Réttur - 01.08.1953, Síða 10

146
R É T T U R
Verkalýðurinn hefur sýnt ágæta samheldni i þessari baráttu undir
forustu Sósíalistaflokksins.. þótt ekki hafi tekist að halda þeim lífs-
kjörum er náðust 1942—46 og er orsökin sú að það vantar einingu
verkalýðsins á stjórnmálasviðinu líka, til þess að hindra að ávöxt-
um hvers sigursæls verkfalls jafnóðum rænt með vélabrögðum
valdhafanna.
Verklýðshreyfing íslands hefur undir forustu Sósíalistaflokks-
ins, háð harða baráttu síðasta áratug, gegn ásælni amerísks auð-
valds 1Í1 yfirdrottnunar yfir landi voru. En sökum þess að verka-
lýðurinn hefur verið póiitískt klofinn í þessari baráttu, hefur ame-
rísku auðvaldi orðið það ágengt með að leggja ísland undir sig
sem raun ber vitni um.
Þessari baráttu allri þarf að halda áfram, herða hana og lyfta
henni á hærra stig með því að tvinna saman betur hina faglegu og
pólitísku baráttu.
En jafnframt verður verkalýðshreyfingin að taka upp baráttu
á hinu siðferðilega sviði gegn skoðanakúguninni, gegn því niðurrifi
auðvaldsins á manndóm, persónuleik og hugsanaírelsi, sem nú fer
fram. Þessa baráttu verður að heyja með öllum þeim krafti, einingu
og hörku, sem einkennt hefur verkalýðinn í stórfenglegustu verk-
föllum hans.
Og þessa baráttu er því aðeins hægt að hcyja með árangri að
það náist pólitísk eining meðal verkalýðsins um viðnám og sókn
gegn auðvaldinu, innlendu sem útlendu, í þessu máli, því póli-
tísk eining alþýðunnar er eina valdið, sem er nægilega sterkt til
þess að beita gegn bardagaaðferðum auðvaldsins.
Þegar afturhaldið þýzka undir forustu Bismarcks reyndi að eyði-
leggja sósíalistiska verklýðshreyfingu Þýzkalands, kölluðu þýzkir
sósíalistar að Bismark beitti tvennskonar bardagaaðferðum: „svip-
unni“ og ,,sætabrauðinu“.
Svo gerir og íslenzk-ameríska auðvaldið nú.
Svipan er skoðanakúgunin og atvinnueinokunin sem beitt er við
heil byggðarlög og einstaklingana um allt land.
,,Sætabrauðið“ er hernámsvinnan á Keflavíkurflugvelli, sem rík-
isstjórnin ætlar að nota sem' einskonar vertíðarvinnu og verðlaun