Réttur - 01.08.1953, Page 36

172
RÉTTUR
Mansöngur
Hróður er spunninn helmingslangur
hér af munnunum.
Byrjar unnar undirgangur
inni á grunnunum.
Fokudólgar flytja um verið
flóðs á ólgunni.
Svellur kólgan svört um skerið,
sýður á bólgunni.
Glíman vendist öfugt — eður
orðasendingar:
Fyrstu hending Kolbeinn kveður
kölski endingar.
Nið’r í hylji hamar togar
hrönn, sem kyljar á.
Þeim við iljar svelgur sogar,
sem hann vilji þá.
RÍMA
KOLBEINN:
Draugar forðast dómstól ljóss og dratta í sæinn.
KÖLSKI:
Skammdegi var skipt í haginn
skröttum, til að eyða bæinn.
KOLBEINN:
Styttast fer til mánamóts und morgni lyftum.
KÖLSKI:
Ferleg verða svefni sviftum
sjónum, glöp í ljósaskiptum.