Fréttablaðið - 03.05.2006, Blaðsíða 54

14
Á síðasta ári gerðust þau tíðindi að
Háskólinn í Reykjavík og Tæknihá-
skóli Íslands sameinuðu starfssemi
sína undir nafni fyrrnefnda skólans.
Bjarki A. Brynjarsson, átti þátt í
sameiningunni en hann hefur síðan
þá unnið ötull að uppbyggingu
tækni- og verkfræðideildar skólans
sem hann er nú forseti yfir. Í viðtali
við Iðnaðarblaðið segir Bjarki frá
því öfluga starfi sem fram fer innan
deildarinnar og hversu miklu máli
námið skiptir fyrir iðnaðinn.
„Við sameininguna rann tækni-
fræði, lífeinda- og geislafræði og
frumgreinasvið gamla Tæknihá-
skólans saman við tölvunarfræði
Háskólans í Reykjavík, svo að
úr varð ný tækni- og verkfræði-
fræðideild,“ segir Bjarki. „Á sama
tíma var hafin uppbygging fimm
nýrra greina í verkfræði, sem nú
eru kenndar við skólann. Það er að
segja fjármála-, rekstrar-, hugbún-
aðar-, heilbrigðis- og iðnaðarverk-
fræði.“
Starfsemi deildarinnar er sem
stendur í nokkrum húsum. „Í sumar
verður hagræðing á ríkjandi fyrir-
komulagi en þá munum við flytja
verk- og tölvunarfræðinám í Morg-
unblaðshúsið þegar blaðið flytur
starfsemi sína annað,“ segir Bjarki.
„Kennslustofur verða á fyrstu hæð,
starfsmenn á annari og svo verð-
ur hrint af stað frumkvöðla- og
nýsköpunarstarfsemi sem tengist
inn í deildina og höfð verður í turn-
inum ofan á fyrstu tveimur hæð-
unum. Þar erum við að byggja upp
rannsóknarstarf af fullum krafti og
erum að ráða til okkar úrvalsfólk
hvaðanæva að úr heiminum, enda
fylgjumst við vel með því sem er að
gerast erlendis,“ segir hann.
Bjarki segir að ímynd skólans
hafi til þessa verið sterklega tengd
viðskiptagreinum, en telur framan-
greint sýna að skólinn sæki nú mikið
fram í tækni- og verkfræðigreinum.
„Ásóknin í námið hefur verið góð
og höfum við þar af leiðandi náð
settum markmiðum, en alls stunda
1.100 nemendur nám við deildina,“
segir hann. „Er hún þar með orðin
að stærstu deild innan Háskólans í
Reykjavík.“
„Við viljum þó hvetja ungt fólk
til þess að vera enn duglegra að
sækja þessar greinar. Fjöldi nem-
enda á háskólastigi í landinu hefur
aukist hratt, en aukningin hefur
ekki verið alveg sú sama í tækni- og
verkfræðigreinum. Skortur á fag-
menntuðu fólki á þessu sviði hefur
auðvitað þau áhrif að nýsköpun er
ekki nógu mikil í samfélaginu en
þessar greinar eru forsenda henn-
ar. Samanborið við nágrannalönd
okkar, er hlutfall nema í tækni- og
verkfræðinámi lágt.“
„Það er skortur á fólki í fram-
haldsskólum sem tekur stærðfræði
og raungreinar sem undirstöðu,
sem er aftur forsenda þess að geta
stundað þetta nám. Ég sakna þess
líka að sjá ekki fleiri konur í nám-
inu.“ Bjarki telur félagslegar ástæð-
ur liggja þar að baki, en segir að
konur sem þegar stundi nám í þess-
um greinum standi sig aftur á móti
vel. „Nemendurnir sem sköruðu til
dæmis fram úr í verkfræðináminu
núna síðast og hlutu verðlaun eru
úr hópi kvenna,“ segir hann.
Bjarki álítur að fólk geri sér
almennt heldur ekki grein fyrir
því hversu vel launuð störf eru í
tækni- og verkfræðigeiranum. Þar
sem mikil eftirspurn er eftir fólki
með menntun á þessu sviði, séu
margir komnir með vinnu áður en
námi lýkur. Þetta sé traust undir-
stöðumenntun fyrir ungt fólk. Við
það má bæta að í bígerð er atvinnu-
þjónusta fyrir nemendur á leið út
á atvinnumarkaðinn. Bjarki segir
að það sé mikill áhugi á að fylgja
nemendum eftir. Útskrifaðir nem-
endur geti alltaf leitað til skólans,
svipað og þegar einstaklingar leita
til síns banka. Nemendur slíti því
ekki alveg tengslin við útskrift og
geti líka alltaf bætt við sig þekk-
ingu með símenntun.
