Fréttablaðið - 03.05.2006, Blaðsíða 52

Össur ehf. hefur verið leiðandi
fyrirtæki á sviði heilbrigðismála
hérlends sem og úti í heimi, m.a.
vegna framleiðslu á stoðtækjum
fyrir fatlaða. Á dögunum var Össur
eitt þeirra 36 fyrirtækja sem WEF
útnefndi sem frumkvöðla á sviði
orku, líftækni, heilbrigðis og upp-
lýsingatækni. Ef marka má orð Sig-
urborgar Arnarsdóttur, upplýsinga-
fulltrúi Össurar, er fyrirtækið enn í
örum vexti og eru ýmsar nýjungar
á döfinni, einkum þeim sem lúta að
rafeindastýrðum vörum.
„Ég vil byrja á að segja hversu
ánægð við erum með að vera í hópi
þeirra fyrirtækja sem WEF valdi,“
segir Sigurborg. „Útnefningin sýnir
einfaldlega að tekið er eftir þeirri
tækni sem við búum yfir og erum
að þróa. Á það náttúrulega einkum
við um nýju rafeindastýrðu vör-
urnar frá okkur, eins og gervihnén
Rheo Knee og Power Knee.“
Aðspurð um gerð hnjánna segir
Sigurborg að í síðara tilvikinu er
reynt að líkja sem mest eftir raun-
verulegu hné þannig að sá sem ber
það finni sem minnst fyrir munin-
um. „Lítill skynjari er festur á heil-
brigða fótlegginn sem les hreyfingu
hans og sendir boð til gervihnésins.
Við það verður samsvörun á milli
fótleggja. Þannig má nýta gervi-
hnéð til að lyfta sér upp, gagnstætt
því sem áður var þegar menn urðu
að gera það með heilbrigða fætin-
um og draga síðan hinn upp. Þetta
nýtist vel þegar gengið er upp stiga
eða brekkur.“
„Vara af þessari gerð er enn sem
komið er mjög dýr í framleiðslu og
því ekki á færi allra að festa kaup
á henni,“ segir Sigurborg. „Eins og
staðan er sjáum við ekki fyrir okkur
að það breytist nema trygginga-
félögin skerist í leikinn. Það er auð-
vitað samfélaginu í hag að skila sem
flestum vinnufærum einstaklingum
út í atvinnulífið og þessi vara
myndi vafalaust hjálpa mörgum við
að yfirstíga þær hindranir sem þeir
mæta í daglegu lífi. En það er þó
einnig mikilvægt að hafa hugfast
að með gerð þessa útbúnaðar erum
við náttúrulega búin að ná ákveð-
inni tækni sem nýtist okkur í önnur
verkefni. Segja mætti að verið sé að
gefa tóninn fyrir það sem koma skal
í þessum geira.“
Framleiðsla á vörum frá Össuri
fer bæði fram í höfuðstöðvum
fyrirtækisins að Grjóthálsi 5,
þar sem 260 starfsmenn vinna,
og einnig erlendis, en fyrirtækið
hefur verið öflugt í að ryðja sér
brautir inn á erlendan markað.
Það hefur Össur m.a. gert með
því að kaupa framleiðslufyrirtæki
erlendis og reynt að nýta sér sér-
þekkingu þarlendra starfsmanna á
ríkjandi markaðslögmálum, sem
er að mati Sigurborgar ein besta
aðferð til að ná sterkri stöðu á
erlendum vettvangi.
Raunveruleikinn vísinda-
skáldskap líkastur
Össur ehf. vekur alþjóðlega athygli fyrir hönnun rafeindastýrðra stoðtækja.
Hér sést Sigurborg Arnarsdóttir við rafeindastýrðu hnén, sem vakið hafa mikla athygli. FRÉTTABLAÐIÐ/GVA
„Áfangaskipt gæðavottun er sértækt
verkefni,“ segir Ferdinand Hansen,
verkefnisstjóri og ráðgjafi í gæða-
stjórnun hjá Samtökum atvinnu-
lífsins. „Aðdragandi hennar er sá
að frá árinu 1998 hafa samtökin
aðstoðað og hvatt félagsmenn sína
til að taka upp aðferðafræði gæða-
stjórnunar,“ segir Ferdinard.
Frá 1999 hafa samtökin lagt þeim
iðnaði sem er í kringum mannvirkja-
gerð lið, með því að láta honum í té
drög að gæðakerfum. „Ekki er hægt
að láta menn fá fullmótað gæða-
kerfi upp í hendurnar, því innihald
gæðakerfis lýsir því hvernig fyrir-
tæki er rekið og er það mjög mis-
munandi eftir rekstraraðilum,“ segir
Ferdinard. Samkvæmt Ferdinand
gekk vel að kynna þetta því um það
bil hundrað fyrirtæki úr þessum
geira hafa tekið þátt.
„Okkur þótti hins vegar upptaka
gæðakerfa hjá öðrum iðngreinum
ganga heldur seint fyrir sig,“ segir
Ferdinand. Síðast þegar málm-
og skipaiðnaðurinn fór í gegnum
ákveðna forkönnun, kom til dæmis í
ljós að þar vantaði einnig skerpingu
á stjórnun, skilgreiningum og öðru
slíku til að auka framleiðini.
