Réttur - 01.01.1947, Page 9

R É T T U R
9
stefnu gömlu þjóðstjórnarinnar, nema skipun Alþingis
verði breytt, nema Sósíalistaflokkurinn komi mun sterk-
ari út úr kosningunum. Ennfremur sagði ég í þessari
sömu ræðu, orðrétt: „Það kemur áreiðanlega ný mála-
leitun frá Bandaríkjunum eftir kosningar. Svarið við
þeirri málaleitun veltur á þvl, hversu sterkur Sósíalista-
flokkurinn kemur út úr kosningunum". Nú er allt þetta
komið á daginn, nákvæmlega eins og við sögðum fyrir.
Bandaríkjunum hefur verið afhent herstöð á íslandi
fyrst um sinn til sex og hálfs árs. Stjórnarsamningur-
inn frá 1944 er rofinn og ný stjórn tekin við, sem aftur-
haldsöflin 1 landinu og andstæðingar nýsköpunarinnar
standa að. Það er samstarf þjóðstjórnarflokkanna frá
1939.
Ekkert af þessu vildi þjóðin. Yfirgnæfandi meirihluti
kjósenda var andstæður herstöðvasamningnum. Yfir-
gnæfandi meirihluti vildi, að nýsköpuninni yrði haldið
áfram. Samt kaus þessi sami meirihluti þá menn, sem
bera ábyrgðina á því, hvernig komið er. Aðvörunum
Sósíalistaflokksins \*ar ekki sinnt, nema af alltof fáum.
Kjósendur Sjálfstæðisflokksins trúðu fagurgala forystu-
mannanna. Hinum taumlausu, samvizkulausu og sið-
lausu blekkingum Alþýðuflokksins var trúað af alltof
mörgum. Alvöruorð Sósíalistaflokksins, sem allir mega
nú sjá, að voru sannleikur og ekkert nema sannleikur-
inn, voru ekki tekin til greina.
Þetta getur orðið dýr reynsla fyrir þjóðina, en hún
er líka dýrmæt, — alltof dýrmæt, til þess að hún megi
falla í gleymsku.
STJÓRNARSAMVINNAN ROFIN —
BANDARÍKJUNUM AFHENT HERSTÖÐ
Þegar Keflavíkursamningurinn var gerður við Banda-
ríkin í fullkomnu pukri, án þess fulltrúar Sósíalista-