Fréttablaðið - 21.12.2005, Síða 12

12 21. desember 2005 MIÐVIKUDAGUR
Me
tsö
lul
ist
i M
b
6.
1
Ævisögur & en
dur
mi
nn
in
ga
r
Heillandi
ævisaga
MANNBÆTANDI!
„Lífleg“
„Fróðleg“ - „Ætti að bæta margan manninn.“
„Skyldulesning“ - „Lifandi“ - „Heillandi“
„Gaman“ - „Vönduð“
— Úr umsögnum um Auði Eir - Sólin kemur alltaf upp á ný —
KASTLJÓSIÐ
Bókmenntaverðlaun
2005
Starfsfólk
bókaverslana
I
f f l
l
3. SÆTI
BRETLAND Dómstóll í Jórvík hefur
sýknað mann sem ákærður var
fyrir að hafa nauðgað vinkonu
sinni.
Maðurinn bar því við að hann
gengi í svefni en samkvæmt
breskum lögum telst svefnganga
gild málsvörn.
Að sögn dagblaðsins The Ind-
ependent hafði maðurinn boðið
konunni heim eftir skemmtun,
hún sofnaði í rúmi hans en hann í
sófa í öðru herbergi. Konan vakn-
aði svo við að maðurinn var að
reyna að koma fram vilja sínum
við hana. Hann kvaðst ekkert
muna en sagðist hafa gengið í
svefni frá unglingsaldri. ■
Nauðgunarmál í Bretlandi:
Svefngengill
var sýknaður
MADRID, AP Fimmtán hafa verið
handteknir á Spáni grunaðir um
að styrkja og þjálfa menn til þátt-
töku í bardögum í Írak.
Innanríkisráðherra Spánar
sagði hópinn í nánum tengslum
við meðlimi al-Kaída í Írak, og
að tveir bardagamenn hafi þegar
verið sendir til Íraks að leggja
uppreisnarmönnum lið. Heimild-
ir herma að hinir handteknu hafi
verið Marokkómenn og Eþíóp-
íumenn, auk Ghanabúa og Spán-
verja.
Handtökurnar áttu sér stað í
héruðunum Katalóníu og Anda-
lúsíu og á eyjunni Mallorca. 
Fimmtán handteknir á Spáni:
Taldir þjálfa
bardagamenn
BÚLGARSKIR JÓLASIÐIR Búlgarar í þjóð-
búningum að fremja athöfn að fornum sið
til að særa á brott ára og óska frjósemi á
nýju ári, fyrir utan bústað Búlgaríuforseta í
miðborg Sofíu í gær. FRÉTTABLAÐIÐ/AP
STJÓRNMÁL Kostnaður höfuðborg-
arinnar vegna nýgerðra kjara-
samninga er áætlaður um 6,5
milljarðar króna á samningstím-
anum til ársloka 2008.
Steinunn Valdís Óskarsdóttir
borgarstjóri gerði grein fyrir
samningunum á borgarstjórn-
arfundi í gær en þeir ná til um
4.200 manns sem starfa hjá
borginni.
Steinunn sagði að starfsmat á
vegum borgarinnar hefði dregið
markvisst úr launamun kynj-
anna síðan árið 2000.
Hún gagnrýndi framgöngu
Einars Odds Kristjánssonar
þingmanns og Gunnars Birgis-
sonar bæjarstjóra sem opinber-
lega hefðu fundið samningunum
flest til foráttu. „Ég minnist þess
ekki að hafa heyrt neitt frá þeim
þegar ríkisvaldið hefur gert
mjög rausnarlega samninga sem
síðan hefur verið bætt í hressi-
lega með svokölluðum stofnana-
samningum. Ekki minnist ég
þess að þessir menn hafi risið
upp og mótmælt þegar samið var
við framhaldsskólakennara um
45 prósenta hækkun. Ekki minn-
ist ég þess að þeir hafi sett sig
upp á móti kjarabótum hjúkrun-
arfræðinga eða að þeir hafi neit-
að sér um 70 prósenta hækkun
þingfararkaups á sama tíma.“
Steinunn sagði að ef til vill
væri mönnum vorkunn því þeir
hefðu ekki yfirsýn yfir hversu
ríkulega væri verið að semja
með viðbótarsamningum stofn-
ana ríkisins.
Ólafur F. Magnússon, fulltrúi
Frjálslyndra og óháðra, lét færa
til bókar að nýgerðir samningar
efldu velferðar- og umönnunar-
þjónustu í borginni. Þeir hefðu
verið óhjákvæmilegir og kæmu
barnafjölskyldum, öldruðum og
sjúkum til góða.
Ingibjörg Sólrún Gísladóttir,
borgarfulltrúi R-listans, kvað
samningana tímamótasamninga.
