Fréttablaðið - 05.10.2007, Side 86

1
6 7 8
10
13
119
12
15
16
18
21
20
17
14
19
2 3 4 5
„Það eru til dæmis Íslandstónar.
Það er svona róandi tónlist í út-
setningu fyrir panflautu, flautu
og gítar, í takt við stemninguna
hérna hjá okkur. Ég geymi út-
varpsstöðvarnar fyrir heimilið.“
„Ég tók mér loks frí, frá maí til
október, og slappaði bara af,“
segir útvarpsmaðurinn góðkunni
Þorgeir Ástvaldsson en maðurinn
sem söng lagið sívinsæla Ég fer í
fríið fyrir 27 árum lét loks verða
af því að fylgja textanum eftir.
„Ég lagðist bara í ferðalög, slökkti
á símanum og lét netið alveg í
friði,“ bætir Þorgeir við en hann
heimsótti meðal annars börnin
sín sem eru búsett í Englandi og á
Ítalíu. „Ég er alveg endurnærður
eftir þetta,“ segir hann.
Og það er meira á döfinni hjá
Þorgeiri því hann „ehf-aði“ sig
nýlega og stofnaði eignarhalds-
hlutafélagið Vinnandi vegur. „Já,
þetta er eiginlega búinn að vera
hálfgerður trassaskapur hjá mér.
Fyrirtækið er stofnað í kringum
öll þessi aukastörf sem ég hef
verið að inna af hendi,“ útskýrir
Þorgeir en nafnið vísar til þess að
þegar mönnum þykir of mikið
liggja fyrir að það sé óvinnandi
vegur. Hjá Þorgeiri er hins vegar
allt vinnandi vegur. „Reyndar var
fyrst hugmyndin að skíra þetta
Skínandi stígur en síðar kom á
daginn að það voru einhver
skæruliðasamtök,“ segir Þorgeir
og hlær en bætir því síðan við að
hann hefði átt að vera búinn að
þessu fyrir löngu. Hann útilokar
ekki að fyrirtækið verði sett á
almennan markað og þá yrði ekki
slæmt að geta átt hlutabréf í Þor-
geiri Ástvaldssyni.
Þorgeir Ástvalds fór loksins í fríið
Garðar Thor Cortes mun syngja í
glæsilegu kvöldverðarboði sem
haldið verður af athafnakonunni
Christinu Ong í Singapúr 8. nóv-
ember. Garðar er eini listamaður-
inn á dagskrá en aðalræðumaður
kvöldsins er fyrrverandi forsætis-
ráðherra Bretlands, Tony Blair.
Kvöldverðurinn er haldinn til
styrktar þeim fjölmörgu góð-
gerðamálefnum sem Ong hefur
lagt lið.
„Ég veit eiginlega ekki hverju
ég á að svara. Þetta gengur bara
vel,“ svaraði Garðar þegar Frétta-
blaðið náði tali af honum. Ong er
einhver áhrifamesta konan í Asíu
og hefur byggt upp mikið tísku-
veldi í heimalandi sínu. Hún er
gift fasteignajöfrinum B.S. Ong
sem á meirihlutann í hótelkeðj-
unni Four Seasons.
Kvöldverðurinn þykir mikill
viðburður og til marks um það
fékk Ong til liðs við sig tónleika-
haldarann Harvey Goldsmith sem
þykir einn áhrifamesti maðurinn í
bresku tónlistarlífi. Goldsmith sá
meðal annars um skipulagningu
Live Aid-tónleikanna fyrir Bob
Geldof og hefur auk þess haft veg
og vanda af endurkomu Led Zepp-
elin hinn 26. nóvember. Síðasta
tónleikaferðin sem Goldsmith
kom að var hins vegar kveðjutón-
leikaröð stórtenórsins sáluga Luc-
iano Pavarotti en Garðar hefur
einmitt verið nefndur sem einn
arftaki hans.
Blair og Ong eru þó ekki einu
fyrirmennin sem Garðar Thor
syngur fyrir á næstunni því eins
og kom fram í Fréttablaðinu var
Garðari nýverið boðið að syngja
við vígslu nýjasta skemmtiferða-
skips Cunard-skipasmíðafyrir-
tækisins. Þar mun hertogaynjan
af Cornwall, Camilla Parker Bow-
les, vígja skipið og gefa því nafn
ásamt eiginmanninum Karli
Bretaprins. Meðal annarra gesta
þar verður núverandi forsætis-
ráðherra Breta, Gordon Brown, og
aðrir ráðherrar úr bresku ríkis-
stjórninni.
Garðar sjálfur tekur þessu hins
vegar öllu af mikilli yfirvegun.
„Ég er auðvitað voðalega glaður
yfir því að hafa nóg fyrir stafni og
ég reyni bara að standa mig í því
sem er fram undan. Þetta er bara
mín vinna og eitthvað sem ég hef
gaman af að gera.“
„Við getum nú yfirleitt pikkað þá
út, vinningshafana. Þeir ganga
meðfram veggjum og láta oft lítið
fyrir sér fara og eru oft voðalega
feimnir,“ segir Guðbjörg Hólm hjá
Íslenskri getspá en hún mun að
öllum líkindum vera ein þeirra
sem taka á móti hinum heppna
Akureyringi sem vann rúmlega
hundrað og fimm milljónir í Vík-
ingalottói á miðvikudaginn. Guð-
björg hafði nýlokið samtali sínu
við umræddan lottóvinningshafa
þegar Fréttablaðið hafði samband
við hana í gær. Vinningshafinn er á
miðjum sjötugsaldri, borinn og
barnfæddur Akureyringur. „Hann
var hins vegar með báða fætur á
jörðinni og alveg pollrólegur yfir
þessu,“ bætir hún við.
Guðbjörg upplýsti að vinningar
af þessari upphæð væru greiddir
út mánuði eftir útdráttinn en um
er að ræða langstærstu upphæð
sem greidd hefur verið út hér á
landi. Og 105 milljónir sem voru í
vinning á miðvikudag eru ekki
skattskyldar heldur rata rakleiðis
inn á bankabók viðkomandi. „Þegar
þeir koma þá förum við yfir mið-
ann í kassanum og fullvissum
okkur um að þetta sé örugglega
vinningsmiðinn. Síðan bjóðum við
þeim bara sæti og ræðum um dag-
inn og veginn. Þegar þetta eru
svona háar upphæðir þá er þetta
spjall yfirleitt bara hálfgerð áfalla-
hjálp,“ segir Guðbjörg en vinn-
ingshöfum er boðið upp á sérstaka
fjármálaráðgjöf enda ekki á hverj-
um degi sem hinn venjulegi Íslend-
ingur fær slíkar fjárhæðir á einu
bretti. „Og svo verður fólk líka
alltaf að taka það með í reikning-
inn að þegar það spilar í Lottó þá
getur það unnið.“
Fær milljónirnar 105 eftir mánuð