Fréttablaðið - 10.05.2008, Síða 92
40 10. maí 2008 LAUGARDAGUR
Berlínarbúar virðast upp til hópa
óttast öfgahyggju og skyldi engan
undra. Þeir hafa lært sína lexíu;
umburðarlyndi borgar sig. Til
marks um þetta umburðarlyndi
borgarinnar er gjarnan nefnt að
hann Wolfí borgarstjóri kjósi að
kyssa karla frekar en konur. Og það
sé allt í lagi með það.
Þýskir hommar eru stoltir strák-
ar og ófeimnir. Þeir láta ekki bjóða
sér hvað sem er heldur berjast gegn
því sem þeim misbýður. En ekki
dugir alltaf að skrifa í blaðið. Þegar
óvinurinn er stór og sterkur, eins og
kristindómurinn, dugar ekki minna
til en mólotov-kokteilar.
Christival heitir árleg kristileg
samkoma þýsks ungdóms og var
haldin í Brimarborg á dögunum.
Allt að tuttugu þúsund manns,
sirka 16 til 26 ára, þustu þangað til
að taka þátt í alls konar
söng skemmtan og gleði. En mesta
athygli vakti kristinfræðslan og
sérstaklega fyrirlesturinn Að
skilja samkynhneigð: Tækifæri til
að breytast [aftur í gagnkyn-
hneigð]. Þar vildi kristinn maður
segja frá því hvernig hann, með
hjálp Jesú, læknaðist af homma-
skap.
En umburðarlyndið hefur sín
takmörk. „Þetta á ekki heima í
nútímasamfélagi!“ öskruðu um
eitt hundrað grímuklæddir homm-
ar meðan þeir gerðu árás og vörp-
uðu bensínsprengjum á aðalsvið
hátíðarinnar. Áður höfðu þeir
hakkað heimasíðu hátíðarinnar í
tætlur. Kristindómsfræðslu var
aflýst.
Þýskir pönkarar koma einnig á
óvart. Um daginn sat hópur þeirra
hér í almenningsgarði. Bleikhærð-
ir og göddum prýddir og ógurlegir
á allan hátt lágu þeir í grasinu og
gleyptu bjór og brauð og ropuðu.
Eins og pönkurum sæmir dreifðu
þeir rusli allt í kring um sig. Tómar
flöskur, hálfétinn matur og sígar-
ettustubbar allstaðar í gildum radí-
us. Aðrir gestir þorðu ekki að ávíta
brjálæðingana.
En viti menn. Að lokinni lautar-
ferðinni tóku skítapönkararnir sig
til og söfnuðu öllu draslinu snyrti-
lega í poka. Plast fór í einn, pappír
í annan. Þeir hirtu upp hvert snifsi
og gengu á braut.
Þannig er margt öfugt í borg
umburðarlyndisins. Níhilistar
standa vörð um hinar sameigin-
legu stofnanir, meðan grímuklædd-
ir hommar berja kristna unglinga í
klessu. Og borgin stendur með
sínum. Hommum.
Harðir þýskir hommar
KLEMENS ÓLAFUR ÞRASTARSON
SKRIFAR FRÁ BERLÍN
GÓÐ VIKA / SLÆM VIKA
Góð vika fyrir
Jakob Frímann Magnússon...
Ef Jakob væri að gefa út plötu þá væri nánast
öruggt að hún væri á toppi allra metsölulista
landsins. Stuðmaðurinn fyrrverandi hefur
sjaldan eða aldrei verið jafn áberandi í pólit-
ískri umræðu þrátt fyrir að hafa farið að
minnsta kosti tvisvar í prófkjör. Nú hefur
Jakob öll lyklavöld í miðbænum og ef píanó-
leikarinn stórsnjalli er samur við sig verður
þess eflaust ekki langt að bíða að Miðborgar-
Herinn setji svip sinn á bæinn.
Begga og Pacas...
Kokkana Begga og Pacas sem unnu sér
inn tvær milljónir með sigrinum í Hæð-
inni. Eins og Fréttablaðið greindi frá í
upphafi þáttaraðarinnar þá var
parið rekið af veitingastaðnum
Glóin. En nú eru þeir tveimur
milljónum ríkari og vaða í
atvinnutilboðum. Svo virðist
sem þetta raunveruleikaævin-
týri ætli að rætast því greint
hefur verið frá því að þeir
muni jafnvel verða með
matreiðsluþátt á Stöð 2
þegar fram líða stundir.
Dorrit Moussaieff...
