Fréttablaðið - 03.05.2006, Blaðsíða 36
MARKAÐURINN 3. MAÍ 2006 MIÐVIKUDAGUR8
Ú T L Ö N D
Tveir frændur okkar Íslendinga
eru í flokki með hundrað áhrifa-
mestu kaupsýslumönnum í heimi
í nýjasta tölublaði bandaríska
vikuritsins Time. Mennirnir eru
Daninn Janus Friis og Svíinn
Niklas Zennström, sem fundu
upp netsímahugbúnaðinn Skype
og gerir netverjum kleift að nýta
tölvur sínar til að hringja sín
á milli með þartilgerðum sím-
tækjum án þess að greiða fyrir
það sérstaklega. Þeir Friis og
Zennström eiga heiðurinn að
öðrum hugbúnaði, sem þó er öllu
vafasamari. Það er hinn geysi-
vinsæli skráaskiptihugbúnaður
Kaaza, sem þeir bjuggu til árið
2001.
Í umsögn Time, sem setur
þá Friis og Zennström í flokk
með frumkvöðlum, segir að þeir
séu hugsjónamenn sem hafi
umturnað fjarskiptaiðnaðinum.
Netuppboðsvefurinn Ebay keypti
Skype af þeim félögum á 2,9
milljarða Bandaríkjadala á síð-
asta ári.
Friis er annar Daninn til að
komast á lista Time yfir áhrifa-
mestu menn í heimi. - jab
Skype á lista Time
STÚLKA MEÐ SKYPE-SÍMA Höfundar
netsímahugbúnaðarins Skype eru á lista
yfir áhrifamestu kaupsýslumenn ársins að
mati Time.
Jón Aðalsteinn Bergsveinsson
skrifar
John Kenneth Galbraith, einn af áhrifamestu
hagfræðingum síðustu aldar, lést á Mount Auburn
sjúkrahúsinu í Cambridge í Bandaríkjunum á
laugardag, 97 ára að aldri. Galbraith fæddist í
Ontario í Kanada 15. október árið 1908. Foreldrar
hans voru innflytjendur frá Skotlandi.
Galbraith útskrifaðist með B.Sc. gráðu frá
landbúnaðarháskólanum í Ontario árið 1931 og
doktorsgráðu í hagfræði frá Berkeley-háskóla í
Kaliforníu í Bandaríkjunum þremur árum síðar.
Sama ár bauðst honum staða til eins árs við
háskólann í Cambridge í Bretlandi. Þar komst
hann í kynni við kenningar breska hagfræðingsins
Johns Maynard Keynes og gerðist ötull fylgismað-
ur hans. Eftir það kenndi hann við nokkra háskóla
en árið 1943 settist Galbraith í ritstjórastól banda-
ríska viðskiptatímaritsins Fortune og stýrði hann
því allt fram til 1948 er hann gerðist prófessor í
hagfræði við Harvard-háskóla. Þeirri stöðu hélt
hann þar til hann lét af störfum fyrir aldurs sakir
árið 1975.
Galbraith var öflugur penni en hann skrifaði
um 40 bækur um efnahagsmál og ríflega þúsund
blaða- og tímaritsgreinar um ýmis málefni á ferl-
inum. Eitt af þekktustu verkum hans eru þrjár
tengdar bækur um bandarísk efnahagsmál, sem
hann skrifaði á árunum 1952 til 1967. Þar fjallaði
hann meðal annars um velferðarkerfið og aukið
bil á milli ríkra og fátækra í Bandaríkjunum eftir
seinni heimsstyrjöld. Eitt rita Galbraiths, Iðnríki
okkar daga, kom út í íslenskri þýðingu í flokki
lærdómsrita á vegum Hins íslenska bókmennta-
félags árið 1970. Bókin er ágrip sem Galbraith
skrifaði sjálfur upp úr þekktustu bók sinni, The
New Industrial State, sem kom út þremur árum
áður, fyrir breska lesendur sína. Í umsögn um
bókina segir að þar sé fjallað um eðli kapítalisma
og sósíalisma.
Hagfræðingurinn John
Kenneth Galbraith látinn
Einn af áhrifamestu hagfræðingum síðustu aldar er látinn.
Hann fjallaði m.a. um aukið bil á milli ríkra og fátækra.
JOHN KENNETH GALBRAITH Galbraith var einn af þekktustu
hagfræðingum síðustu aldar og skrifaði um 40 bækur um efna-
hagsmál og ríflega þúsund blaða- og tímaritsgreinar um ýmis
málefni. Mynd/AP
Alþjóðagjaldeyrissjóðurinn (IMF)
spáir 7 prósenta hagvexti á árinu
í Asíu. Hagvöxtur hefur aukist
mikið í álfunni á síðastliðnum
árum, sér í lagi vegna mikils
útflutnings á raftækjum. Spáir
IMF að útflutningurinn muni
halda áfram að aukast á næst-
unni. Það eina sem getur dregið
úr frekari hagvexti er hækkun á
olíuverði en innanlandsmarkaðir
í Asíu gætu þurft að hækka verð
á eldsneyti í takt við erlenda
markaði. Sé það verkefni rík-
isstjórna í löndum álfunnar að
koma í veg fyrir aukna verð-
bólgu vegna þessa. M.a. verði að
hvetja fólk til þess að draga úr
neyslu og spara. Þessi ráð eigi þó
fremur við Kínverja en aðra íbúa
álfunnar, að sögn IMF.
Þá segir í spá IMF að þrátt
fyrir fremur jákvæða spá verði
Asíulöndin að halda áfram að
greiða niður skuldir sínar jafn-
framt því að bæta kjör og mennt-
un íbúa landanna. - jab
Góð spá fyrir Asíu
ÚR VERSLUN Í PEKING Í KÍNA Alþjóða
gjaldeyrissjóðurinn segir Kínverja verða að
draga úr neyslu og auka sparnað.
���������� �����
���� ���� ��� ���������� � ������ ������� ��� ������� �� �������� ����
�� � ��������� ����� ��� ��� ��� �� ��� ��� ��� ��� �� ������ ��� ����� ���� ��� ����� � ��� � ��
������ �� ������ �� �������� �� ��������
������� ����� ��� ���� ��������� ����� � ��� ���� ��� ��� �������� ����� �� ������������
������ ��� �� ������ ������� �� ������ �� ���������� �� ������������� �������� ����� ������ � ��� ����
����� ���� �� �� ������ ���� ��� ��� ����� ����� ���
���������� ��������� ���� �� �������� ������ ����� � ��� ����� �������������
�������� ����� ������ ����� �������������� �� �� ���� ��� ��� ���� ������ ��� ��� ���������� ��
����� ����� ���� ���������� �� ������������ �� ������� ������
������ ���� ����� � ������� ����� �� �������� ������� �������� � ������� ���� �� ���� ��� �����������
��� ����� ��������� ����� ��� ����� ������
�������� ����� � ��� ��� ������� ���� �� ������� � ��������
����� ���������
������� ��������� � ���������
����������� �
��� ���������
�� � ��� ����
���������������