Fréttablaðið - 21.12.2005, Qupperneq 60

][ Íslendingar sem eyða jólunum einir í öðrum löndum fá oft tölverða heimþrá á jólunum. Það getur verið mikils virði fyrir þá að fá símtal frá ættingjum og vinum á aðfangadag þó að það sé ekki langt.
Ella ætlar að fara til Kanarí-
eyja um jólin með börnum
sínum tveimur. Hún sleppir
öllum gjöfum og ætlar að vera
úti í heilan mánuð.
Hárgreiðslukonan Ella á Hár Expo
er ekkert sértaklega mikið jóla-
barn og lítið fyrir skammdegið.
Hún ætlar því að halda til heitari
landa um jólin eins og fjölmarg-
ir aðrir Íslendingar. ,,Þetta er í
fyrsta lagi til að sleppa við alla
jólageðveikina en líka til að losna
við skammdegið og kuldann. Ég er
voðalega lítil vetrarmanneskja. Ég
fer með gríslingana mína tvo sem
eru að verða fimm og tíu ára. Þeim
finnst þetta æðislegt og monta sig
mikið við vini sína.“
Þetta er í annað skiptið sem fjöl-
skyldan fer til Kanaríeyja en þau
fóru líka árið 2003. ,,Ætli maður
sé ekki bara búinn að gera það að
hefð að fara út annað hvert ár. Það
er náttúrulega ekkert sérstaklega
jólalegt úti á Kanarí en þetta er
samt sem áður yndislegur tími. Við
höldum ekki upp á aðfangadags-
kvöld og borðum engan jólamat.
Ég gef börnunum samt jólapakka
og við förum út að borða.“
Ella hefur unnið myrkranna á
milli síðustu vikur enda vilja allir
láta klippa sig fyrir jólin. Hún
vinnur til sjö, átta á kvöldin og því
var erfitt að ná tali af henni. ,,Við
sleppum öllum jólagjöfum. Ég
gaf reyndar jólakort síðast en hef
engan tíma til þess í þetta skipt-
ið. Við förum út 20. desember og
verðum í heilan mánuð. Við vorum
í þrjár vikur síðast og ég var eigin-
lega í fýlu heilan mánuð á eftir því
mig langaði ekkert heim,“ segir
Ella hlæjandi.
Á áramótunum ætlar fjölskyld-
an að fara í verslunarmiðstöðina
Júmbósenter en þar er svaka fjör.
,,Þangað safnast allir Íslending-
arnir saman og síðan er haldin
fimm mínútna flugeldasýning. Það
er ekki leyfilegt að vera sjálfur
með flugelda en á svarta mark-
aðinum eru einhverjir gaurar að
selja blys sem ég get keypt fyrir
krakkana.“
Það leynir sér ekki að Ella er
orðin mjög spennt yfir ferðinni.
,,Þetta verður algjör afslöppun-
arferð. Við ætlum bara að leika
okkur, fara í tívolí og út að borða
og njóta lífsins,“ segir Ella hress í
bragði.
mariathora@frettabladid.is
Sleppur við jólageðveikina
á Kanaríeyjum
Á aðfangadag á Kanaríeyjum árið 2003. Á myndinni er Ella með gríslingunum sínum,
Kristó og Jóhönnu, og Gulla bróður Ellu.
Ella ætlar vera á Kanaríeyjum um jólin.
Ferðaáætlun Útivistar fyrir árið 2006 er
komin út og má nálgast hana hjá Úti-
vist og víðar. Alls eru 182 ferðir í áætl-
uninni. Margar áhugaverðar ferðir eru
í boði á næsta ári meðal annars ferð á
Tröllaskaga, fjallahjólaferð að Fjallabaki,
bakpokaferð upp með Jökulsá á
Fljótsdal og Kelduá og einnig er áætlað
að fara í sex daga skíðagönguferð á
Vatnajökul. Mikið úrval er af dagsferð-
um og eitthvað um jeppaferðir sem
njóta vaxandi vinsælda. Útivistarunn-
endur ættu því að kynna sér dagskrána
vel fyrir komandi ferðaár.
ferðir }
Fyrirtækið AMG Aukaraf í Kópa-
vogi hefur hafið sölu á GPS stað-
setningatækjum með íslensku
notendaviðmóti sem er hannað af
starfsmönnum fyritækisins.