Íslenska þjóðin hefur lengi vitað að Dorrit væri
bæði fjörug og skemmtileg en Dorrit stal svo
sannarlega senunni þegar aðalbornir frá Dana-
veldi komu í stutta heimsókn. Þrátt fyrir að
danski krónprinsinn sé þekktur fyrir að vera
almennilegur og laus við snobb þá hafði hann
ekki roð við forsetafrúnni sem lék við hvurn
sinn fingur alla dagana og notaði meðal ann-
ars tækifærið til að sýna hæfni sína með
tökuvél.
Slæm vika fyrir...
Jón Sigurðsson
Forstjórinn ungi þurfti enn og aftur að horfast í augu við hluthafa
fyrirtækisins og tilkynna
þeim um tap. Nú voru það
47 milljarðar sem höfðu
tapast á fyrsta ársfjórð-
ungi þessa árs. Ekki er
langt síðan að hluthafarnir
sáu heiðskíran himin og
glampa af sólskini en nú
hefur heldur betur dregið
fyrir sólu og fyrirtækið
væntanlega á leiðinni af
hlutabréfamarkaði. For-
stjórinn ungi þarf að skera
enn frekar niður í rekstrarkostnaði og nú er spurning hvort ekki
verði bara skipt á glæsibifreiðunum og Skoda.
Ólaf F. Magnússon
Rétt eins og þetta er góð vika fyrir Jakob Frí-
mann þá hafa síðustu dagar ekkert verið neitt
sérstaklega auðveldir hjá Ólafi F. Magnússyni.
Allt ætlaði hreinlega um koll að keyra hjá borg-
arstjóranum þegar tilkynnt var að Stuðmað-
urinn hefði verið ráðinn. Ólafur hefur beitt
gamalkunnri brellu Davíðs Oddssonar,
hinni víðfrægu smjörklípu, og reynt að
beina ljósinu að bruðli annarra borgar-
stjórnarmeðlima. Sjálfur segist Ólafur
aldrei hafa farið út fyrir landsteinana á
kostnað borgarbúa en getur sér þess til
að aðrir borgarfulltrúar hafi verið á ferð
og flugi fyrir skattpeningana.
Sophiu Hansen
Mál hennar virðist engan endi ætla að taka og hún virðist vera ein í
eyðimerkurgöngu sinni. Sophia sakar sinn nánasta stuðningsmann
til margra ára, Sigurð
Pétur Harðarson, um að
hafa falsað undirskrift
sína. Hann telur Sophiu
aftur á móti hafa stolið
tugum milljóna frá sér
og sinni fjölskyldu. Svo
kemur Halim Al eins og
skrattinn úr sauðar-
leggnum og býðst til
þess að rétta fyrrver-
andi eiginkonu sinni
hjálparhönd. Sjaldan er
ein báran stök.
Veggjakrot i Berlín – samkynhneigðir
pönkarar á ferð ?
Viðskiptaráðuneytið
Dagskrá:
8:10 Morgunverður
8:30 Ávarp Björgvins G. Sigurðssonar viðskiptaráðherra
8:40 Skýrsla Félagsvísindastofnunar HÍ
- Dr. Ragna Benedikta Garðarsdóttir félagssálfræðingur,
Félagsvísindastofnun HÍ
- Ásdís Aðalbjörg Arnalds MA, félagsfræðingur,
Félagsvísindastofnun HÍ
9:20 Kynning á skýrslu Hagfræðistofnunar HÍ
- Dr. Þórólfur Matthíasson prófessor,
Hagfræðideild HÍ
9:50 Kaffihlé
10:05 Kynning á skýrslu Lagastofnunar HÍ
- Ása Ólafsdóttir lektor, Lagastofnun HÍ
- Eiríkur Jónsson lektor, Lagastofnun HÍ
10:45 Sjónarmið hins virka neytanda
- Dr. Gunni
11:00 Pallborðsumræður
11:30 Afhending Íslensku neytendaverðlaunanna.
Fundarstjóri er dr. Jón Þór Sturluson,
aðstoðarmaður ráðherra.
Aðgangur ókeypis
Ný sókn
í neytendamálum
Viðskiptaráðuneytið býður öllu áhugafólki um neytendamál til ráðstefnu um stöðu
neytendamála á Íslandi og stefnumótun til framtíðar þar sem kynntar verða nýjar
skýrslur þriggja stofnana Háskóla Íslands.
Ráðstefnan verður haldin á Grand Hótel Reykjavík þann 14. maí frá kl. 8:10-11:30.
Staða neytenda á Íslandi