Fréttablaðið - 03.05.2006, Blaðsíða 90
34 3. maí 2006 MIÐVIKUDAGUR
sport@frettabladid.is
HVAÐ? HVENÆR? HVAR?
MAÍ
30 1 2 3 4 5 6
Miðvikudagur
■ ■ LEIKIR
19.30 Fram og Fylkir mætast
í deildarbikar karla í handbolta í
Framhúsinu.
19.30 Haukar og Valur mætast
í deildarbikar karla í handbolta á
Ásvöllum.
20.00 FH og Keflavík mætast í
úrslitaleik deildabikars karla í knatt-
spyrnu á Stjörnuvelli í Garðabæ.
■ ■ SJÓNVARP
18.40 Enska knattspyrnan á
Enska boltanum. Bein útsending frá
leik Manchester City og Arsenal.
Sunderland-Fulham sýndur á hliðarrás.
18.40 Spænski boltinn á Sýn.
Bein útsending frá leik Celta Vigo og
Barcelona.
FÓTBOLTI Staða Eiðs Smára Guð-
johnsen hjá Englandsmeisturum
Chelsea var helsta umræðuefnið á
fundi Arnórs Guðjohnsen, föður og
umboðsmanns Eiðs Smára, og
Peter Kenyon, stjórnarformanni
Chelsea, sem fram fór í London í
gær. Að sögn Eggerts Skúlasonar,
fjölmiðlafulltrúa þeirra feðga hér
á landi, var fundurinn mjög góður
þó svo að engin niðurstaða hefði
fengist um hvort framtíð Eiðs lægi
hjá Chelsea eða annars staðar.
Hvorki Eiður né knattspyrnu-
stjórinn Jose Mourinho voru við-
staddir fundinn þar sem þeir voru í
miðjum undirbúningi fyrir leikinn
gegn Blackburn sem fram fór í
gærkvöldi.
„Það eina sem var ákveðið var
að halda áfram að ræða saman á
næstu vikum. Það er fjarri því að
Eiður sé eini leikmaðurinn hjá lið-
inu sem er að kanna og meta sína
stöðu og það er því mikið um funda-
höld hjá þessum mönnum,“ sagði
Eggert en staðfesti að á fundinum
hefði verið blásið á allar sögusagn-
ir þess efnis að Eiði og
Mourinho hefði lent
saman.
Eiður á enn tvö ár eftir
af samningi sínum við
Englandsmeistarana og
segir Eggert að það geti
vel farið svo að hann klári
þann samning. „Það getur
verið að hann verði lykil-
maður hjá Chelsea á næsta
tímabili og það getur líka verið að
hann fari frá liðinu.“
Spurður um hvort einhver
önnur félög hafi spurst fyrir um
Eið sagði Eggert: „Það hefur verið
þannig síðan Eiður var hjá Bolton
en það er ekkert öruggt eða ákveð-
ið í þeim efnum.“
Eiður hefur verið orðaður við
ýmis lið í ensk-
um fjölmiðlum
á undanförnum
dögum og í gær
sagði blaðið Ind-
ependent frá
því að Eiður
væri einn af
þremur leik-
mönnum sem
væru líklega á
förum frá Chelsea í sumar. Er hann
sagður undir smásjánni hjá Totten-
ham og að svo gæti farið að Chel-
sea myndi bjóða Eið sem hluta af
kaupverðinu á sóknarmanninum
Jermain Defoe. Þá eru Manchester
United og Arsenal einnig sögð vera
með Íslendinginn undir smásjánni.