„Hugmyndin er búin að vera
til lengi. Við höfum verið að selja
GPS tæki síðan 1997,“ segir Ásgeir
Örn Rúnarsson, framkvæmdastjóri
AMG Aukaraf. „Við urðum varir
við að helmingur þeirra sem eiga
svona tæki kunnu ekki á þau og not-
uðu þau því ekki. Þar ofan á bætist
fjöldi fólks sem hefur lært á tækin
en nota þau svo sjaldan að kunnátt-
an dettur niður á milli. Því fengum
við þá hugmynd að íslenska tækin
og gerðum það í sambandi við þriðja
aðila.“
Nú þegar eru þrjú Magellan GPS
tæki til sölu hjá Ásgeiri og félögum
með íslenskum hugbúnaði. Snemma
á næsta ári verður svo hægt að fá
uppfærslu í önnur Magellan tæki
hjá þeim og íslenska þannig eldri
tæki. „Við vildum gera notkun þess-
ara tækja einfaldari. Við finnum
það sjálfir að okkur er eðlislægara
að nota tækin á íslensku en ensku
og ferðafólk hefur tekið þessu mjög
vel. Fólk hefur verið að rugla saman
skammstöfunum og heitum á ensku
en okkur sýnist að það sé ómögulegt
á íslensku,“ segir Ásgeir.
Þrátt fyrir mikla vinnu
hafa tækin ekki hækkað í
verði við að vera íslensk-
uð. Það er því engin
ástæða til að fá sér ekki
GPS tæki á íslensku og
skilja loksins öll þessi
skrítnu orð sem fylla
skjáinn á svona tækjum
þegar maður þarf mest
á þeim að halda.
GPS tæki með
íslenskum hugbúnaði.
GPS á íslensku
Ferðafólk tekur íslensku GPS tæki fagnandi.
Landmælingar Íslands tóku sig
til og reiknuðu út miðju lands-
ins sem hefur verið staðsett
norðan Hofsjökuls.
Margir hafa velt fyrir sér í gegn-
um aldirnar hver miðja Íslands
sé. Nú er þeim aldalöngu vanga-
veltum hér með lokið þar sem nýj-
asta tækni hefur gert mögulegt að
reikna út hvar miðjan er.
Með því að nota strandlínu IS
50V gagnagrunnsins gátu Land-
mælingar látið kortahugbúnað
stofnunarinnar finna miðpunkt
landsins. Eyjar landsins voru
ekki teknar með í útreikninginn
en reiknað var út að punkturinn
hafi staðsetninguna 64°59‘11.4“
N og 18°35‘12.0“ V, eða 519507m
A og 498558m N í ISN93 Lamb-
ert-vörpun. Á mannamáli þýðir
það að miðpunktur landsins sé
skammt norðan við Hofsjökul,
austan undir Illviðrahnjúkum.
Meðfylgjandi er mynd af mið-
punktinum á korti sem fengið
var hjá Landmælingum Íslands
sem sýnir svo ekki er um villst
að miðjan er fundin, aldalöngu
deilumáli lokið og spekingar geta
andað léttar hvoru megin miðj-
unnar sem þeir eru staddir.
Miðpunktur
Íslands fundinn
Hér sést miðpunktur Íslands sem er norðan við Hofsjökul en þar er maður svo sannanlega
umvafinn Íslandi. LANDMÆLINGAR ÍSLANDS
Útivist heldur sitt árlega áramótafjör
á fjöllum. Lagt verður af stað frá BSÍ
klukkan átta að morgni þrítugasta
desember. Haldið verður í Bása í
Þórsmörk þar sem ferðalangar verða
umkringdir fönnum og fellum með
alls kyns furðum, troðfullum af litlu
og stóru fólki. Í ferðinni verður sungið,
dansað og leikið á hljóðfæri svo ekki sé
talað um þá mögnuðu stemningu sem
álfabrenna og flugeldar ná í umgjörð
náttúrunnar. Fyrir ferðinni fer Ingibjörg
Eiríksdóttir
en sérstakur
tónlistarstjóri
er Sigurður
Úlfarsson.
Áhugasamir
ferðalangar
eru hvattir til
að skrá sig
sem fyrst.
Áramótaferð
ÁRLEGT ÁRAMÓTAFJÖR Í ÞÓRSMÖRK.
Ferðaáætlun 2006
BÆKLINGUR ÚTIVISTAR KOMINN ÚT.