Réttur - 01.03.1962, Síða 7

SIGFÚS DAÐASON:
Sjálfgerðir fjötrar
eru traustastir fjötra
Sigfús Daðason telst til hinna yngri ljóðskálda, sem í daglegu tali fólks nefn-
ast atomskáld. Bækur hans Ljóð 1949-1951 og Hcndur og orð (1959) hafa lít-
illi útbreiðslu náð og hvergi nærri vakið verðskuldaða athygli. Fullvíst má telja,
að aðalorsökin sé hinn algengi misskilningur, að öll ljóð ungskálda séu tor-
skilin.
Hér fer á eftir kafli úr síSari hók Sigfúsar, — 4. þáttur ljóSabálksins Borgir
og strendur. Er kaflinn gott dæmi um ljóðstíl Sigfúsar og sýnir á órækan hátt,
að Ijóð hans eiga ekki síður erindi til fólks en hinar agætu greinar hans í
Tímariti Máls og menningar. -— J. B.
Corrumpe et impera
„Fyrrum var sagt: þú skalt sundra og drottna síðan —
en vér höfum nýtt og ljúfmannlegra boðorð.
Vort boðorð er stórfenglegt
einfalt og snjallt
og tært eins og sjálft dagsljósið.
Drottnun er ekki samræmanleg vorum hugsjónuin:
undirokaðar þjóðir
eiga sér öruggan samastað
í hjarta voru.
Vér berum friðarorð sundruðum
og vér flytjum huggun fátækum.
Vér erum málsvarar frelsis:
frjálslyndi vort er svo yfirtak viðtækt
að það krefst frelsis handa kúgaranum
friðar handa rústunum
lífsréttar handa dauðanum.
*