Stuðningsmenn Chelsea tjá sig
mikið um hugsanlega för
Eiðs frá félaginu á opin-
berri heimasíðu sinni og
sést ljóslega að flestir
stuðningsmannanna vilja
með engu móti að hann
verði seldur. „Einn af
okkar hæfileikaríkustu
leikmönnum“ og „leik-
maður sem á sér engan
líkan í Evrópu. Það yrði
ómögulegt að leysa hann af,“ eru
dæmi um þau ummæli sem sögð
eru um Eið á spjallinu.
vignir@frettabladid.is
Arnór og Kenyon ræddu
um stöðu Eiðs Smára
Arnór Guðjohnsen, faðir og umboðsmaður Eiðs Smára Guðjohnsen, átti fund
með Peter Kenyon, stjórnarformanni Chelsea, í gærmorgun þar sem staða Eiðs
hjá félaginu var rædd. Góður fundur, segir talsmaður Eiðs Smára á Íslandi.
PETER KENYONARNÓR GUÐJOHNSEN
EIÐUR SMÁRI GUÐJOHNSEN
Gæti verið á leið frá Chelsea
í sumar.
NORDICPHOTOS/GETTY IMAGES
„Miðað við hvernig komið hefur verið
fram við leikmenn í vetur, fyrrum þjálf-
ara Alfreð og núverandi þjálfara hef ég
engan áhuga á því að vera hér áfram,“
sagði Sigfús við Fréttablaðið í gær. Sig-
fús hefur ekki verið í náðinni undanfarið
og er orðinn langþreyttur á stöðu sinni
og hugsar sér því til hreyfings.
Sigfús hefur verið í viðræðum við
danska félagið Tvis/Holstebro en nú
er ljóst að hann er ekki á leiðinni til
Danmerkur. „Ég kann ekki við það
þegar klúbbar gera mér tilboð í gegnum
tölvupóst, breyta þeim síðan og ljúga
að mér hvað varðar skatta og fleira. Ef
menn reyna þetta einu sinni þá reyna
þeir þetta aftur. Ég afþakkaði því tilboð
Holstebro,“ sagði Sigfús sem leist þó
ágætlega á aðstæður hjá félaginu.
„Það eina sem
ég fór fram á var
að ég fengi það sem
þeir buðu mér fyrst. Hefðu
þeir staðið við það og verið með
öll önnur mál á hreinu, þá hefði
ég samið við liðið. Þeir buðu mér
ákveðna upphæð, bíl og íbúð, en
síðan breyttu þeir tilboðinu til muna.
Þá höfðu þeir til dæmis lækkað heild-
arlaunin um fimmtíu prósent,“ sagði
Sigfús sem afþakkaði tilboðið pent.
„Eftir allt þetta fúsk sagði ég
hingað og ekki lengra.
Ég hef ekki áhuga á
því að láta einhvern
forráðamann fífla
mig, og reyna svo
að koma sér út úr
þessu. Það kemur ekki til greina,“ sagði
Sigfús sem er orðinn mjög eftirsóttur.
Sex lið í þýsku úrvalsdeildinni
hafa verið í sambandi við kapp-
ann, auk fjögurra liða á Spáni.
Hann á fund með forráða-
mönnum Nordhorn síðar í
vikunni og viðurkennir að
peningar muni hafa áhrif á
það hvaða lið hann velur.
„Ég ætla að reyna að fá
sem mestan pening þar
sem það fer að styttast
í annan endann á ferl-
inum hjá mér,“ sagði
Sigfús Sigurðsson.
LÍNUMAÐURINN ÓGNARSTERKI SIGFÚS SIGURÐSSON: ER Á FÖRUM FRÁ ÞÝSKA LIÐINU MAGDEBURG
Ætla að reyna að fá sem mestan pening
KÖRFUBOLTI Fyrrverandi samherj-
arnir og erkifjendurnir, Kobe Bry-
ant og Shaquille O´Neal, fjölguðu
mannkyninu nánast á sama tíma í
fyrrinótt en þá eignuðust þeir
báðir dóttur. Að–eins sex mínútum
munaði á fæðingunum tveim en
þetta var sjötta barn Shaq en
annað barn Kobe. Eins og frægt er
orðið töluðust þeir kumpánar ekki
við í langan tíma en ákváðu að
slíðra sverðin fyrr í vetur.
