Réttur - 01.01.1947, Page 54

54
RÉTT UR
isins, frá samveldislöndunum, frá Indlandi, Ceylon og
Birma, frá Malaja og Hong Kong, frá Kýprus og Mið-
Austurlöndum, frá Afríku og f jarlægum afkimum munu
fulltrúar geta komið saman á fund ásamt fulltrúum frá
Bretlandi til þess að læra af reynslu hvers annars og
ræða sameiginleg vandamál. Þessi fundur er merk nýj-
ung í alþjóðamálum vorra daga. Áður hafa verið haldn-
ar ráðstefnur Verkamannaflokkanna innan heimsveld-
isins, en þær hafa aðallega sótt fulltrúar forréttinda-
hópa hvítra verkamanna. Þetta er í fyrsta sinn, sem
saman koma fulltrúar úr forustusveitum alls vinnandi
fólks, hinna fimm hundruð milljóna, er heimsveldið
byggja, án tillits til litar, kynþáttar eða þjóðernis og
geta birt heiminum úr hjarta heimsveldisins, London,
markmið og þarfir þjóða sinna, skoðanir þeirra á þeirri
pólitík, sem nú er rekin, skýrt frá kröfum þeirra og bair-
áttu. Það er heppilegt, að þessi víðtækari ráðstefna skuli
taka við strax að afloknu þingi Kommúnistaflokksins,
því að viðfangsefni beggja ráðstefnanna eru nátengd.
Sósíalisminn hefur löngum kennt, að hagsmunir brezku
þjóðarinnar og þjóða heimsveldisins færu saman í bar-
áttunni fyrir sameiginlegri frelsun þeirra. Þá kenningu
hafa atburðir nútímans staðfest með hinu margvísleg-
asta móti.
FKÁ HINU GAMLA TIL HINS NÝJA
Að stríði loknu, með ósigri fasismans og vaxandi frels-
ishreyfingum um heim allan, hafa skapazt nýjar aðstæð-
ur bæði fyrir Bretland og þjóðir heimsveldisins. Nú er
að brotna hinn gamli grundvöllur brezkrar stórveldis-
stefnu, heimsyfirráða, nýlendueinokunar og skattlagn-
ingar, sem haldið hafa í f jötrum f jórða hluta mannkyns-
ins og ráðið pólitískri og félagslegri skipan Bretlands.
Sá grundvöllur mun ekki halda lengur. Bæði í f jármála-