Fréttablaðið - 03.05.2006, Blaðsíða 94
3. maí 2006 MIÐVIKUDAGUR38
F
í
t
o
n
/
S
Í
A
ALLT SEM fiIG VANTAR
ER Á VISIR.IS/ALLT
n‡ vöru- & fljónustu-
skrá á visir.is
1 Guantanamo á Kúbu
2 Kasmír
3 Gunnar Þór Gíslason
VEISTU SVARIÐ
HRÓSIÐ
...fær Ingvi Hrafn Jónsson en
þáttur hans Hrafnaþing verður
fluttur yfir á besta útsendingar-
tíma og mun nú verða klukkan
hálfátta á kvöldin, strax á eftir
fréttum og Íslandi í dag.
FRÉTTIR AF FÓLKI
Íslendingar halda áfram að gera það gott á Cannes-
hátíðinni en eins og greint
var frá fyrir skömmu var
kvikmyndaframleiðand-
anum Ingvari Þórðarsyni
boðið að kynna verk sín
sem ein af vonarstjörn-
um í evrópskri kvikmyndagerð. Ingvar
og félagi hans hjá Kvikmyndafélagi
Íslands, Júlíus Kemp, kom einnig við
sögu í kvikmyndinni Den Brysomme
Mannen eða Uppáþrengjandi náunginn
sem valin var til þátttöku á Critics Week
á Cannes. Myndin er í leikstjórn hins
norska Jens Lien en þeir Júlíus og Ingvar
eru meðframleiðendur myndarinnar.
Den brysomme mannen fjallar um fer-
tugan mann sem kemur til undarlegrar
borgar án þess að muna hvernig hann
komst þangað. Myndin verður væntan-
leg sýnd hér í haust.
Hilmir Hrafn Hilmarsson er níu
ára gamall Hafnfirðingur sem
hefur afar gaman af því að búa til
ljóð og heldur hann úti eigin
heimasíðu þar sem verk hans eru
birt. „Ég hef samið ljóð um tennur,
tröll, pönnukökur og sett saman
bullvísur,“ segir Hilmir Hrafn og
bætir við að fáir jafnaldrar hans
deili þessari ljóðagleði hans.
„Þetta er mitt áhugamál enda er
ég góður í þessu,“ segir Hilmir
Hrafn kokhraustur. Hann er
ófeiminn við að sýna öðrum skrif
sín, ljóð eftir hann hefur birst í
Fjarðarpóstinum og heimasíðuna
sína kallar hann Skáldið yrkir en
þar gefur á að líta ljóð um allt milli
himins og jarðar. Hilmir Hrafn
semur mest af stuttum ljóðum en
hann vill reyndar helst hafa þau
sem lengst, því hann er ánægðast-
ur með þau. „Besta ljóðið sem ég
hef ort er um tröll og er 22 línur,“
segir Hilmir Hrafn sem var orð-
inn fluglæs fimm ára gamall og
hefur mjög gott á vald á íslensk-
unni en hann yrkir reyndar líka á
ensku. Auk þess að eyða frítíma
sínum í ljóðagerð er Hilmar Hrafn
í skátunum en hann er nemandi í
4. bekk í Víðisstaðaskóla. Spurður
að því hvort hann ætli að verða
skáld þegar hann verður stór vill
hann engu lofa enda segist hann
ekki vilja segja eitthvað sem hann
standi svo kannski ekki við það.
Fréttablaðið birtir hér eitt ljóð
eftir þetta upprennandi skáld en
þeir sem vilja lesa meira geta kíkt
á heimasíðuna hilmirhrafn.blog-
spot.com. -snæ
Yrkir um pönnukökur og tröll
HILMIR HRAFN HILMARSSON LJÓÐSKÁLD
Svínið
Ég borða allt
og mér er stundum kalt
Ég velti mér í drullu
en ég vinn aldrei á fullu
því ég er svínið
meðan fólkið drekkur vínið
þau nota mig sem steik
þau hafa þetta sem leik
En villisvínin spjara sig
með skögultennur þau stinga þig
þau lifa inni í skógi í engi
og lifa þar mjög lengi
Hvað lifa þau lengi? Ekki veit ég
það
og örugglega ekki þau
en við kveðjum þau nú!
Við komum aftur fljótt
Og vonandi mjög skjótt
Bless bless litla svín
Við söknum þín.