Nokkrum klukkustundum fyrir
fæðinguna hafði Kobe tryggt LA
Lakers ótrúlegan sigur á Phoenix í
fjórða leik liðanna í úrslitakeppni
NBA með stórkostlegri flautu-
körfu í framlengingu. „Þetta var
stórkostlegur endir á ótrúlegum
degi í lífi mínu,“ sagði Kobe. - vig
Shaq og Kobe:
Eignuðust dæt-
ur á sama tíma
KOBE OG SHAQ Ná ekki vel saman en eru
þó samstiga í barneignum.
NORDICPHOTOS/GETTY IMAGES
HANDBOLTI Deildarbikar karla í
handbolta hefst í kvöld með tveim-
ur leikjum en rétt eins og í kvenn-
aflokki eru það þau fjögur lið sem
höfnuðu í efstu sætum DHL-deild-
arinnar sem taka þátt í keppninni.
Íslandsmeistarar Fram taka á
móti Fylki í Safamýrinni, en Fyl-
kir hafnaði í 4. sæti deildarinnar.
Þá taka Haukar á móti Valsmönn-
um á Ásvöllum. Það lið sem er fyrr
til að vinna tvo leiki í einvígjunum
vinnur sér rétt til að spila í úrslit-
um deildarbikarsins.
Guðmundur Guðmundsson,
þjálfari Fram, sagði við Frétta-
blaðið í gær að hans menn væru
ekki orðnir saddir þrátt fyrir að
hafa tryggt sér Íslandsmeistara-
titilinn um síðustu helgi. „Við
mætum í þessa leiki af fullum
krafti og stefnum á sigur,“ sagði
Guðmundur. - vig
Deildarbikar karla:
Erum ekki
orðnir saddir
ÍSLANDSMEISTARAR FRAM Ætla sér sigur í
deildarbikarnum. FRÉTTABLAÐIÐ/ÓMAR
> Dani æfir með Fylki
Danski vinstri bakvörðurinn Rasmus
Olsen æfir þessa dagana með Fylki en
hann kom til liðsins á sunnudaginn.
Hann er samningslaus og því þyrfti
Fylkir ekki að borga liði hans, Thisted FC,
krónu fyrir þjónustu
hans. „Ég ætla að
líta á aðstæður og
sjá svo til. Ég er ekki
viss um hvort þetta
sé eitthvað fyrir
mig en það verður
bara að koma í ljós.
Ef ég fæ góðan
samning getur vel
verið að ég semji við liðið og komi svo
aftur eftir sumarið og spili með Thisted
í 1. deildinni,“ sagði hinn 24 ára gamli
Olsen við staðarblaðið í Thisten í gær.
Olsen spilaði æfingaleik með Fylki í gær
gegn Víði í Garði en hvort samið verður
við hann ætti að skýrast í vikunni.
Deildabikar kvenna:
ÍBV-VALUR 21-24
Mörk ÍBV: Renata Horvadt 5, Ingibjörg Jónsdóttir
4, Pavla Plaminkova 4, Simona Vintila 4.
Mörk Vals: Ágústa Edda Björnsdóttir 8, Alla Georg-
ijsdóttir 7, Sigurlaug Rúnarsdóttir 4.
Enska úrvalsdeildin:
BLACKBURN-CHELSEA 1-0
1-0 Steven Reid (43.).
Þýski handboltinn:
GÖPPINGEN-KRONAU/ÖST. 29-28
Jaliesky Garcia Padron skoraði tvö mörk fyrir
Göppingen.
LEIKIR GÆRDAGSINS
Hitað upp fyrir sumarið
Í kvöld klukkan 20 verður hitað rækilega
upp fyrir knattspyrnusumarið þegar
Íslandsmeistarar FH og Keflavík mætast í
úrslitaleik deildabikars KSÍ. Leikurinn fer
fram á Stjörnuvelli í Garðabæ og minnir
rækilega á að tæpar tvær vikur eru í að
Íslandsmótið hefjist.
