Fréttablaðið - 26.01.2007, Page 46

{ vetrarlíf } 2
„Það má segja að maður hafi alist
upp hér í fjallinu en pabbi minn sá
um skíðasvæðið áratugum saman,“
segir Arna Ívarsdóttir, skíðakennari
á Akureyri. „Ég byrjaði að kenna
á skíði árið 1989 svo þetta fer að
nálgast tuttugu ár. Ég byrjaði sjálf
að æfa sex ára gömul og það má
líka segja að maður sé með þetta
í blóðinu.“ Arna hefur bæði starf-
að sem þjálfari og kennari en er að
kenna börnum á skíði núna. „Það
er rosalega gaman að vinna með
börnunum og aðstaðan hér er öll
hin besta.“
Arna er í stjórn Andrésar andar
leikanna og segir nóg að gera við
skipulagningu þeirra. „Þetta er allt-
af mjög vinsælt mót og það má
segja að undirbúningur standi allan
ársins hring.“
Arna segir Akureyri eiga góð
sóknarfæri í skíðasvæðinu. „Við
höfum til dæmis fengið fyrirspurn
frá Danmörku um skíðaferðir hing-
að til lands, en Danir hafa eins og
kunnugt er litla aðstöðu til skíða-
iðkunar í sínum heimalandi. Það
er mikil ferðamennska í kringum
skíðaiðkun og ég hef sjálf ferðast til
Ítalíu og prófað brekkurnar þar. Það
var mikil upplifun.“
Það má með sanni segja að skíðin
séu fjölskylduíþrótt því öll börn Örnu
eru komin í brekkuna. „Karen dóttir
mín er 13 ára og er á fullu í alpa-
greinum og Ívar sonur minn sem er
10 ára er í skíðagöngu. Sá yngsti,
Sveinn, er fjögurra ára og hann er
byrjaður að renna sér í brekkunni
með afa sínum og á örugglega fram-
tíðina fyrir sér.“ - öhö
Öll fjölskyldan
á skíðum
Arna Ívarsdóttir, skíðakennari í Hlíðarfjalli á Akureyri,
hefur verið á skíðum frá fjögurra ára aldri. Hún segir
Akureyri eiga mikil sóknarfæri í skíðasvæðinu.
„Hér er jöfn og góð umferð yfir
veturinn en þó mun minni en á
sumrin,“ segir Stefán Gunnarsson,
framkvæmdastjóri hjá Jarðböðun-
um ehf. í Mývatnssveit.
Stefán segir íslenska gesti í mikl-
um meirihluta yfir vetrartímann en
útlendingarnir fari að láta sjá sig
í mars og alveg fram í október.
„Yfir sumartímann eru útlendingar
í meirihluta hérna,“ segir hann og
bætir við að það sé ótrúlega fallegt
í Mývatnssveitinni yfir háveturinn.
„Ég varð að kíkja í borgina í vik-
unni en ætlaði varla að hafa mig
úr sveitinni. Hér var 27 stiga frost
og stafalogn og náttúran eins og á
póstkorti en fólk lét kuldann ekki
aftra sér frá að mæta ofan í böðin,“
segir Stefán sem flutti í Mývatns-
sveit fyrir rúmum tveimur árum og
sér ekki eftir því.
Jarðböðin opnuðu sumarið 2004
og Stefán segir viðbrögðin hafa
verið góð frá fyrsta degi. „Gesta-
gangur hefur farið stigvaxandi.
Árið 2005 fengum við 51 þúsund
gesti en í fyrra komu 62 þúsund
manns hingað og við vonum að
þeir verði enn fleiri þetta árið,“
segir hann og bætir við að það sé
margt annað í boði í Mývatnssveit
yfir vetrartímann. „Hér er hægt að
leigja snjósleða, dorga á vatninu
og fara í gönguferðir. Við höfum
lagt mikla vinnu í þetta og erum
loksins að sjá árangur af erfiðinu
og bindum miklar vonir við fram-
tíðina. Á sumrin er Mývatnssveit
algjör náttúruperla og algjör parad-
ís fyrir fuglaskoðunarfólk auk þess
sem jarðfræði Mývatnssveitar er
afar áhugaverð fyrir alla. Umhverf-
ið breytist mikið á veturna og þá er
ekki síðra að koma hingað, upplif-
unin verður hins vegar allt önnur.
Það er ótrúleg lífsreynsla að sitja í
39-40 stiga heitu vatninu eftir að
sólin hefur sest og horfa á stjörnu-
bjartan himininn og hugsanlega
norðurljós.
Á veturna er opið til 22 á kvöld-
in en á sumrin er opið til miðnættis
og þá er mjög vinsælt að horfa á
miðnætursólina héðan úr böðun-
um. Fólk kemst aðeins nær náttúr-
unni fyrir vikið.“
indiana@frettabladid.is
Jarðböðin færa okkur
nær náttúrunni
Stefán Gunnarsson, framkvæmdastjóri hjá Jarðböðunum ehf. í Mývatnssveit, segir
ótrúlega upplifun að horfa á stjörnur og norðurljós í heitu vatninu.
Skíðaferðum fylgir nestisútgerð
því ekki dugar annað en næra sig
og fylla á orkutankinn við slíkar
aðstæður. Fátt er betra en heitt
kakó og góð samloka þegar tekin
er pása í fjallinu. Samlokur eru
hentugur skyndibiti og geta verið
fínasta fæði sé vandað valið á
hráefninu.
Brauðið þarf að vera þétt og
matarmikið og áleggið getur verið
af ýmsum gerðum, ostur af ein-
hverju tagi, fiskur eða kjöt í sneið-
um, grænmeti, egg
og salöt eða sósur.
Fitulítil salöt eiga
vaxandi vinsæld-
um að fagna eftir
að fólk fór að huga
í auknum mæli að
hollustu. Yfirleitt
er brauðið smurt
með eilitlu smjöri,
bæði til að halda
álegginu betur á og
gera matinn mýkri í
munni.
Nesti í skíðaferðina