Fréttablaðið - 05.10.2007, Side 72

Lee Hazlewood lést 4. ágúst sl. eftir nokkurra ára baráttu við nýrna-
krabbamein. Það fór ekki mikið fyrir honum síðustu árin, en hann á að
baki mikinn fjölda úrvals popplaga sem munu lifa um ókomna tíð.
Stjarna hans reis hæst á sjöunda áratugnum þegar hann samdi sín þekkt-
ustu lög, gaf út sólóplötur sem vöktu mikla athygli og gerði stjörnu úr
Nancy Sinatra sem hafði verið á samning hjá Reprise fyrirtækinu í
fjögur ár án árangurs þegar Lee fór að
vinna með henni. Saman fluttu þau lög eins
og Some Velvet Morning, Sugar Town,
Lightning‘s Girl og Sand, en Lee samdi líka
lagið sem skaut henni upp á stjörnuhimin-
inn; These Boots Are Made for Walking.
Þó að það hafi ekki borið mikið á Lee
Hazlewood í seinni tíð átti hann alltaf
harðan kjarna aðdáenda. Það vakti t.d.
mikla athygli þegar Rowland S. Howard og
Lydia Lunch gerðu sína útgáfu af Some
Velvet Morning árið 1982 og það sama var
uppi á teningnum þegar Kate Moss söng
lagið með Primal Scream rúmum tuttugu
árum síðar. Á meðal yfirlýstra Hazlewood-
aðdáenda má nefna Steve Shelley trommu-
leikara Sonic Youth, Belle & Sebastian, Nick Cave og Jarvis Cocker.
Í kvöld verður Lee heiðraður á tónleikum á Organ. Þar koma fram m.
a. Singapore Sling, Unun, Ske og Ellen Kristjánsdóttir. Þar munu líka
syngja dúetta Megas og Ágústa Eva Erlendsdóttir, Óttarr Proppé og Ólöf
Arnalds og Magga Stína og Páll Óskar. Og þar kemur fram hljómsveitin
Der Sturm, en hún er hugarfóstur einnar af aðalsprautum slóvensku
hljómsveitarinnar Laibach, Baron Karl Ludwig Freiherr von Reichen-
bach eins og hann kýs að kalla sig í dag.
Kvöldinu verður svo slúttað með því að frumflutt verður upptaka af
síðasta laginu sem Lee hljóðritaði áður en hann fór yfir móðuna miklu,
en það lag tók hann upp með íslensku hljómsveitinni Amiinu. Lítill
heimur, stór listamaður …
Í minningu Lee Hazlewood
Kanadabúinn Spencer Krug
er einn virkasti og mest
skapandi tónlistarmaður
dagsins í dag. Ein af hljóm-
sveitum hans, Sunset Rub-
down, er að senda frá sér
merkilega plötu og Steinþór
Helgi Arnsteinsson fór af
því tilefni á stúfana.
Tónlistarsenan í Kanada hefur
verið umtöluð í nokkurn tíma.
Þykir hún uppfull af grósku og
sköpunargleði en áður hefur verið
ritað um þessa senu hér í Frétta-
blaðinu. Þykir Montréal-senan
sérstaklega spennandi þar sem sú
regla virðist ríkja að ef maður er á
annað borð í hljómsveit þarf að
vera í þremur slíkum. Hinn dag-
farsprúði Spencer Krug er líkleg-
ast besta sönnun þeirrar stað-
reyndar. Krug hefur verið
viðriðinn fjórar frábærar hljóm-
sveitir: Frog Eyes, Wolf Parade,
Swan Lake og Sunset Rubdown.
Síðastnefnda hljómsveitin sendir
bráðlega frá sér nýja plötu,
Random Spirit Lover að nafni, og
hefur gripnum verið hampað af
ýmsum tónlistarmiðlum. Sunset
Rubdown er fjögurra manna
hljómsveit en auk Krugs má einn-
ig nefna að í sveitinni er Camilla
Wynn Ingr úr stúlknasveitinni
Pony Up! sem sendi frá sér frá-
bæra skífu, Make Love to the Jud-
ges with Your Eyes, á síðasta ári.
