Fréttablaðið - 03.05.2006, Blaðsíða 44
4
Það er óhætt að segja að kvik-
myndaiðnaðurinn hafi vaxið jafnt
og þétt hérlendis undanfarin ár.
Það sýnir sig m.a. í því að árlegur
fjöldi framleiddra kvikmynda verð-
ur að teljast hár miðað við höfða-
tölu. Þá hefur gott gengi íslenskra
kvikmyndagerðarmanna úti í heimi
opnað augu erlendra starfsbræðra
þeirra fyrir þeim möguleikum sem
hér eru fyrir hendi. Líkt og í öðrum
iðngreinum þar sem framleiðsla
eykst kallar þetta á fleiri fagaðila.
Kvikmyndaskóli Íslands hefur um
árabil sinnt því brýna hlutverki að
búa Íslendinga undir þessa þróun og
hefur í þau fjórtán ár sem skólinn
rekur sögu sína útskrifað eitthvað
á 3.000 nemendur. Böðvar Bjarki
Pétursson, eigandi Kvikmyndaskóla
Íslands, segir ásóknina í skólann
aldrei hafa verið meiri því nú sé
barist um þau sæti sem þar standa
til boða.
Samkvæmt Böðvari Bjarka er margt
á döfinni hjá skólanum. Undanfarin
þrjú ár hefur hann boðið upp á
starfsmenntabraut, sem felst í fjög-
urra anna námi sem lýkur með prófi.
Vegna mikillar ásóknar stendur nú
til að víkka út starfsemi skólans með
stofnun þriggja nýrra námsbrauta
næsta haust, er snúa að handrits-
gerð, hönnun og leiklist og almanna-
tengslum. Handritabraut segir sig
nokkuð sjálf, en það er rétt að Böðv-
ar Bjarki útskýri aðeins betur hvað
átt er við með hinum tveimur.
Hönnunarbrautina segir Böðvar
Bjarki vera einstaka í sinni röð þar
sem þar er blandað saman þremur
meginþáttum, þ.e. kvikmyndatöku,
leikmynda- og búningahönnun, og
tölvu- og grafískri vinnslu. Þannig
er í raun verið að svara þörfum
iðnaðarins á hvorn veginn sem er.
Komið er til móts við þá sem hafa
áhuga að nýta tölvukunnáttu sína
innan kvikmyndagerðar og eins er
verið að skapa vinnuafl hérlendis
fyrir umsvifamikil fyrirtæki á borð
við Latabæ og CCP.
„Það sama gildir í raun um
leiklistar- og almennatengslabraut
Kvikmyndaskólans“, segir Böðvar
Bjarki. „Þarfir viðskiptavina okkar
ráða för, þ.e. nemenda sem og
markaðarins sjálfs enda er skólinn
einkarekinn þjónustustofnun. Með
brautinni viljum við skapa mark-
vissari leiklistarkennslu en áður
hefur þekkst á framhaldsskólastigi,
þannig að ekki er verið að tefla
henni fram gegn leiklistardeild
Listaháskóla Íslands. Þar sem námið
tekur tvö ár viljum við hafa braut-
ina breiða og hugsum hana því líka
sem góðan undirbúning fyrir þá
sem hafa áhuga á fréttamennsku.
Þeir sem útskrifast af þessari braut
verða því ekki titlaðir leikarar, held-
ur kvikmyndagerðarmenn.“
Ekki þarf að þreyta inntökupróf til
að fá inngöngu í skólann, en skil-
yrði er að nemendur hafi lokið 30
einingum á framhaldsskólastigi
áður auk þess sem til stendur að
setja á aldurstakmark. Samkvæmt
Böðvari Bjarka ljúka nemendur sem
samvarar 70 einingum í haldbæru
námi á framhaldsskólastigi þegar
þeir útskrifast, þar sem grunnþekk-
ing á myndmiðlum ein og sér nýtist
víða. Útskrifaðir nemendur fá inn-
göngu í Félag kvikmyndagerðar-
manna, FK.
„Við ætlum okkur stóra hluti í þeim
störfum sem eru að verða til í kring-
um iðnaðinn og fylgjum nemendum
okkar vel eftir út á atvinnumark-
aðinn. Við erum þegar í formlegu
samstarfi við helstu ljósvakamiðla
og kvikmyndagerðarfyrirtæki hér-
lendis um starfsmenntun nemenda
okkar sem hefur gengið vel.“ Böðv-
ar Bjarki hvetur alla þá sem eru
áhugasamir um kvikmyndagerð
og þá atvinnumögleika sem eru að
opnast í bransanum að kynna sér
skólann betur.
