Fréttablaðið - 05.10.2007, Page 10

Stjórnarandstæðingar gagnrýndu
veikar forsendur um horfur í efnahagsmálum
sem þeir sögðu liggja að baki fjárlagafrum-
varpi ársins 2008, í umræðu um frumvarpið á
Alþingi í gær.
Guðjón Arnar Kristjánsson, formaður
Frjálslynda flokksins, vísaði í umfjöllun
greiningardeildar Landsbanka Íslands um
framtíðarhorfur og sagði hana stangast á við
spá fjármálaráðuneytisins.
„Ég tel mig hafa fært fyrir því rök […] að
það sé ástæða til þess að hafa áhyggjur og
skoða þetta vandlega. Hér erum við að tala um
grunn fjárlagafrumvarpsins og grunn stefnu-
mótunar fyrir næstu ár,“ sagði Guðjón Arnar.
Hann benti til dæmis á að í spá greiningar-
deildarinnar sé gert ráð fyrir áframhaldandi
þenslu og áframhaldandi aukinni eftirspurn
eftir vinnuafli, á meðan fjármálaráðuneytið
spái því að það dragi úr þenslu og samdráttur
verði í eftirspurn eftir vinnuafli.
„Ótrúverðugleiki fjármálaráðuneytisins og
framlagning fjárlaga er einn mesti efnahags-
vandinn í dag,“ sagði Jón Bjarnason, fulltrúi
Vinstri grænna í fjárlaganefnd. Hann benti á
að í fjárlögum vegna ársins 2007 munaði yfir
80 milljörðum króna á áætlunum og því sem
raunin hefði orðið.
Hann sagði grunn fjárlagavinnunnar veikan
og spurði fjármálaráðherra hvort hann gæti
einhvern veginn sannfært þingheim um að
hægt væri að leggja trúnað á spár.
Árni M. Mathiesen fjármálaráðherra sagði
ekki mögulegt að spá nákvæmlega fyrir um
framtíðina í opnu markaðshagkerfi. Því yrði
fjármálaráðuneytið og aðrir að búa við ákveðna
óvissu um hvernig málin þróuðust og hvernig
fólkið í landinu hegðaði sér.
Fjárlagafrumvarpið sé því eins og áður
kynnt með ákveðnum fyrirvörum, til dæmis
um breytingar, komi til frekari uppbyggingar
stóriðju. Reynslan hafi sýnt að það verði að
fara varlega í því að taka inn í áætlanir hluti
sem ekki sé búið að ákveða.
Bjarni Harðarson, fulltrúi Framsóknar-
flokksins í fjárlaganefnd, gagnrýndi hugmynd-
ir fjármálaráðherra um breytingar á fyrir-
komulagi fjárlaga, sem ráðherrann kynnti í
viðtali í Fréttablaðinu um síðastliðna helgi.
Bjarni sagði að allar upplýsingar skorti um
útfærslur á til að mynda hugmynd um að
ríkisstofnanir gætu tekið lán hjá ríkinu.
Segja forsendurnar að baki
fjárlagafrumvarpinu veikar
Ástæða til að hafa áhyggjur af forsendum fjárlagafrumvarpsins segir formaður frjálslyndra. Ótrúverðug-
leiki ráðuneytisins einn mesti efnahagsvandinn segir fulltrúi VG. Óvissa í markaðshagkerfi segir ráðherra.
Einar Kristjánsson,
sölumaður hjá RV
Með réttu úti - og innimottunum
- getur þú stoppað 80% af óhreinindunum
við innganginn
Á tilboði í október og nóvember 2007Úti- og innimottur af ýmsum gerðum og stærðum
R
V
U
N
IQ
U
E
1
0
0
7
0
3
GuzzlerTM
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Í samfélagi frum-
byggja í norðausturhluta
Argentínu hefur verið gripið til
þess ráðs að setja alla unglinga í
einangrun í bænum í 60 daga. Er
ætlunin að takmarka „andlega
áttavillu“ unglinganna sem
„siðir hvítra“ í nútímasamfélag-
inu valda að sögn leiðtoga
samfélagsins, Silvino Moreyra.