Sunset Rubdown hefur ekki
verið til í langan tíma og hófst sem
sólóverkefni Krugs. Hann hóf
leikinn á því að gefa út fimm stutt-
skífur en úrvali laga þeirra skífna
var safnað á eina breiðskífu,
Snake‘s Got a Leg, sem kom út
árið 2005. Í fyrra kom síðan út
önnur breiðskífa, Shut Up I am
Dreaming, og í ár er komið að enn
einni breiðskífunni. Þrjár breið-
skífur á þremur árum, ekki ama-
legt það. Sérstaklega þegar maður
er eins upptekinn og Krug virðist
vera.
Eins og áður segir er Krug einnig
meðlimur í Wolf Parade, sem spil-
aði á Airwaves í fyrra og sendi frá
sér frábæran plötu árið 2005. Von
er á nýrri plötu frá sveitinni
snemma á næsta ári. Krug er enn
fremur í Swan Lake, sem sendi frá
sér umtalaða skífu í fyrra, og Krug
er einnig einn af stofnmeðlimum
Frog Eyes þótt hann teljist vart
formlegur meðlimur í dag. Aðal-
maður Frog Eyes, Carey Mercer,
vann hins vegar með Krug í Swan
Lake ásamt Dan Bejar sem er
þekktastur úr hljómsveit sinni
Destroyer en er einnig á fullu með
The New Pornographers. Sú sveit
þykir mikil ofurgrúppa og sendi
nýlega frá sér sína fjórðu breið-
skífu. Svona tengingar á milli
hljómsveita væri hægt að nefna
endalaust og ná þær yfir Kanada
þvert og endilangt.
Ef líkja ætti Montréal-senunni við
einhverja aðra senu kemur Ísland
fljótt upp í huga. Dan Boeckner,
samherji Krug úr Wolf Parade,
lýsti því einmitt í viðtali við Frétta-
blaðið í fyrra að í myrkri, köldu
veðri og hálfgerðri innilokun væri
lítið annað hægt að gera en að
semja tónlist. Einhvers staðar
hefur nú sú klisja heyrst áður.
Um helgina fer einnig fram Air-
waves-hátíð Montréal-búa sem
nefnist Pop Montréal. Þar munu
Krug og félagar hans í Sunset
Rubdown einmitt koma fram
ásamt til dæmis Montréal-sveit-
unum Chromeo og Plants and
Animals og drengjunum í Reykja-
vík! en þessar þrjár sveitir spila
allar á Airwaves-hátíðinni eftir
um tvær vikur. Kanada og Íslend-
ingar eiga greinilega meira sam-
eiginlegt en Gimli og Stephan G.
Sykurmolarnir eru í átj-
ánda sæti yfir þær tuttugu
hljómsveitir sem tónlistar-
síðan Gigwise.com vill að
hefji aftur störf. Í efsta
sætinu er breska hljóm-
sveitin The Smiths og á
eftir henni kemur Led Zepp-
elin, sem heldur reyndar
eina endurkomutónleika
þann 26. nóvember næst-
komandi.
Á meðal fleiri hljóm-
sveita sem komast á listann
eru The Libertines, Velvet Underground,
Pink Floyd, Beach Boys, NWA, The Kinks og
Suede.
„Flest af sólóferli Bjarkar er reyndar betra
en það sem Sykurmolarnir gerðu en við telj-
um það samt þess virði að þau eigi að minnsta
kosti stutta endurkomu,“
sagði á heimasíðunni.
Sykurmolarnir komu
reyndar aftur saman í Laug-
ardalshöll í nóvember á síð-
asta ári til að fagna því að
tuttugu ár voru liðin síðan
fyrsta smáskífulagið Amm-
æli var gefið út. Heppnuð-
ust þeir tónleikar mjög vel
en blaðamenn Gigwise vilja
greinilega heyra meira í
sveitinni í framtíðinni.
Á listanum eru ekki
hljómsveitir á borð við Bítlana, Queen og Joy
Division sem hafa allar misst stóra meðlimi í
gegnum árin. Ekki eru heldur á listanum
hljómsveitir sem hafa undanfarið ákveðið að
koma aftur saman. Má þar nefna The Who,
The Verve, Blur, Van Halen og The Police.
Vilja Sykurmola aftur saman
ÞAR SEM ALLT SNÝST
UM FÓTBOLTA!
NÝTT
Á GR
AS.IS
Leikir Skemmtun
NÚ FÆRÐU GRAS.IS
FÉTTIR Í SÍMANN!