Atvinnumöguleikum í
kvikmyndagerð fjölgar
Kvikmyndaskóli Íslands býður nemendum upp á þrjár nýjar brautir í haust.
Böðvar Bjarki Pétursson, kvikmyndagerðarmaður og eigandi Kvikmyndaskóla Íslands, segir atvinnumöguleikum fjölga í kvikmyndaiðnaðinum.
FRETTABLADID/ANTON
Kvikmyndaskóli Íslands hefur boðið upp á tveggja ára starfsmenntabraut. Í haust stendur
til að stofna þrjár nýjar brautir við skólann, þar sem kennd verða handritsgerð, hönnun og
leiklist og almenntengsl. FRÉTTABLAÐIÐ/ANTON
Ein af þeim iðngreinum sem kennd-
ar eru við Iðnskólann í Reykjavík
er rafvirkjun en hún hefur tekið
örum breytingum undanfarin ár
og áherslur í kennslu og námsefni
hafa breyst. Skúli Skúlason, nemi
í rafvirkjun við skólann, lýkur
sveinsprófi í júní til að útskrifast,
en blaðamaður ræddi við Skúla til
að fræðast betur um þessa atvinnu-
grein og átta sig á því með hvaða
hætti hún er að þróast.
Samkvæmt Skúla er hægt að velja
tvenns konar námsleiðir í rafvirkjun
við Iðnskólann í Reykjavík. „Í öðru
tilviki ertu meira í vinnu en í skóla,
eða í þrjú ár af fjórum þar sem þér
eru eingöngu kenndir verklegu þætt-
irnir,“ segir Skúli. „Þannig sleppurðu
við verklegu hliðina í skólanum. Í
hinu tilvikinu er þessu nánast öfugt
farið. Námið er í báðum tilvikum
góður undirbúningur fyrir atvinnu-
markaðinn, en það hefur hins vegar
breyst gífurlega undanfarin ár.“
„Nú er okkur kennt að leggja röra-
lagnir og kapla, gerð rafmagns-
taflna, hvernig skal tengja þær og
setja upp öryggi. Svo erum við farn-
ir að læra mikið á iðntölvustýringar
svokallaðar, en með því á ég við að
okkur sé nú kennt hvernig tæki á
borð við verksmiðjufæribönd virka
o.s.frv. Í stuttu máli sagt er meiri
áhersla lögð á tæknilega þáttinn í
náminu en áður tíðkaðist, sem sést
af því að tölvukennsla og forritun
gegna orðið stóru hlutverki. Það
dugar skammt að geta aðeins lagt
rör og brotið veggi, ef svo má að
orði komast“, segir Skúli og hlær.
Gerðar eru miklar kröfur til nema
sem eru að útskrifast í rafvirkjun
í Iðnskólanum og því til staðfest-
ingar má nefna að Skúli fékk það
lokaverkefni að hanna heilt rafkerfi
í einbýlishús. Hann þurfti að leggja
rafmagn og samskiptalagnir og
setja upp loftnet, síma og svoköll-
uð instabus-kerfi, sem er á einföldu
máli miðstýrt kerfi sem nota má til
að stjórna ljósum, hita og jafnvel
rafknúnum gluggatjöldum séu þau
fyrri hendi í húsnæðinu. Þótt slík
kerfi séu ekki á allra færi vegna
kostnaðar njóta þau töluverðra vin-
sælda hérlendis um þessar mundir
og fer eftirspurn eftir þeim vax-
andi. „Þess vegna þurfum við orðið
að læra á uppsetningu þeirra,“ segir
Skúli. Þetta sýnir einfaldlega hve
brýn nauðsýn er á breyttum áhersl-
um í námi eins og rafvirkjun þar
sem stöðugt þarf að mæta breyttum
þörfum markaðsins.
Dugar skammt
að geta lagt rör
og brotið veggi
Rafvirkjun er ein þeirra iðngreina sem hafa þróast hratt.
Skúli Skúlason er að útskrifast í rafvirkjun frá Iðnskólanum í Reykjavík. Á myndinni sést
hann tengja ljós við svokölluð instabus-kerfi sem njóta mikilla vinsælda. FRÉTTABLAÐIÐ/HEIÐA
■■■■ { iðnaðarblaðið } ■■■■■■■■■■■■■■■■■■■■■■■■■■■■■■■■■■■■■■■■■■■■■■■