Guðrún Ebba Ólafsdóttir
borgarfulltrúi bókaði að full-
trúar Sjálfstæðisflokksins væru
fylgjandi því að kjör þeirra sem
lægst hefðu launin væru hækkuð.
„Engu að síður er ljóst að samn-
ingar þessir valda rökstuddum
og háværum óskum annarra
stétta um kjarabætur, eins og
fram hefur komið sérstaklega í
máli leikskólakennara,“ eins og
segir í bókuninni.
johannh@frettabladid.is
6,5 milljarða
samningur
Kjarasamningar Reykjavíkurborgar við 4.200 starfs-
menn í Eflingu og Starfsmannafélagi Reykjavíkur-
borgar voru samþykktir á borgarstjórnarfundi.
SORPHIRÐA Í REYKJAVÍK Langflestir starfsmenn borgarinnar eru í starfsmannafélaginu,
þó ekki allir. FRÉTTABLAÐIÐ/GVA
GUÐRÚN EBBA ÓLAFSDÓTTIR
SJÁLFSTÆÐISFLOKKI „Samn-
ingar þessir valda rökstuddum
og háværum óskum annarra
stétta um kjarabætur.“
JAFNRÉTTISMÁL „Við erum gáttaðar á
dónalegum viðbrögðum Femínista-
félags Íslands. Þó að við séum ekki
hlynntar fegurðarsamkeppnum
fannst okkur ekki ástæða til ann-
ars en að samgleðjast Unni Birnu,“
segir Margrét Sverrisdóttir, vara-
formaður Kvenréttindafélags
Íslands.
Kvenréttindafélagið sendi feg-
urðardrottningunni heillaóskir og
auk þess bókargjöf. Það var bókin
Veröld sem ég vil, en í henni er
rakin saga kvenréttindabaráttu á
Íslandi frá byrjun síðustu aldar.
Verkefnisstýrur baráttuárs
kvenna 2005, sem jafnframt eru í
Femínistafélagi Íslands, sendu for-
sætisráðherra athugasemd vegna
heillaóskaskeytis sem hann sendi
Unni Birnu í nafni íslensku þjóð-
arinnar. Í athugasemdinni segir að
þar með hafi forsætisráðherra gert
lítið úr þeirri kröfu að konur séu
metnar að verðleikum en ekki eftir
ytra útliti.
„Við teljum hins vegar að Unnur
Birna hafi unnið út á svo margt
annað en útlitið og ekki er annað
að sjá á því sem hún er að gera
að þar fari mikill jafnréttissinni.
Hún hefur til dæmis starfað í lög-
reglunni, er að mennta sig og við
treystum henni sannarlega til þess
að vera verðugur fulltrúi,“ segir
Margrét. - jse
Margrét Sverrissdóttir hjá Kvenréttindafélagi Íslands um sigur Unnar Birnu:
Viðbrögð femínista dónaleg
MARGRÉT
SVERRISDÓTTIR
Segir félagið vilja
fá Unni Birnu í lið
með sér frekar en
að hrekja hana frá
jafnréttisbaráttunni
eins og henni þykja
viðbrögð femínista
líkleg til að gera.
UNNUR BIRNA
Í SMÁRALIND
Fegurðardrottningin
fékk bókina Veröld
sem ég vil að gjöf frá
Kvenréttindafélagi
Íslands ásamt heilla-
óskum. Sú bók rekur
sögu kvenréttinda-
baráttu á Íslandi.
ÍRAN, AP Íranar virðast
kippa sér lítið upp við
nýsett bann forseta
landsins á vestrænni
tónlist. Plötubúðaeig-
endur héldu áfram að
selja popptónlist í versl-
unum sínum og kaup-
endur létu ekki standa á
sér. Ekki er búist við að
banninu sem Mahmoud
Ahmadinejad lýsti yfir á mánudag
verði framfylgt með valdi, ólíkt
því þegar álíka bann var sett í
kjölfar byltingarinnar
árið 1979. Um tíu ár
eru síðan Íranar fóru
að hlusta á vestræna
popptónlist að nýju.
Eins hefur verið sett
bann við öllum kven-
söngvurum og óhóf-
legum farða. Hvorugu
banni er framfylgt að
neinu ráði. 
Sala á popptónlist í Íran þrátt fyrir bann:
Almenningur lætur
sig það litlu varða
MAHMOUD AHMADINEJAD
Forsetinn heldur áfram harðlínustefnu sinni
á öllum sviðum.
STEINUNN VALDÍS
ÓSKARSDÓTTIR BORGARSTJÓRI
„Þeir neituðu sér ekki um 70
prósenta hækkun þingfarar-
kaupsins á sama tíma.“
ÓLAFUR F. MAGNÚSSON
FRJÁLSLYNDUM „Samning-
arnir óhjákvæmilegir og
koma barnafjölskyldum, öldr-
uðum og sjúkum til góða.“