Réttur - 01.01.1947, Side 10

10
RÉTTUR
flokksins fengju að vita, hvað var að gerast, var stjórn-
arsamningurinn rofinn á svo óskammfeilinn hátt, að
slíks munu fá dæmi. Þar með var grundvöllurinn fallinn
undan stjórnarsamstarfinu. Sósíalistafiokkurinn hafði
frá upp'hafi lýst því yfir, að það varðaði samvinnuslitum,
ef gerður yrði samningur um hernaðarréttindi erlendu
ríki til handa gegn vilja flokksins. En þetta var ekki
eina ástæðan fyrir því, að stjórnarsamstarfið var úr
sögunni, nema nýr samningur yrði gerður eins og Sósí-
alistaflokkurinn hafði gert skýlausa kröfu til, þegar fyr-
ir kosningar. Afturhaldið var að stöðva nýsköpunina.
Landsbankinn var að stöðva allar framkvæmdir með
neitunum um lán. Það var unnið að því vitandi vits
að gera lögin um stofnlánadeildina og lögin um aðstoð
við opinberar byggingar að ónýtum pappírsgögnum, án
þess að gagnráðstafanir væru gerðar af hálfu ríkis-
stjórnarinnar. Því varð ekki lengur slegið á frest að
gera ráðstafanir gegn hinum taumlausa verzlunargróða
og gjaldeyrissóun heildsalastéttarinnar.
TILLÖGUR SÓSÍALISTAFLOKKSINS
UH NÝJAN STJÓRNARSAMNING
Flokksþing Sósíalistaflokksins, sem haldið var 1 nóv-
ember sl. lýsti því yfir, að flokkurinn væri reiðubúinn að
taka upp samstarf við hvern þann þingmeirihluta, sem
vildi fallast á þau skilyrði hans, er veittu örugga trygg-
ingu fyrir þeim tveim meginatriðum:
1. að staðið væri á verði um óskorað fullveldi og frið-
helgi landsins,
2. að nýsköpun atvinnuveganna yrði haldið áfram og
fullnægjandi ráðstafanir gerðar til þess að tryggja
þjóðhagslegan grundvöll hennar.