Réttur - 01.08.1953, Page 40

176
RÉTTUH
KOLBEINN:
Karl, í sæinn kipptu þér,
kunnirðu eigi bragi slíka!
KÖLSKI:
Yrkirðu, Kolbeinn, alla hætti og eykur vandann?
KOLBEINN:
Líf á glæinn gleymskan ber,
gleypir hræin líka.
KÖLSKI:
Þá ertu ekki fyrir fjandann!
KOLBEINN:
— Svo meinlega er maðurinn gerður
og misleggur herradóm sinn:
að þrælslegri en þrælarnar verður
loks þrælahúsbóndinn.
Og Kolbeinn skaut árum við útræði löng
með unun frá nóttinni horfnu:
að enn mátti finna upp sigur og söng
í samhljómum laganna fornu.
Leiði í landauðn
Mansöngur
Eftir brek mín undangengin
ekki er sekum friðvæn höfnin,
Rómnum tekur eftir enginn
einhver rekistefna um nöfnin.