Fréttablaðið - 18.11.2007, Síða 110

34 18. nóvember 2007 SUNNUDAGUR
sport@frettabladid.is
Fer›askrifstofa í eigu Iceland Express
www.expressferdir.is
BOLTINN ER HJÁ OKKUR
Nánar á www.expressferdir.is eða í síma 5 900 100
39.900 kr.
ARSENAL – WEST HAM
30. des.–2. jan.
Tilboð
78.900 kr.
CHELSEA – WEST HAM
30. nóv.–2. des.
Verð á mann í tvíbýli
WEST HAM – EVERTON
14.–16. desember
Tilboð
48.800 kr.
49.900 kr.
LIVERPOOL - PORTO
27.–29. nóvember
Tilboð
Arnór Atlason, leikmaður FCK í Kaupmannahöfn og
íslenska landsliðsins í handbolta, vonast til þess að vera
leikfær þegar FCK-liðið tekur á móti HK í fyrri leik liðanna í
EHF-keppninni í Digranesi kl. 16 í dag.
„Ég vonast auðvitað til þess að geta spilað leikinn og
náði að æfa nokkuð vel í gær en ég er búinn að vera
meiddur alveg síðan í æfingalandsleiknum á móti Ung-
verjalandi á Íslandi um daginn. Það væri frábært að
geta spilað leikinn en ég mun samt ekki gera það
nema ég verði alveg 100 prósent leikfær. Bæði
mun ég ekkert nýtast ef ég er ekki búinn að ná
mér almennilega af meiðslunum og svo vil ég
ekki eiga á hættu að gera illt verra með meiðsl-
in,“ sagði Arnór og fagnaði tækifærinu að geta
komið heim til Íslands.
„Það er náttúrulega algjör snilld að geta
sýnt strákunum í liðinu Klakann góða og þetta
er líka mjög spennandi leikur í ljósi þess að
liðin tvö eru í efstu sætum deildanna á Íslandi og í Danmörku.
Þetta verður bara uppgjör á milli deildanna, það er ekkert flókn-
ara en það,“ sagði Arnór og kvaðst þekkja ágætlega til HK.
„Ég spilaði með fjórum af leikmönnum HK þegar ég var í KA á
sínum tíma og síðan hef ég verið með nokkrum af þeim í yngri
landsliðum Íslands, þannig að það yrði sérstaklega gaman að
ná að spila leikinn í ljósi þessa og enn fremur að vinna
hann auðvitað,“ sagði Arnór og kvaðst sáttur með
spilamennsku sína með FCK-liðinu á tímabilinu.
„Meiðslin eru búin að setja strik í reikninginn
hjá mér upp á síðkastið en fyrir þau var ég kom-
inn á fínt ról og það var mjög ánægjulegt að ná
að fylgja eftir góðu gengi mínu frá því í fyrra.
Ég ætla bara að halda áfram á sömu braut
þegar ég er búinn að jafna mig af meiðsl-
unum því það eru spennandi tímar fram
undan, bæði hjá FCK og auðvitað landsliðinu
og ég ætla mér að vera klár fyrir það.“
ARNÓR ATLASON, FCK: VONAST TIL ÞESS AÐ VERA LEIKFÆR ÞEGAR FCK MÆTIR HK Í EHF-KEPPNINNI
Þetta verður bara uppgjör á milli deildanna
> Valsmenn hefja tililvönina í Keflavík
Í gær var dregið um töfluröð í Landsbankadeildum karla
og kvenna fyrir Íslandsmótið í knattspyrnu sumarið
2008, en drátturinn fór fram í höfuðstöðvum Knatt-
spyrnusambands Íslands í Laugardalnum. Íslandsmeist-
arar Vals í karlaflokki hefja titilvörn
sína í Keflavík, en nýliðaslagur
verður á Valbjarnarvelli þar
sem Þróttur fær Fjölni í
heimsókn. Íslandsmeist-
arar Vals í kvennaflokki
taka á móti Þór/KA á
heimavelli og Keflavík
og KR sem spiluðu til
úrslita í VISA-bikarnum
mætast í Keflavík.
SUND Jakob Jóhann Sveinsson,
sundmaður úr Ægi, keppti á
heimsbikarmóti í Berlín í
gærmorgun og stóð sig vel.
Jakob Jóhann keppti í 25 metra
laug í bæði 200 metra bringu-
sundi og 50 metra bringusundi og
stóð fyllilega fyrir sínu á mótinu.
Jakob endaði í 11. sæti í 200
metra bringusundi á tímanum 2.
mínútur og 14,20 sekúndur. Í 50
metra bringusundi endaði Jakob
Jóhann svo í 18. sæti á tímanum
28,82 sekúndur. - óþ
Heimsbikarmót í sundi:
Jakob Jóhann
stóð fyrir sínu
ÖFLUGUR Jakob Jóhann stóð sig vel á
heimsbikarmóti í Berlín í gær.
FRÉTTABLAÐIÐ/TEITUR
FÓTBOLTI Eiður Smári Guðjohnsen,
landsliðsfyrirliði, mun hafa beðið
Ólaf Jóhannesson þjálfara liðsins
um frí frá landsleiknum við Dani
næstkomandi miðvikudag til þess
að geta einbeitt sér að æfingum
með Barcelona ef marka má
opinbera heimasíðu spænska
liðsins.
