Fréttablaðið - 03.05.2006, Blaðsíða 24

[ ]
Listakonan Inga Ragnarsdóttir
er að ljúka námi við leiðsögu-
mannaskólann og er nýkomin úr
fjórðu ferð sinni til Kína, þeirri
þriðju sem fararstjóri.
„Kínaferðirnar eru fyrst og fremst
menningarferðir,“ segir Inga sem
starfar á vegum utanlandsdeildar
Ferðaþjónustu bænda. „Við kynn-
umst landinu og þjóðinni og
upplifum kínversku hámenninguna
sem er einstök því hún hefur lifað af
umrót aldanna.“ Inga kveðst hafa
fengið pólitískan áhuga á Kína í
menntaskóla og athyglin hafi beinst
aftur að landinu þegar hún fór að
læra keramik. „Kína er vagga ker-
amiksins. Kínverjar voru mörgum
öldum á undan Evrópubúum í leir-
vinnslu,“ upplýsir hún og segir það
að skoða leirherinn í Xi‘an einn af
hápunktum Kínaferðanna. „Leirher-
inn er frá því 220 árum fyrir Krist
en fannst ekki fyrr en 1974 og er
meðal merkustu fornleifafunda í
heiminum.“
Inga hefur búið í Þýskalandi frá
því hún lauk námi við listaakademí-
una í München 1987 og á þar mann
og börn. Hún hefur alltaf komið
heim á sumrin og reyndar oft á vet-
urna líka til að sinna ýmsum verk-
efnum og kenna við Myndlista- og
handíðaskólann. En hvað kom til að
hún dreif sig í leiðsögumannaskól-
ann?
„Það er nokkur aðdragandi að
því. Ég hef haft gaman af ferðalög-
um frá því ég var lítil og var að ferð-
ast með foreldrum mínum. Síðar fór
ég sjálf að kynnast öðrum löndum
og læra tungumál. Ég hef líka kennt
og það starf er svolítið skylt leið-
sögumennsku. Á sumrin fékk ég
fólk hingað í heimsókn bæði frá
Noregi og Þýskalandi og sýndi því
landið mitt og í framhaldi af því
fékk ég tækifæri til að fara með
þýska ferðamenn um landið. Þannig
þróaðist þetta. Mig langaði alltaf í
leiðsöguskólann en hafði ekki tæki-
færi til þess fyrr en í haust að ég lét
verða af því.“
Inga segir mikið að læra í skólan-
um enda verði leiðsögumenn að vita
nánast allt! Námið skiptist í almenna
leiðsögn, gönguleiðsögn og afþrey-
ingarleiðsögn og hún valdi göngu-
leiðsögn. „Þetta er búið að vera
mikið ævintýri. Við erum búin að
taka kúrsa í jöklaferðum og vetrar-
ferðum, læra að velja vöð og spá í
veðrið ásamt mörgu öðru,“ segir
Inga og bætir við að lokum: „Ferða-
mennskan verður að vera virkilegt
áhugamál hjá fólki til að leiðsögu-
mannsnám og starf nái til þess, því
það er krefjandi. Leiðsögumaður
þarf að vera mikið að heiman, hafa
gaman af því að umgangast fólk og
helst að geta leyst úr öllum vanda.“
gun@frettabladid.is
Með óbilandi áhuga á ferðum
Inga í Kína með hópi Íslendinga og kín-
verskum fararstjóra í apríl 2006.
Leirherinn er frá því 220 fyrir Krist. Her-
mennirnir eru um 6000 og hver og einn
með sitt svipmót.
Á siglingu um Yanzefljótið.
Inga kveðst hafa gaman af því að ganga og hlakkar til að gera meira af því. FRÉTTABLAÐIÐ/E.ÓL.
Oddný Sturludóttir er nýkomin
frá New York og er að skipu-
leggja ferð til Frakklands næsta
sumar.
„Ég er nýkomin heim úr ákaflega
mikilli draumaferð,“ segir Oddný
en hún var í New York í eina viku
um páskana. Snorri Sturluson, bróð-
ir Oddnýjar, hefur búið í New York
í nokkur ár og hana hefur lengi
langað í heimsókn til hans. „Ég
hefði nú sennilega farið þó að hann
hefði ekki verið þar því New York
er ein af þessum borgum sem allir
verða að heimsækja einhvern tím-
ann,“ segir hún.
Oddný segist ekki hafa orðið
fyrir vonbrigðum með New York.
„Ég komst að því mér til mikillar
skemmtunar að það sem gerir borg
að borg er ekkert endilega háu
húsin og stóru göturnar heldur fólk-
ið og það var það sem ég var lang-
hrifnust af.“
Í sumar ætlar Oddný síðan að
fara í ferðalag til Frakklands. „Í
Frakklandi ætla ég að vera við
ströndina með alla fjölskylduna og
barnsfaðir minn og fjölskylda hans
sem býr í Þýskalandi ætlar að vera
þar með okkur.“
Oddný hefur oft farið til Frakk-
lands og mikið verið í París. „Ég fór
til dæmis í útskriftarferð til Parísar
og þá hittum við Gérard Lemarquis,
frönskukennara í MH, sem lóðsaði
okkur um alla borgina og sýndi
okkur staði sem finnast ekki í túr-
istabókum og það var einn
alskemmtilegasti skoðunartúr sem
ég hef á ævi minni farið í,“ segir
hún.
Oddný segir að henni finnist
París ofsalega falleg borg en hún
viðurkennir þó að hún sé hrifnari af
New York. „París er svolítið eins og
gömul frænka á meðan New York
er eins og skemmtileg vinkona.“
Fólkið er það sem
gerir borg að borg
Oddný Sturludóttir hreifst mjög af New
York þegar hún var þar á dögunum.
FRÉTTABLAÐIÐ/HARI
Hvert ertu að fara?
1 dálkur 9.9.2005 15:21 Page 8
KAUPMANNAHÖFN – LA VILLA
Heimagisting á besta stað í bænum.
Býður alla Íslendinga velkomna.
Geymið auglýsinguna.
www.lavilla.dk. S.0045 3297 5530. GSM. 0045 2848 8905
550 5000
AUGLÝSINGASÍMI
Búðu til tékklista áður en þú heldur af stað í ferðalag. Með þeim
hætti gleymirðu engu sem máli skiptir.
25.-28.5. Öræfajökull og Skaftafell
Brottför kl. 08:30. Bókun stendur yfir. Gengið á Öræfajökul og hæsti tindur landsins
sigraður ef veður og aðstæður leyfa. Skemmtileg og ögrandi jökulganga
í stórbrotnu landslagi. Nágrenni Skaftafells kannað en þar eru margir
þekktir staðir sem gaman er að skoða.