Ferdinand álítur að seinaganginn
megi að hluta rekja til þess að menn
hafi miklað þetta örlítið fyrir sér.
„Við komumst að því að áfanga-
skipt gæðakerfi gæti verið lausnin.“
Áfangarnir eru fjórir, en þeir tveir
fyrstu eru grunnur að því sem koma
skal.
Þegar aðilar frá gæðaeftirliti Sam-
taka iðnaðarins fara í fyrirtæki til
að athuga hvort farið sé eftir sett-
um reglum, er gefið út vottorð eða
viðurkenning á hverjum áfanga sem
náð er. „Þetta kemur öllum til góðs
þar sem verkkaupar hafa gert aukna
kröfu í samningum sínum við verk-
taka um að þeir framvísi gögnum
sem sýna að þeir geti afgreitt þau
verkefni sem þeir eru ráðnir í,“ segir
Ferdinard.
Þótt drögin að gæðakerfum eigi
sér sjö ára sögu, er verið að hrinda
hugmyndinni um áfangaskipta
gæðavottun í gang. Ferdinand telur
að hún muni vafalaust hljóta góðar
undirtektir. Þeir aðilar sem fengið
hafa vottorð munu líkast til auglýsa
það. Auk þess munu Samtök iðn-
aðarins birta á vef sínum lista yfir
þá félagsmenn sem vottorðin hafa
öðlast. Við það má bæta að árleg
úttekt verður gerð á starfssemi
fyrirtækja til að sjá hvort reglum
gæðastjórnunnar sé fylgt eftir, en
fyrirtæki missa viðurkenninguna ef
í ljós kemur að þau uppfylla ekki
hæfisskilyrði.
Áfangaskipt gæðavottun
Ferdinand Hansen, verkefnisstjóri og
ráðgjafi í gæðastjórnun hjá Samtökum
atvinnulífsins, hefur átt þátt í því að þróa
nýja áfangaskipta vottun í gæðastjórnun.
FRETTABLAÐIÐ/JÓHANNES LONG
■■■■ { iðnaðarblaðið } ■■■■■■■■■■■■■■■■■■■■■■■■■■■■■■■■■■■■■■■■■■■■■■■
Í ár eru 80 ár liðin frá stofnun Ljós-
myndarafélags Íslands, og af því
tilefni verður haldin fagstefna og
afmælishátíð dagana 13.-14. maí
næstkomandi á vegum Eimskips og
Ljósmyndarafélagsins.
„Við erum með dagskrá báða daga,
sem segja mætti að sé með tvískiptu
móti“, segir Gunnar Leifur Jónasson
formaður félagsins. „Fagstefna laug-
ardagsins er haldin á Grand Hótel í
Reykjavík og er eingöngu miðuð við
atvinnumenn í ljósmyndun, bæði
fyrir félagsmenn og fagaðila sem
standa utan félagsins.“
Fagstefnan hefst um morguninn
með aðalfundi, en honum fylgja svo
öflugir fyrirlesarar víðsvegar utan úr
heimi. Má þar nefna þekkta og virta
ljósmyndara eins og Piu Sönströd
og Christopher Morris. Á milli atriða
verður tilkomumikil myndasýning
úr tímaritunum Hasseblad og Phase
One. Loks má nefna vörukynningu
þar sem sýndar verða ýmsar tækni-
nýjungar, þar á meðal þráðlaust
stúdíó frá Canon sem boðar bylt-
ingu í stafrænu umhverfi.
Á sunnudeginum verður afmælis-
hátíðin sett klukkan 13, en hún er
haldin í Hvammi og opin öllum sem
hafa áhuga að mæta. Vegleg og
vönduð ljósmyndabók hefur verið
sett saman af þessu tilefni, en í
henni gefur að líta verk eftir félags-
menn í Ljósmyndarafélagi Íslands.
Verður bókin höfð til sýnis á hátíð-
inni. „Dagskrá sunnudagsins er stíl-
uð á neytendur, þar sem ljósmynda-
nám verður m.a. kynnt og myndir
af íslenskri náttúru sýndar,“ segir
Gunnar. Ókeypis er inn á hátíðina.
Magnþrungnar
ljósmyndir
Fagstefna og afmælishátíð Ljósmyndarafélags Íslands er
haldin 13-14. maí nk.
Gunnar Leifur Jónasson, formaður Ljós-
myndarafélags Íslands, sem í samvinnu við
Eimskip stendur fyrir fagstefnu og afmælis-
hátíð dagana 13.-14. maí. FRÉTTABLAÐIÐ/VALLI
Mynd eftir Grétu Guðjónsdóttur ljósmynd-
ara, myndin er ein þeirra sem sýndar verða
á sýningunni.
Ljósmynd eftir Fróða Jónatan Grétarsson.
Ljósmynd eftir Eggert Jóhannesson.
Tillaga Samtaka iðnaðarins að nýju fyrirkomulagi á upp-
töku gæðastjórnunar innan fyrirtækja.