Þar segir að Eiður Smári hafi
verið einn af sjö leikmönnum sem
æfðu með liðinu yfir helgina, en
aðrir leikmenn liðsins eru að
sinna landsliðsskyldu. Eiður mun
hafa æft eftir sérstöku vinnupró-
grammi hjá þolþjálfara liðsins
yfir helgina.
Eiður mun ekki taka þátt í
góðgerðaleik gegn fátækt af
þessari sömu ástæðu. Honum var
boðið að taka þátt í leiknum, sem
hinn franski Zinedine Zidane og
hinn brasilíski Ronaldo standa
fyrir á vegum Sameinuðu
þjóðanna. Meðal annarra leik-
manna sem taka þátt eru David
Beckham, Paolo Maldini, Roberto
Carlos, Cafu og fleiri, en leikur-
inn fer fram á mánudag í Malaga.
- óþ / - sgj
Góðgerðarleikur á mánudag:
Eiður á meðal
leikmanna
Á ÆFINGU Eiður Smári æfir með
Barcelona um helgina og spilar líklega
góðgerðarleik á mánudag.
NORDICPHOTOS/GETTY
GOLF Birgir Leifur Hafþórsson
kylfingur lék sinn þriðja keppnis-
dag í lokaúrtökumóti Evrópumót-
araðarinnar á Spáni í gær og
kláraði á 73 höggum. Hann er í
19.-30. sæti á tveimur höggum
undir pari fyrir síðasta keppnis-
daginn fyrir niðurskurðinn, sem
er í dag.
Birgir Leifur spilaði á nýja vell-
inum, San Roque, í gær og hann
var nokkuð sáttur með spila-
mennsku sína þegar Fréttablaðið
náði tali á honum þrátt fyrir að
gærdagurinn hefði verið hans lak-
asti á úrtökumótinu til þessa.
„Auðvitað vill maður alltaf gera
betur og ég hefði gjarnan viljað
vera tveimur til þremur höggum
betri. En ég byrjaði frekar illa og
vindurinn var aðeins að trufla mig
en ég náði sem betur fer að vinna
mig ágætlega út úr því,“ sagði
Birgir Leifur sem fékk skramba
(+2) strax á annarri keppnisholu
sinni í gær en náði að halda haus
eftir það og sýndi mikið keppnis-
skap og náði í fugl á næstu holu á
eftir og svo komu þrjú pör í röð.
Birgir Leifur hefur því enga
ástæðu til annars en að vera bjart-
sýnn fyrir daginn í dag.
„Eftir hringinn á morgun [í dag]
munu 70 bestu kylfingarnir halda
áfram og ég er í ágætis stöðu hvað
það varðar eins og er. Ég er búinn
að vera að spila hörku golf til
þessa í úrtökumótinu, það er ekki
spurning, en ég ætla samt ekkert
að gleyma mér. Ég mun halda
mínu leikplani áfram og mun bara
hugsa um eitt högg í einu og síðan
sjáum við til hversu langt það
skilar manni,“ sagði Birgir Leifur
sem spilar á gamla vellinum í dag
og hefur leik kl. 8 að íslenskum
tíma.
Komist Birgir Leifur áfram í
gegnum 70 manna niðurskurðinn-
mun hann svo keppa tvo hringi
eftir helgi, á mánudag og þriðju-
dag, sem skera úr um laus sæti á
Evrópumótaröðinni á komandi
keppnistímabili.
Birgir Leifur lék eins og segir
þriðja hringinn á 73 höggum í gær,
en fyrsta hringinn fór hann á 71
höggi og annan hringinn á 70 högg-
um og er því samanlagt á tveimur
höggum undir pari í 19.-30. sæti í
mótinu. Heimamennirnir Pablo
Larrazabal og Luis Claverie eru
sem stendur efstir og jafnir eftir
þrjá keppnisdaga á átta höggum
undir pari, en Claverie lék manna
best í gær og fór hringinn á 68
höggum. omar@frettabladid.is
Hugsa um eitt högg í einu
Birgir Leifur Hafþórsson átti ágætan dag á lokaúrtökumótinu fyrir Evrópu-
mótaröðina í golfi á Spáni í gær og er með sterka stöðu upp á framhaldið.
SJÓÐHEITUR Birgir Leifur Hafþórsson hefur verið að spila frábært golf á Spáni og
stendur vel að vígi fyrir síðasta keppnisdaginn fyrir niðurskurð sem fram fer í dag.
NORDICPHOTOS/GETTY
ÍÞRÓTTIR Mikið var um dýrðir á
Íslandsmeistaramóti í 25 metra
laug í sundi í dag en nú þegar er
búið að setja sex Íslandsmet og
þrettán unglingamet á mótinu
eftir sex hluta. Sett voru samtals
tólf Íslandsmet og níu unglinga-
met á sama móti fyrir ári síðan
og verður því spennandi að sjá
hvað gerist í dag. Á heimasíðu
Sundsambands Íslands segir að
það séu ekki endilega sömu sund-
menn sem setja unglingametin í
ár og settu þau í fyrra og bendir
það til þess að breiddin sé að auk-
ast og að mikill uppgangur sé í
sundhreyfingunni. - hs
Íslandsmeistaramót í sundi:
Metaregn í Laugardalnum
FLUGSUND Synt af kappi
metin hafa fallið í innilaug-
inni í Laugardal um helgina.