Fréttablaðið - 13.09.2006, Síða 4

4 13. september 2006 MIÐVIKUDAGUR
EFNAHAGSMÁL Ólafur Darri Andra-
son, hagfræðingur Alþýðusam-
bands Íslands, segir verðbólgutöl-
urnar, sem Hagstofa Íslands birti í
gær, jákvæð teikn um að verið sé
að draga úr verðbólgu. Hann vill
þó ekki meina að verðbólguskot sé
liðið hjá því ekki sé rétt að tala um
verðbólguskot í þessu samhengi.
„Við höfum búið við langvar-
andi, mikla verðbólgu, sem er
langt yfir verðbólgumarkmiðum
Seðlabankans og staðið hefur yfir
í um tvö ár. Mælingin nú er jákvæð
teikn þrátt fyrir að verðbólgan sé
enn algjörlega óviðunandi,“ segir
hann.
Hann segir að verðbólgutölurn-
ar séu vísbending um að samning-
ar aðila vinnumarkaðarins hafi
haft þau áhrif á verðbólguna sem
vonast var eftir, þótt ekkert sé
hægt að fullyrða um það enn.
„Auk þess hefur hægst um á
fasteignamarkaði eins og búist
var við og olíuverð hefur lækkað,
en það hefur dregið úr undirliggj-
andi verðbólguþrýstingi,“ segir
Ólafur Darri. - sda
GENGIÐ 12.9.2006
GJALDMIÐLAR KAUP SALA
HEIMILD: Seðlabanki Íslands
124,5541
GENGISVÍSITALA KRÓNUNNAR
70,99 71,33
133,05 133,69
90,2 90,7
12,091 12,161
10,882 10,946
9,755 9,813
0,6034 0,607
104,93 105,55
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
���������������������������������������������������������������������� ������������
�������������
������������
������������������
�����������������������������������������������������������������
������
�������
�����
��
������
�
������
���
VIÐSKIPTI Matsfyrirtækið Moody´s
hefur staðfest A1/P-1 lánshæfis-
mat Kaupþings banka en lækkað
BSFR einkunn bankans.
BSFR er einkunn fyrir
fjárhagslegan styrk og fer hún úr
C+ í C. Þar með lýkur endurskoð-
un á lánshæfismati bankans frá
því í apríl. Horfur eru sagðar
stöðugar á öllum lánshæfisein-
kunnum bankans.
Moody´s segir að einkunnirnar
endurspegli góða arðsemi
bankans, góða afkomu í grunnein-
ingum og mikil gæði útlánasafns.
Þó er tilgreind töluverð áhætta
vegna stöðutöku og hve bankinn
er háður heildsölufjármögnun. -óká
Endurskoðun lánshæfis lokið:
Einkunn KB
banka staðfest
FJÁRMÁL Skúli Eggert Þórðarson
skattrannsóknarstjóri hefur verið
skipaður ríkis-
skattstjóri. Hann
tekur við störfum
1. janúar næst-
komandi. Núver-
andi ríkisskatt-
stjóri, Indriði H.
Þorláksson, lætur
af embætti þann 1.
október næstkom-
andi. Ingvar
Rögnvaldsson
vararíkisskattstjóri gegnir
embætti ríkisskattstjóra í
millitíðinni.
Skúli er fæddur árið 1953 og er
lögfræðingur að mennt. Áður
hefur hann meðal annars verið
forstöðumaður tekjuskattsdeildar
ríkisskattstjóraembættisins og
vararíkisskattstjóri. - sþs
Breytingar í ríkiskattstjórn:
Skúli Þórðarson
ríkisskattstjóri
SKÚLI EGGER
ÞÓRÐARSON.
DÓMSMÁL „Hann horfði til mín
skömmu áður en hann fékk þungt
högg í andlitið, og í kjölfarið hneig
hann niður og komst ekki aftur til
meðvitundar,“ sagði kona Ragnars
Björnssonar grátandi er hún bar
vitni í héraðsdómi. Aðalmeðferð í
máli ákæruvaldsins gegn manni á
þrítugsaldri, Lofti Jens Magnús-
syni, hófst í Héraðsdómi Reykja-
víkur í gær.
Loftur er ákærður fyrir að hafa
veitt Ragnari, sem var á sextugs-
aldri er hann lést, þungt hnefahögg
á veitingahúsinu Ásláki í Mosfells-
bæ aðfaranótt 12. desember fyrir
tæpum tveimur árum. Við höggið
kom brot í hálshryggjarlið og slag-
æð við hálshrygg rofnaði. Olli
áverkinn mikilli blæðingu inn í höf-
uðkúpu sem leiddi til þess að Ragn-
ar lést innan skamms tíma, vegna
blæðingar á milli heila og innri
heilahimnu.
Kona Ragnars sagðist hafa boðið
manni sínum upp í dans skömmu
áður en Loftur lamdi hann neðar-
lega í kjálkann vinstra megin með
hnefanum. Ragnar bar því við að
hann væri „of þreyttur til þess að
dansa“ og ákváðu þau þá að tygja
sig heim á leið. Kona Ragnars fór að
ná í veski sitt og er þá litið til manns
síns, sem staddur var í anddyri
staðarins, og horfðust þau í augu
þegar Loftur veitti Ragnari bana-
höggið.
Loftur bar við minnisleysi frá
atburðinum en hann var samkvæmt
framburði vitna „verulega ölvaður“
þetta kvöld.