Eiríkur Jónsson, sem án efa er einn þekktasti blaðamaður landsins,
hefur látið af störfum á DV í kjölfar
þess að blaðinu var breytt úr dagblaði í
vikublað. Eiríkur lét af störfum að eigin
ósk en hann hefur verið viðloðandi
DV lengur en flestir aðrir sem þar hafa
stungið niður penna auk þess sem hann
hefur ætíð sett sterkan svip á blaðið
með stíl sínum og löngu fréttanefi. Auk
blaðamennskunnar hefur Eiríkur tekið
eftirminnilegar rispur bæði í útvarpi og
sjónvarpi og ólíklegt þykir að brotthvarf
þessa reynslubolta frá DV verði
til þess að hann hverfi alfarið
úr fjölmiðlum enda stýrir
hann enn þættinum Helgin
sem sendur er út á
sjónvarpsstöðinni NFS
á laugardögum.
Beint í ruslið
Þjóðargjöfin fór beint í
ruslið hjá mér. Það berst
svo mikill ruslpóstur inn
um lúguna hjá mér að
ég hendi öllum svona
blöðungum. Annars
keypti ég nokkrar bækur
um daginn og hefði nú
getað notað gjöfina þá.
Ég kaupi líka töluvert af
bókum. Konan er alltaf
að skammast í mér fyrir
að koma með svona
mikið af ritum heim.
Á fullt af ólesnum
bókum
Ég ákvað að nýta mér
ekki þessa ávísun þar
sem ég á heilmargar
ólesnar bækur í hillum
mínum. Ég vona að ég
verði bara búin með þær
allar á næsta ári og geti
nýtt mér þetta tilboð þá,
því mér finnst þetta fínt
átak.
Góður aflvaki
Ég nýtti Þjóðargjöfina til
að kaupa fimm binda
þjóðsagnasafn. Mig hafði
lengi langað til að eignast
þetta og þótt hafi svo sem
ekki strandað á einum
þúsundkalli þá var þessi
ávísun vissulega aflvaki. Ég
er byrjaður að lesa og er
hæstánægður með þessi
kaup.
ÞRÍR SPURÐIR LANDSMENN FENGU SENDA ÞÚSUND KRÓNA ÁVÍSUN TIL BÓKAKAUPA
Nýttirðu Þjóðargjöfina til bókakaupa?
EGILL HELGASON
sjónvarpsmaður
HELGA VALA HELGADÓTTIR
laganemi
ÁRMANN JAKOBSSON
íslenskufræðingur
Gumball 3000, sem er kappakstur
ríka og fræga fólksins sem nær
yfir þrjár heimsálfur, hófst í átt-
unda sinn á sunnudag.
Byrjunarreitur var London og
á meðal þeirra sem þar voru í
startholunum voru fjórir Íslend-
ingar: þeir Hannes Smárason, for-
stjóri FL Group, sem ekur á Pors-
che, Ragnar Agnarsson á BMW
M5 og Jón Ásgeir Jóhannesson,
forstjóri Baugs Group, og félagi
hans Guðmundur Ingi Hjartarson
sem keppa á Bentley. Meðal þeirra
sem horfðu á eftir köppunum ræsa
bílana sína var Íslandsvinurinn
Jose Mourinho en hann þjálfar lið
Chelsea sem Eiður Smári
Guðjohnsen leikur með.
Icelandair tekur þátt í kapp-
hlaupinu á sinn hátt því fyrir utan
þátttöku Hannesar Smárasonar
mun fyrirtækið leigja aðstandend-
um keppninnar eitt stykki Boeing-
þotu fram yfir sjöunda maí, sem
er næstsíðasti dagur keppninnar.
„Við tökum þátt í styrktarmál-
efnum hjá fjölda fyrirtækja úti
um allan heim og þetta var eitt af
þeim sem kom upp á yfirborðið og
okkur leist vel á,“ segir Guðjón
Arngrímsson, upplýsingafulltrúi
Icelandair. „Aðstandendur þessar-
ar keppni föluðust eftir flugvél til
leigu og við erum að flytja í henni
mannskap á milli staða,“ segir
Guðjón og á þar við keppendur og
starfsfólk Cannonball 3000. Á
meðal þeirra sem munu því setj-
ast inn í Flugleiðavélina meðan á
keppninni stendur eru fræg nöfn
á borð við Pamela Anderson, Viggo
Mortensen, Adrien Brody, Paris
Hilton og klámmyndaleikarinn
þekkti Ron Jeremy, sem kom hing-
að til Íslands fyrir ekki svo löngu
síðan.
