Réttur - 01.08.1950, Blaðsíða 75

RÉTTUR
235
á þeim tíma, sem kom sér bezt fyrir útgerðarmenn, eins
og eftir pöntun. Tilgangurinn var sýnilega að þreyta sjó-
menn í margra mánaða verkfalli, með sem minnstum til-
kostnaði fyrir útgerðina. Sjómenn á Akureyri og Neskaup-
stað höfðu gert tiltölulega hagstæðan samning um kjör á
karfaveiðum og stunduðu togarar þaðan þessar veiðar í
allt sumar með góðum 'hagnaði bæði fyrir útgerð og skips-
höfn. 1 samræmi við tilganginn var þessum samningum
hafnað hér syðra. Síðan var ekkert aðhafzt og engar sátta-
tilraunir gerðar þar til í september. 21. september er sátta-
tillaga borin undir atkvæði, en að dómi sjómanna bauð
hún upp á engu betri kjör, og í sumum atriðum jafnvel lak-
ari en gilt hafa hingað til. Tillaga þessi var felld, með mikl-
um þorra atkvæða enda þótt stjórn Sjómannafélags
R'eykjavíkur væri hlutlaus. Aðilar á Akureyri og Neskaup-
stað fóru þess þá á leit við Félag ísl. botvörpuskipaeigenda
að fá að gera sérsamninga, en því var hafnað að viðlögðum
þungum fésektum og refsingum. Var nú enn ekki aðhafzt
þar til seint í október, að stjórn Sjómannafélags Reykja-
víkur og annarra félaga, sem hún hefur umboð fyrir, fóru
þess á leit, samkvæmt tilmælum ,,sáttanefndar“ að fá
fullt umboð til að ganga frá samningum. Þessu var hafn-
að með miklum meirihluta atkvæða allsstaðar nema á Akra-
nesi. Málaleitun þessi var gerð á grundyelli sáttatilboðs,
sem að dómi sjómanna var engu betra en hið fyrra, nema
síður væri. Daginn eftir var samið á Akranesi um þau kjör,
sem í sáttatilboðinu fólust með samþykki stjómar Sjó-
mannafélags Reykjavíkur og að hennar undirlagi. Þannig
vom samtök verkfallsmanna rofin af sjálfum stjórnendum
verkfallsins. Akranestogarinn var samstundis sendur á
veiðar og jafnframt var tillaga sem bauð upp á sömu kjör
borin undir atkvæði sjómanna annarsstaðar á landinu, og
mælti nú stjórn Sjómannafélags Reykjavíkur eindrégið
með henni. Rétt er að geta þess, að enda þótt stjórn Sjó-
mannafélagsins og atvinnurekendur hafi farið sér hægt í