Við aðalmeðferð kom fram að
Loftur hefði fyrr um kvöldið verið
með samkvæmi heima hjá sér þar
sem vinir hans og sambýliskona
hefðu verið að skemmta sér. Voru
margir gestanna uppáklæddir í
búninga en flestir þeirra voru
komnir á veitingastaðinn þar sem
atvikið átti sér stað um miðnætti.
Loftur, sem klæddur var í jóla-
sveinabúning umrætt kvöld, hljóp
út af af staðnum eftir að hafa veitt
Ragnari hnefahöggið sem dró hann
til dauða en kom svo skömmu síðar
inn á staðinn aftur. Karlmaður sem
bar vitni fyrir dómi, og beið utan
við veitingastaðinn í bíl sínum er
árásin átti sér stað, sá þegar „maður
í jólasveinabúningi“ kom með látum
út af staðnum skömmu eftir bana-
höggið.
Sá vitnið einnig þegar sambýlis-
kona Lofts, sem klædd var í engla-
búning, kom með honum út af staðn-
um og spurði „af hverju varstu að
þessu?“ Svaraði Loftur því til að
hann hefði „skallað sig“, eins og
vitnið sagðist orðrétt hafa heyrt
Loft segja fyrir utan veitingastað-
inn.
Miðað við framburð þeirra vitna
sem komu fyrir dóminn vitnaði
Loftur til þess þegar sonur Ragn-
ars réðst að honum og skallaði
hann eftir að hafa spurt hann í
bræði: „Hvað hefurðu gert?“, þar
sem Ragnar lá meðvitundarlaus á
gólfi veitingahússins. Þetta játaði
sonur Ragnars er hann bar vitni
fyrir dómi í gær. Aðalmeðferð
verður framhaldið í dag.
magnush@frettabladid.is
Leit til konu sinnar
er hann hneig niður
Kona Ragnars Björnssonar, sem lést eftir að hafa verið veitt þungt hnefahögg
aðfaranótt 12. desember 2004, sagði mann sinn hafa litið til sín er hann hneig
niður. Ákærði ber við minnisleysi. Mikil tilfinningastund var í dómssal í gær.
VEITINGASTAÐURINN ÁSLÁKUR Líkams-
árásin átti sér stað um þrjú að nóttu til.
ÁKÆRÐI MEÐ VERJANDA SÍNUM Loftur Jens Magnússon, sem ákærður er í málinu,
sést hér hylma andlit sitt með málsgögnum í dómssal í gær. Við hlið hans er verjandi
hans, Björn Ólafur Hallgrímsson. FRÉTTABLAÐIÐ/GVA
Ferjur rákust á
Tvær ferjur skullu saman í mikilli
þoku á mánudag í Helsingjaeyri í
Danmörku. Fjórir slösuðust en enginn
alvarlega þegar Mercandia 4 sigldi
á Pernille. Ferjurnar, sem notaðar
eru í siglingar milli Helsingjaeyri og
Helsingjaborgar í Svíþjóð, skemmdust
töluvert í árekstrinum.
DANMÖRK
LÖGREGLUFRÉTT Annar piltanna
sem grunaðir eru um að hafa
ráðist á starfsmenn bensínstöðv-
ar Skeljungs í Fellahverfi í
Breiðholti aðfaranótt sunnudags
hefur játað að hafa stungið
öryggisvörð í bakið.
Hnífurinn sem notaður var í
árásinni er einnig fundinn.
Piltarnir gáfu sig fram við
lögreglu síðdegis á mánudag eftir
að lögregla birti af þeim myndir
sem teknar höfðu verið úr
öryggismyndavél á bensínstöð-
inni. Þeir eru 18 og 19 ára og er
talið að þeir hafi ráðist á starfs-
mennina eftir að þeim var neitað
um afgreiðslu í versluninni.
Öryggisvörðurinn þykir hafa
sloppið vel þar sem hnífurinn
stöðvaðist á rifbeini hans. Öðrum
piltinum var sleppt í gær en sá
sem játaði var dæmdur í gæslu-
varðhald til föstudags. -kdk
Í gæsluvarðhaldi til föstudags:
Hefur játað
verkaðinn
Í frétt blaðsins í gær um skipstjóra
sem slasaðist um borð í frystitogara
var ranglega hermt að ekki hefði verið
ástæða til að flytja hann á sjúkrahús
heldur hefði verið gert að sárum hans
í skýli Landhelgisgæslunnar. Hið rétta
er að maðurinn var fluttur alvarlega
slasaður með þyrlu á sjúkrahús. Beð-
ist er velvirðingar á mistökunum.
LEIÐRÉTTING
VERSLUNARFERÐ Ólafur Darri Andrason
segir langvarandi mikla verðbólgu hafa
staðið yfir í um tvö ár.
SELECT Hnífurinn sem notaður var í
árásinni hefur verið fundinn.
ASÍ segir að ekki sé um verðbólguskot að ræða því verðbólgan sé langvarandi:
Verðbólgan enn óviðunandi
SVÍÞJÓÐ Tvær íkveikjusprengjur
fundust við kosningaskrifstofu
sænska Þjóðarflokksins á Gustafs
Adolfs-torg í Malmö í gærnótt.
Telur lögregla að þeim hafi verið
ætlað að springa aðfaranótt
þriðjudagsins, að því er kemur
fram á fréttavef Dagens Nyheter.
Kosningar fara fram í Svíþjóð
á sunnudag. - smk
Sprengjur í Malmö:
Fundust áður en
þær sprungu