Orðrómur hafði verið uppi um
að Icelandair sæi einnig um að
flytja glæsikerrur keppendanna á
milli staða en hann virðist ekki
eiga við rök að styðjast.
Keppendurnir, sem eru 240
talsins, þar af tveir í hverjum bíl,
gera ýmislegt sér til skemmtunar
meðan á ferðinni stendur. Í fyrra-
kvöld voru þeir viðstaddir tón-
leika í Búdapest með ensku hljóm-
sveitinni The Prodigy og á
föstudag fara þeir á frumsýningu
hasarmyndarinnar Mission: Imp-
ossible 3 í Salt Lake City í Utah.
Kvöldið eftir hlýða keppendurnir
síðan á tónleika Snoop Dogg í Las
Vegas og á lokadeginum mun
sjálfur Hugh Hefner efna til
veislu fyrir þreytta ferðalanga á
hinu fræga Playboy-setri sínu í
Los Angeles.
Gumball 3000 er nútíma-
útfærsla á kvikmyndinni vinsælu
Canonball Run frá árinu 1981 þar
sem Burt Reynolds var í aðalhlut-
verki. Kappaksturinn er ekki við-
urkennd keppni, þannig að kepp-
endur geta auðveldlega komist í
kast við lögin virði þeir ekki
hraðatakmarkanir á leið sinni.
Þegar hafa fjölmargir keppendur
verið stöðvaðir á leiðinni. Kepp-
endurnir ættu þó að eiga fyrir
sektarmiðunum því þátttökugjald-
ið er hvorki meira né minna en
fimm og hálf milljón króna.
Hægt er að fylgjast með fram-
vindu mála í kappakstrinum á
slóðinni live.gumball3000.com.
freyr@frettabladid.is
KAPPAKSTURINN GUMBALL 3000: ICELANDAIR TEKUR ÞÁTT
Stjörnur í íslenskri þotu
HEFNER Í GÓÐUM FÉLAGSSKAP Þátttakendur í keppninni Gumball 300 kíkja í partí á
Playboy-setur Hughs Hefners næstkomandi sunnudagskvöld. Fjórir Íslendingar verða vænt-
anlega þar á meðal.FRÉTTABLAÐIÐ/REUTERS
H ilmar Björnsson og félagar hjá sjónvarpsstöðinni Sýn eru himin-
lifandi með þau viðbrögð sem nördar
þessa lands hafa sýnt nýjustu raunveru-
leikaþáttaröðinni FC Nörd. Samkvæmt
heimildum Fréttablaðsins höfðu yfir 150
manns skráð sig í liðið en sextán ein-
staklingar verða valdir úr þeim hópi til
að skipa knattspyrnuliðið. Leitinni er þó
hvergi nærri lokið og geta áhugasamir
skráð sig á heimasíðu sjónvarpsstöðvar-
innar, syn.is. Verður forvitnilegt að
sjá hvort frímerkjasafnarar og
stærðfræðiséní Íslands slái
við vinsældum Ástarfleysins
og Piparsveinsins sem báðir
fengu hálfgerðan skell.
- fgg / þþ
1
6 7 8
10
13
119
12
15
16
18
21
20
17
14
19
2 3 4 5
LÁRÉTT 2 stórt spendýr 6 í röð 8
spíra 9 vandlega 11 skóli 12 teygju-
dýr 14 helgimyndir 16 utan 17 runa
18 hafði sæti 20 klukkan 21 þriggja
manna hljómsveit.
LÓÐRÉTT 1 hvetja 3 hætta 4 dagatöl
5 draup 7 námskeið 10 rúm ábreiða
13 al 15 tigna 16 kærleikur 19 golf
áhald.
LAUSN
LÁRÉTT: 2 hval, 6 rs, 8 ála, 9 vel, 11
mk, 12 amaba, 14 íkona, 16 án, 17
röð, 18 sat, 20 kl, 21 tríó.
LÓÐRÉTT: 1 örva, 3 vá, 4 almanök, 5
lak, 7 semínar, 10 lak, 13 bor, 15 aðla,
16 ást, 19 tí.