Fréttablaðið - 28.05.2004, Page 26

Á Laugaveginum er búið að opna
nýstárlega úra- og skartgripa-
verslun sem ber hið skemmtilega
nafn Úr að ofan. „Vinur minn átti
hugmynd að þessu nafni,“ segir
Rúnar I. Hannah, eigandi verslun-
arinnar, sem lét hanna lógó í stíl
við nafnið. Lógóið sýnir stúlku
bera að ofan sem heldur fyrir
brjóst sín og er með stórt úr á úln-
liðnum. „Ég hafði smá áhyggjur af
mótmælum frá femínistum vegna
lógósins en það er svo smekklega
unnið að það virðist ekki móðga
neinn.“
Rúnar er lærður úrsmiður og
ekki sá fyrsti í fjölskyldunni því
faðir hans, föðurbróðir og afi voru
allir úrsmiðir. Rúnar menntaði sig í
Danmörku og tók meðal annars
starfsnámið í úraverslun á Strikinu í
Kaupmannahöfn. „Mannlífið er
mjög líflegt á Strikinu og það var
mikið ævintýri að starfa þar,“ segir
Rúnar, sem segir þá reynslu hafa
verið honum í huga þegar hann
ákvað hvernig verslun hann vildi
reka. Aldrei kom annað til greina en
að opna búðina á Laugaveginum þar
sem stemningin sé einstök. Ferða-
mannastraumurinn berst meira
þangað og mannlífið er litskrúðugra.
„Úrið hefur misst stöðu sína
sem nauðsynlegur tímagjafi og
hefur skipað sér sess sem skart-
gripur,“ segir Rúnar, sem lítur á
verslun sína fyrst og fremst sem
tískuvöruverslun.
„Ég vil bjóða fólki flott og
skemmtileg tískuúr á góðu verði.
Úrin sem ég býð eru ekki hugsuð
sem langtímaeign sem munu
vera á úlnlið sömu manneskjunni
næstu tuttugu árin eða svo.
Fólk á að nota þessi úr eftir
klæðnaði og stemningu og þeim er
svo skipt út eins og hverri annari
tískuvöru,“ segir Rúnar og talar
um að frelsið í hönnun á úrunum sé
mikið þegar þau eru ekki hugsuð
sem gripur sem á að nota um aldur
og ævi og passa við öll tækifæri. ■
Hvort sem það er brúðkaup, afmæli eða veisla af einhverju tagi þá eru
drapplitaðir kjólar í tísku í sumar. Stjörnur eins og Naomi Campell, Claire
Danes, Beyoncé Knowles og Britney Spears eru farnar að skarta sínu fín-
asta í drapplituðu og greinilegt er að liturinn er kominn til að vera í sumar.
[ FÖT ÚR LÍFRÆNT RÆKTUÐU EFNI ]
Hreinar náttúruafurðir í tísku
Lífrænt ræktuð matvæli eru það heitasta í dag og nú vilja bændur í lífrænni ræktun
komast inn í fataskápa neytenda. Framleiðendur lífrænt ræktaðra vara héldu sýningu
í Chicago á dögunum og þar kynnti fyrirtækið Indigenous Designs föt sem framleidd
eru úr lífrænt ræktaðri bómull. Forráðamenn fyrirtækisins telja fullvíst að næg eftir-
spurn sé eftir slíkum fötum.
En þrátt fyrir að fötin komi í litum sem kallaðir eru náttúrulegum nöfnum á borði við
„vatnsmelóna“, „mynta“ og „jurt“ viðurkenna þeir að þeir telji sig tilneydda til að lita
fötin með ónáttúrulegum efnum. Plöntulitir haldi svo hræðilega illa. ■
Ég á fjórar gamlar prjónaðar peysur sem ég held
mikið upp á og þykir vænt um,“ segir Guðrún
Árný Karlsdóttir söngkona. „Tvær peysur prjón-
aði mamma þegar hún var á tvítugsaldri, ein lopa-
peysa var prjónuð á pabba þegar hann var um 25
ára. Hana er búið að þvo svo oft að hún er orðin
frekar lítil og passar vel á mig, er þétt og þæfð en
alveg æðisleg. Þá fjórðu prjónaði gömul frænka á
mömmu mína. Þetta eru rosa flottar peysur og vel
með farnar. Enda reyni ég að passa upp á þær. Það
er svo gaman að eiga eitthvað handgert. Ein er til
dæmis marglit úr fínu garni og það hefur örugg-
lega tekið langan tíma að prjóna hana.“
Guðrún Árný segist nota peysurnar heilmikið.
„Ein þeirra er frekar þunn og ég er eiginlega alltaf í
henni, til dæmis undir kápum. Svo er ég bara yfirleitt
mikið í peysum. Ég verð eiginlega alltaf að hafa
peysu og trefil, það veitir mér visst öryggi.“ Hún seg-
ist sjálf prjóna mikið og hafa byrjað á því þegar hún
var fimmtán ára. „Ég hefði örugglega ekki byrjað á
þessu nema af því að mamma prjónaði svo mikið. Ég
prjóna barnaföt í bunkum og bíð svo bara eftir tæki-
færi til að gefa þau. Mér finnst gaman að hafa eitt-
hvað á prjónunum og barnaföt eru fljótlegri. Á mig
sjálfa prjóna ég aðallega vettlinga og fylgihluti. Ég
sauma reyndar mikið líka, til dæmis bútasaum.“ ■
Tískuverslunin Úr að ofan:
Úrið hefur fengið nýtt hlutverk
Guðrún Árný Karlsdóttir söngkona í peysu sem mamma hennar prjónaði. „Mamma mín prjónaði aðra alveg eins á
sig fyrir nokkrum árum en hún týndist og við vorum alveg miður okkar því það liggur svo mikil vinna að baki.“
Fossil-herraúr með
leðuról. Kr. 9.400
Dolce & Gabbana-
kvenmannsúr. Kr. 18.700
Diesel-herraúr.
Kr. 13.400
DKNY-kvenmannsúr
með leðuról. Kr. 9.800