Réttur - 01.08.1950, Side 3

RÉTTUR
163
Þorsteinn Erlíngsson:
TIL MINNINGAR UM AFTÖKU
þeirra Jóns biskups Arasonar og sona hans
í Skálholti 7. nóvember 1550
[Kvæði þetta var ort fyrir samsæti það, er haldið var til minn-
ingar um Jón Arason og sonu hans, en það fann ekki náð fyrir
augliti forstöðunefndarinriar, er í voru biskup og landritari, og
var vísað heim].
Loftið eins og gröfin girti
grýttan móa, sveitir lands.
Eingin fjandmanns ögrun styrkti,
ekkert vinartillit manns.
Það var hægra um hönd að beygja
höfuð sitt en missa það.
En þeir geingu út að deyja
allir þrír af Skálholtsstað.
Þótt á lotnum liðum væri
Lúters þrælum sigur vís:
hann gat reynt hvor hærra bæri
höfuð sitt í Paradís.
Og þótt brái blóð á grönum,
betra er það en flýja vörð,
eða að sníkja út úr Dönum
óðul sín og móðurjörð.
★ ★ ★