FÓTBOLTI Blackburn tryggði sér 6.
sætið í ensku úrvalsdeildinni í gær
með fræknum sigri á Chelsea.
Eiður Smári Guðjohnsen spilaði
allan leikinn fyrir Englandsmeist-
arana.
Craig Bellamy fékk besta færi
Blackburn en skot hans fór í þver-
slána, David Bentley náði frákast-
inu en skallaði boltann fram hjá
markinu úr dauðafæri. Eiður Smári
fékk besta færi Chelsea þegar
hann skaut boltanum í stöng eftir
fyrirgjöf en inn vildi boltinn ekki.
Steven Reid skoraði eina mark
leiksins með skalla eftir auka-
spyrnu og allt ætlaði um koll að
keyra á Ewood Park, enda rík
ástæða til. Það er ekki alltaf sem
Chelsea er lagt af velli. - hþh
Enska úrvalsdeildin í gær:
Blackburn
lagði Chelsea
BARÁTTA Hún dugði Chelsea ekki til sigurs
gegn Blackburn. NORDICPHOTOS/GETTY IMAGES
HANDBOLTI Fyrri hálfleikur var
lengst af jafn og spennandi. Vals-
stúlkur byrjuðu betur og skoruðu
tvö fyrstu mörkin en ÍBV svaraði
strax og komst í 3-2. Jafnræði var
með liðunum þar til undir lok hálf-
leiksins þegar Eyjastúlkur áttu
góðan kafla, skoruðu fjögur mörk
í röð og lögðu grunninn að 13-10
forystu í hálfleik. Renata Horvadt
lék virkilega vel og skoraði fimm
mörk í fyrri hálfleiknum í jafn
mörgum skotum.
Íslandsmeistararnir í ÍBV
komu gríðarlega grimmar til leiks
í síðari hálfleik en Valsstúlkur
sváfu aftur á móti rækilega á
verðinum. Þær skoruðu fyrstu
þrjú mörkin og Valsstúlkur gátu
ekkert gert gegn leiftursóknum
ÍBV, með Florentinu Grecu í sér-
flokki í markinu.
Valsstúlkur skiptu síðan um
ham og áttu frábæran sprett sem
skilaði þeim í stöðuna 18-17. ÍBV
komst aftur þremur mörkum yfir
og var spennan mikil.
Frá því að vera 16-10 undir
náðu Valsstúlkur að jafna leikinn í
20-20, með mikilli baráttu í bland
við klaufaskap Eyjastúlkna sem
glutruðu forskoti sínu á ótrúlegan
hátt.
Berglind Íris Hansdóttir hrein-
lega lokaði Valsmarkinu á loka-
sprettinum og var, eins og svo oft
áður, vítamínssprautan sem
tryggði Valsstúlkum sigurinn en
lokatölur í Eyjum voru 24-21, Vals-
stúlkum í vil. Svo sannarlega
frækinn sigur hjá þeim á erfiðum
útivelli í Vestmannaeyjum.
Þær eru því komnar með for-
ystu í úrslitaeinvíginu um deilda-
bikar kvenna en næsti leikur lið-
anna fer fram annað kvöld í
Laugardalshöll klukkan 19.30.
Ljóst er að verkefni ÍBV verður
erfitt en sigur Valsstúlkna gefur
þeim góð fyrirheit fyrir næsta leik
á heimavelli sínum. Tvo sigurleiki
þarf til að tryggja sér deildabikar-
inn og því gæti bikar farið á loft í
Höllinni annað kvöld. - hþh
Valur bar sigurorð af ÍBV í fyrsta leiknum í úrslitum deildabikars kvenna í gær:
Ótrúlegur viðsnúningur Vals
ÁGÚSTA EDDA Átti frábæran leik fyrir Vals-
stúlkur í gærkvöldi og skoraði átta mörk.
Hún var einkum drjúg á lokasprettinum í
leiknum.FRÉTTABLAÐIÐ/PJETUR