTARLEIKARINN ANDRÉS ÞÓR
Í kvöld spilar hann á Kaffi Nauthól ásamt danska saxófónleikaranum Thomas Madsen.
Þessi mynd var tekin á Hótel Borg fyrir skömmu þegar Andrés Þór var þar á ferð ásamt
kvartett sínum.
FR
ÉT
TA
B
LA
Ð
IÐ
/V
IL
H
EL
M
GOÐSÖGULEG FERÐ UM
DRAUMHEIMA NORÐURSINS
Kammeróperan Hugstolinn verð-
ur frumsýnd á nýja sviði Borgar-
leikhússins kl. 20 í kvöld.
FR
ÉT
TA
B
LA
Ð
IÐ
/R
Ó
B
ER
T
■ TÓNLEIKAR