Réttur - 01.08.1950, Page 45

RÉTTUR
205
útliti náttúrunnar. Ummæli Visjinskis, utanríkisráðherra Sovét-
ríkjanna, um þetta mál á þingi Sameinuðu þjóðanna, vöktu athygli
um allan heim. Visjinski sagði: „Við munum nota kjarorkuna til
að framkvæma mikil verk í hinni friðsömu uppbyggingu. Við ætl-
um að nota kjarnorkuna til að brjóta niður fjöll, breyta farvegi
fljóta, veita vatni á eyðimerkur, skapa ný lífsskilyrði á stöðum
þar sem menn hafa sjaldan stigið fótum“.
Maður þarf aðeins að líta snöggvast á jarðlíkan til að sjá að
breyta mætti yfirborði jarðarinnar á mörgum stöðum til gagns
fyrir mennina.
Með aðstoð kjarnorkunnar gætum við breytt farvegi fljótanna
í Afríku og beint þeim inn að hjarta meginlandsins. Þessi breyt-
ing mundi bæta loftslagið, gera það rakara en nú er. Vatnið mundi
verða innilokað í hinni geysilegu skál sem myndar miðhluta
Afríku og nær yfir þriðjung álfunnar. Vatnið kæmist nú ekki svo
auðveldlega til sjávar, það mundi gufa upp aftur og aftur frá
stöðuvötnum og blöðum jurta og falla niður sem regn. Þannig
mundi þetta meginland, sem nú er stöðugt baðað í brennandi sól,
breyta um svip og eðli; verða miklu þægilegra og byggilegra
mönnum.
Afríka hefur fáar hafnir frá náttúrunnar hendi. En það er
hægt að breyta strandlengjunni og byggja hafnir þar sem þurfa
þykir.
Andes-fjallgarðurinn í Suðurameríku lokar meginlandið frá
hafinu eins og veggur. Járnbrautarlestirnar í Perú fara yfir Andes
fjöllin í 4880 metra hæð. Með fáeinum atómsprengjum mætti
höggva vítt skarð í fjallgarðinn og fá þannig þægilegan aðgang út
að ströndinni. Vindarnir af hafinu mundu koma í gegnum þetta
hlið og flytja með sér raka yfir jörðina, sem stöðugt er skrælnuð
af þurrki.
Allt eins og myndhöggvarinn mótar leirinn í það form sem
hann óskar sér, gæti maður endurmótað svip jarðarinnar og
breytt strandlengjum landanna eins og bezt hæfir áætlunum
hans og tilgangi.
Og meira að segja hann getur ekki aðeins umskapað landið,