Fréttablaðið - 03.05.2006, Blaðsíða 46

6
Stefán Pétur Sólveigarson er nýút-
skrifaður í þrívíðri hönnun af hönn-
unar- og arkitektúrdeild Listahá-
skóla Íslands, en lokaverkefni hans
er útivistartjald sem er sérstætt fyrir
þær sakir að það er án allra fylgi-
hluta og því fislétt.
Stefán segir hugmyndina að
tjaldinu hafa sprottið upp úr leikjum
með hringi, en sé hringjum snúið
nógu hratt myndi þeir svokallaðan
sameindarhring. Þannig hafi þetta
byrjað og sé í raun eðlilegt fram-
hald af áhuga hans á því að skapa
furðulega hluti, en námið hafi gefið
honum gott frelsi til þess.
„Með tjaldinu vildi ég skapa eitt-
hvað nytsamlegt, eitthvað sem jafn-
vel mætti framleiða ef út í það væri
farið,“ segir Stefán. „Ég ákvað því
að gera rannsókn á einföldum tjöld-
um, áþekkum tjaldinu mínu, að því
leytinu til að þau rétta sjálf úr sér.
Athugun mín leiddi í ljós að öllum
tjöldum sem ég skoðaði fylgdu
aukahlutir í einhverri mynd, svo
sem poki utan um tjaldið eða dúkur
til að verja það fyrir rigningu. Ég
ákvað því að hanna tjald sem væri
laust við allan fylgibúnað.“
Nú mætti ætla að tjald af þessu
tagi myndi ekki henta vel í íslenskri
veðráttu þar sem rok og rigning
ræður gjarnan ríkjum, en Stefán
segir lögun tjaldsins koma í veg
fyrir að það fjúki þar sem það er
lægra að aftan en framan og brjóti
því vindinn mjög vel, auk þess sem
það er fest niður með stögum. Samt
sem áður sé alltaf erfitt að tjalda í
roki og þar sé tjaldið engin undan-
tekning.
Tjaldið er tilvalið fyrir einstakl-
inga og pör, en ekki er mikið pláss
fyrir bakpoka innan í því enda
segir Stefán að það sé ekki hugsað
fyrir bakpokaferðalög. Þar er þó
ekki öll sagan sögð því tjaldið er
líka gætt þeirri nýjung að saman-
brotið má nota það sem eins konar
regnjakka eða herðaslá, þannig að
það býr yfir margs konar nota-
gildi. Því er bara að bíða og sjá
hvort tjald án fylgihluta verði
nýjasta æðið sem grípur um sig á
meðal Íslendinga.
Tjald án fylgihluta
Stefán Pétur Sólveigarson hefur fundið upp sniðuga lausn fyrir þá sem vilja ferðast án mikils búnaðar.
Tjaldið er fislétt eins og hér sést þar sem
hönnuðurinn Stefán Pétur Sólveigarsson
tjaldar með einföldum handtökum.
FRÉTTABLAÐIÐ/STEFÁN
Tjaldið má líka nota sem hálfgerðan
regnjakka. Rétt er að taka fram að tjaldið
á myndunum er þó frumgerð og því ekki
fullþróað. FRÉTTABLAÐIÐ/STEFÁN
Bjarkey Björnsdóttir er ein þeirra
nema sem útskrifast nú úr Iðnskól-
anum í Hafnarfirði en hún er fyrsti
kvennemandinn sem lýkur þar námi
í rennismíði af málmiðnadeild. Því
mætti segja að þar með sé ákveðið
blað brotið í sögu skólans. En hvað
réði því að Bjarkey valdi sér náms-
grein sem hingað til hefur verið
þéttsetin af karlmönnum?
„Ætli það hafi ekki verið forvitni
sem rak mig áfram inn á þessa braut
til að byrja með“, svarar Bjarkey.
„Eins og svo margir aðrir hafði ég
ekki hugmynd um út á hvað námið
gekk. Ég hafði reyndar áhuga á að
vinna með málma og ákvað því að
fara í grunndeild málma. Í framhaldi
af því ákvað ég að prófa rennibekk
og uppgötvaði strax hversu vel
hann átti við mig.“
„Námið reyndist síðan vera marg-
þætt og skemmtilegt, þar sem
við lærum sitt lítið af hverju. Við
lærum t.a.m. um rafmagn og vélar
og hvernig nota á rennibekk ásamt
bóklegu námi. Námstíminn skiptist
í tvö ár í grunndeild, eitt ár í sér-
deild, samning hjá meistara og loks
sveinspróf. Ekki er krafist að nem-
endur skili sérstöku lokaverkefni
heldur er horft til frammistöðu í
námi.“
Aðspurð segir Bjarkey að renni-
smíði opni nemendum margar
dyr bæði að öðru námi sem og
atvinnulífinu. Sjálf er hún komin
með vinnu á renniverkstæðinu hjá
Marel og getur þess að kennarar
deildarinnar séu iðnir við að fylgja
nemendum úr garði. „Þeir hafa lagt
sig fram við að hjálpa nemendum
að finna atvinnu við sitt hæfi og
bent fyrirtækjum sem til þeirra
hafa leitað á duglega nemendur.“
Hún hvetur því fólk á öllum aldri
að kynna sér námið, bæði karla og
konur.
Kona í karlaveldi
Enn eitt karlavígið fellur. Fyrsti kvennemandinn útskrif-
ast í rennismíði frá Iðnskólanum í Hafnarfirði.
Bjarkey Björnsdóttir uppgötvaði að hún hafði áhuga fyrir rennismíði þegar hún hóf nám í
málmiðnum við Iðnskólann í Reykjavík. Hér sést hún að störfum við rennibekkinn.
FRÉTTABLAÐIÐ/VALLI
Lögun tjaldsins verður til þess að það
brýtur betur af sér vind. FRÉTTABLAÐIÐ/STEFÁN
■■■■ { iðnaðarblaðið } ■■■■■■■■■■■■■■■■■■■■■■■■■■■■■■■■■■■■■■■■■■■■■■■