Réttur - 01.08.1953, Side 34

170
RÉTTUR
KOLBEINN:
Ragri þjóð við röskvan óð
renni blóð til skyldu.
KÖLSKI:
Feitu skjalli skal á alla
skruma galla, ef eiga völd.
KOLBEINN:
Lýð, sem fallinn líður halla,
ljóð vor kalli, að heimta gjöld.
KÖLSKI:
Við skulum anda eldibrand
yfir landið, hrauni og sand.
KOLBEINN:
Fagna að vanda, fjari grand
fyrir handan sérhvert strand.
KÖLSKI:
Eilíft tjón úr yfirsjón
eldri lýða smíðum.
KOLBEINN:
Um hvern þjón þinn, frægð og Frón,
frjálst og bónlaust skerpum tón!
KÖLSKI:
Tökum hvaða tungu, er flyzt,
tuddamál að skrifa.
KOLBEINN:
Skynjum, að í orðsins list
aldasálir lifa.
KÖLSKI:
Festum gála grun í skál:
glapið mál sé tapað mál.