Réttur - 01.08.1950, Page 50

210
RÉTTUR
\
.... mun hafa þau áhrif að auka vald stóriðnaðarfyrirtækja ....
Ég held við ættum að íhuga hvort ekki er rétt að slá á frest öllum
hreinum vísindum og allri frekari eflingu náttúruvísinda þangað
til þjóðfélagsvísindin geta sagt okkur hvað við eigum til bragðs
að taka.“
Það er þá hugmyndin að stöðva alla þróun náttúruvísinda af
því framfarirnar séu of hraðar. Brezki eðlisfræðingurinn prófessor
Blackett segir frá því að tveir bandarískir verkfræðingar hafi
stungið upp á því að gert væri alþjóðlegt samkomulag um að
koma með öllu í veg fyrir notkun kjarnorku til iðnaðar í að
minnsta kosti einn mannsaldur. Þessir tveir menn eru ekki þeir
einu sem langar til að hindra framfarir vísinda og tækni. í marz
síðastliðnum birtist grein í New York Times Magazine eftir
Bertrand Russel, hinn brezka „heimspeking" undir fyrirsögninni
„Vísindin um að bjarga okkur frá vísindunum."
Þetta virðast næsta fáranleg skrif í augum sovétbúa, sem fagna
hverri nýrri vísindauppgötvun og uppfinningu, fagna hverju nýju
afreki vísindamanna lands síns. En heimsvaldastefnan snýr öllum
hlutum öfugt. Blessun verður bölvun, og miklar vísindauppgötv-
anir vekja felmtur og löngun til að múlbinda vísindin.
Við gætum skýrt herra Ogburn frá því að þjóðfélagsvísindin
hafa þegar sagt okkur hvernig þjóðskipulagið þarf að vera til þess
að vísindin verði mannkyninu til blessunar en ekki bölvunar. Við
gætum sagt honum frá því að í sósíalistisku þjóðfélagi er vísind-
unum beitt til að umskapa náttúruna og virkja öfl hennar til starfa
í þágu almennings.
Eg hef í þessari ritgerð leitast við að sýna í einföldum og fáum
dráttum hver gæði vísindin munu færa mannkyninu þegar eilífur
friður er kominn á, þegar ekki verða háðar styrjaldir, þegar heims-
valdastefnan, uppspretta styrjaldanna, kreppunnar og atvinnu-
leysisins er ekki framar til.
Hinn mikli rússneski vísindamaður og uppfinningamaður K. E.
Tsjolkofskí ritaði á sínum tíma í bók sinni: „Framtíð jarðarinnar
og alheimsins" að jörðin væri eyðimörk, og að það þyrfti að „koma
lagi á jörðina“.