Að lokum bendir Bjarki á að
búið sé að þróa gott þriggja ára
langt iðnaðarnám sniðið að þörfum
útivinnandi fólks, en Samtök iðn-
aðarins áttu stóran þátt í að koma
því af stað. „Þetta er tækninám sem
brúar bil á milli iðnaðarmanna og
verkfræðinga og veitir aukinn styrk
ofan á þá menntun sem þeir hafa
þegar. Þeir fá meistararéttindi sem
þegar hafa lokið sveinsprófi. Þetta
er spennandi nýjung fyrir þenn-
an markhóp sem hefur tekið vel
við sér því nú eru um 200 hundr-
uð iðnaðarmenn sem stunda fjar-
nám ásamt vinnu sinni. Þeir mæta
tvisvar sinnum á önn í stöðuúttekt,
en vinna annars allt í fjarnámi á
netinu. Segja mætti að með þessu
móti hafi nýjum krafti verið hleypt
í námið enda opnar þetta ótal aðra
möguleika fyrir iðnaðarmenn. Þetta
hentar iðnaðarmönnum vel sem
hafa ekki komist frá vegna eftir-
spurnar á vinnumarkaði,“ segir
Bjarki.
Traust menntun
fyrir ungt fólk
Bjarki A. Brynjarsson, forseti tækni- og verkfræðideildar
HR segir mikla eftirspurn eftir fólki sem menntað hefur
sig í tækni og verkfræði. Margir séu komnir með vinnu
áður en námi lýkur.
Bjarki A. Brynjarsson segir að Háskólinn í Reykjavík sæki nú mikið fram í tækni- og verkfræðigreinum. Hér sést hann við störf með nem-
endum sínum. FRETTABLADID/ANTON
■■■■ { iðnaðarblaðið } ■■■■■■■■■■■■■■■■■■■■■■■■■■■■■■■■■■■■■■■■■■■■■■■
nám
fjölbreytt
við allra hæfi
I ‹ N S K Ó L I N N Í R E Y K J A V Í K
Almennar bóklegar greinar eru hluti af námi á öllum
brautum skólans. Allt almenna námið er matshæft
á milli skóla eftir því sem við á. Einnig er hægt að
stunda nám í almennum greinum í eina til fjórar
annir. Stúdentspróf af list- og starfsnámsbraut.
Á rafiðnasviði eru eftirtaldar brautir:
Grunnnám rafiðna • Rafvirkjun • Rafeinda-
virkjun • Rafvélavirkjun • Rafveituvirkjun
Símsmíði. Stúdentspróf af list- og starfsnámsbraut.
Á byggingasviði eru fimm iðnbrautir í framhaldi
af grunnnámi bygginga- og mannvirkjagreina:
Húsasmíði • Húsgagnasmíði • Múrsmíði
• Málun • Veggfóðrun og dúklagningar.
Stúdentspróf af list- og starfsnámsbraut.
Á tölvusviði er ein braut: Tölvubraut sem býður
upp á sérhæfingu í forritun og netkerfum.
Stúdentspróf af list- og starfsnámsbraut.
Meistaraskólinn er sérstakur skóli fyrir þá sem lokið
hafa sveinsprófi í sínum iðngreinum og vilja afla sér
kunnáttu til að reka eigin fyrirtæki og réttinda
til að taka nema.
Í kvöldskólanum er boðið upp á margvíslegt nám,
bæði fagnám og almennt nám.
Á sérdeildarsviði eru tvær brautir:
Starfsdeild • Nýbúabraut. Auk þess er
endurhæfingarnám Janusar (rekið í tengslum
við skólann). Stúdentspróf af list- og
starfsnámsbraut.
Á hönnunarsviði eru fjórar brautir: Listnámsbraut
(almenn hönnun og keramik) • Hársnyrting
• Fataiðnabraut (klæðskurður og kjólasaumur)
• Gull- og silfursmíði. Stúdentspróf af list- og
starfsnámsbraut.
Á upplýsinga- og margmiðlunarsviði eru
þrjár brautir: Upplýsinga- og fjölmiðlabraut
• Tækniteiknun • Margmiðlunarskólinn.
Stúdentspróf af list- og starfsnámsbraut.
Fjarnám er áhugaverður kostur fyrir þá sem ekki geta
nýtt sér staðbundið nám, t.d. vegna vinnu eða
búsetu. Í fjarnáminu er boðið upp á fjölbreytt
námsúrval í bóklegum og fagbóklegum
greinum ásamt ýmsum greinum meistaranámsins.
fjarnám
Skólavörðuholti I 101 Reykjavík
Sími 522 6500 I Fax 522 6501
www.ir.is I ir@ir.is
alm
ennt svið
h
önnunars
vi
ð
rafiðnasv
ið
fjarnám
sérdeild
a
sv
ið
by
ggingasvið
tö
lvusvið
kv
öldskóli
up
p
lý
si
n
ga
- o
g
m
a
rg
m
ið
lun
arsvið
m
eistaraná
m
3. og 4. maí, kl. 12–16:
Innritun fyrir alla aðra en þá sem
ljúka grunnskólaprófi í vor.
12. maí: Innritun hefst í fjarnám og í
kvöldskólann á vef skólans www.ir.is
Einnig verður innritað í kvöldskólann í ágúst.
Allar nánari upplýsingar á www.ir.is og
á skrifstofu skólans, síma 522 6500