Var þetta ákveðið eftir að tvö
ungmenni fyrirfóru sér og
sjálfsvígstilraun hins þriðja.
Öldungar samfélagsins vilja
framlengja einangrunina ef hún
reynist árangursrík, að því er
fréttavefur BBC greinir frá.
Unglingarnir
settir í straff
Stjórn skandin-
avíska flugfélagsins SAS hefur
ákveðið að taka aftur í notkun
Dash-8 Q400-skrúfuþotur
félagsins, sem kyrrsettar voru
eftir að tvær þeirra brotlentu
vegna bilana í lendingarbúnaði 9.
og 12. september. Stjórnin ákvað
einnig að veita hverjum farþega
sem um borð voru í óhappavélun-
um tveimur 2.000 evrur í
miskabætur, andvirði 175.000
króna. Enginn hlaut alvarleg
meiðsl í óhöppunum.
Í fyrradag greindi SAS frá því
að fyrirtækið myndi fara fram á
andvirði tæplega 5 milljarða
íslenskra króna frá framleiðanda
vélanna, Bombardier í Kanada, í
skaðabætur fyrir að ekki var í
þjónustuhandbókum kveðið á um
viðeigandi eftirlit með lendingar-
búnaðinum sem bilaði.
Skaðabætur
vegna bilana
Hinn fráskildi Jóa-
kim Danaprins mun kvænast
franskri unnustu sinni, Marie
Cavallier, snemma á næsta ári.
Þetta tilkynnti danska hirðin á mið-
vikudag.
Jóakim, sem er yngri sonur Mar-
grétar Þórhildar drottningar, skildi
við fyrri eiginkonu sína, hina Hong
Kong-ættuðu Alexöndru prinsessu,
árið 2005, en það var fyrsti skilnað-
urinn í dönsku konungsfjölskyld-
unni í 160 ár. Alexandra missti
prinsessutitilinn er hún ákvað að
giftast á ný í vor sem leið. Þau Jóa-
kim hafa sameiginlegt forræði yfir
sonunum tveimur, Nikolai og
Felix.
Marie Agathe Odile Cavallier
fæddist í París árið 1976 og er því
sjö árum yngri en Jóakim. Foreldr-
ar hennar skildu þegar hún var 13
ára og hún flutti þá til Sviss með
móður sinni. Hún býr nú í Genf,
þar sem hún starfar í fjárfesting-
arfélagi föður síns.
Hirðin greindi frá því að Marie
muni fyrir brúðkaupið ganga úr
kaþólsku kirkjunni og í dönsku lút-
ersk-evangelísku þjóðkirkjuna og
skila frönsku vegabréfi sínu er hún
verður danskur ríkisborgari.
Jóakim kvænist
Marie á næsta ári
Í áætlun ríkisstjórnarinnar
um uppbyggingu fangelsa er kveðið
á um nýtt fangelsi á höfuðborgar-
svæðinu með 64 klefum. Björn
Bjarnason dómsmálaráðherra segir
koma til greina að fangelsið verði
byggt og rekið af einkaaðilum.
„Ég tel eðlilegt að skoðað sé til
hlítar hvort ríkið eigi að standa
sjálft að byggingu og rekstri fang-
elsisins,“ sagði Björn í ávarpi við
vígslu endurbætts fangelsis á Kvía-
bryggju. Hann sagði að til íhugunar
sé „hvort stofna eigi með samningi
til samstarfs við einkaaðila um
byggingu og jafnvel rekstur fang-
elsa.“
Björn sagði nýtt fangelsi hafa
verið á döfinni í fjóra áratugi og
þola enga frekari bið. „Miðað við
hinn mikla áhuga margra í þjóðfé-
laginu á málefnum og velferð fanga
kæmi ekki á óvart þótt unnt yrði að
virkja einkaframtakið í enn meira
samstarf,“ sagði Björn. Nefndi hann
áfangaheimili Verndar sem dæmi
um vel heppnað einkaframtak.
Í fangelsinu verða klefar til
gæsluvarðhalds og afplánunar til
skamms tíma, auk meðferðar- og
sjúkradeilda.
Skoða einkarekstur fangelsis