Réttur - 01.03.1962, Síða 46

110
R E T T U R
valdastefnu og leppstjórnum, við lýðræðislegar aðstæður á grund-
velli þjóðlegs og sögulegs skyldleika og hagsmuna þessara bræðra-
þjóða.“
SjálfstæH-, áháð lýðræðisríki.
írakska þjóðin veit, að júlí-byltingin fékkst staðist gegn heims-
valdasinnunum aðeins vegna hiklauss stuðnings Sovétríkjanna og
annarra sósíalistaríkja við lýðveldið. Strax eftir byltinguna sendu
brezkir og bandarískir heimsvaldasinnar herlið til Líbanon og Jór-
daníu til undirbúnings innrásar í Irak. Sovétríkin og önnur sósíal-
istaríki urðu fyrst til að viðurkenna hina nýju stjórn og stuðningur
þeirra kæfði allar innrásarfyrirætlanir í fæðingunni. Meiri bluti
hinna þjóðlegu afla er líka sannfærður um að samvinna og góð
sambúð við þessi ríki er bezta leiðin til að tryggja sjálfstæði og
framfarir í írak.
í írak eru að skapast skilyrði til víðtækrar þjóðfylkingar. Sú
stefna er hin eina, sem getur bjargað írak. Eining allra þjóðlegra
afla, sem vilja styrkja sjálfstæði landsins, útrýma öllum leifum
heimsvaldastefnu og lénsstjórnarfars, koma á lýðræði, sjálfstæðri
utanríkisstefnu og samvinnu við hin sósíalistísku lönd, — þetta er
eina leiðin eins og nú háttar í heiminum, til að mynda og varðveita
ríki þjóðlegs lýðræðis. 011 skilyrði eru til að írak geti orðið slíkt
ríki. En höfuðþungi baráttunnar fyrir því mun hvíla á herðum
verkalýðsstéttarinnar.
A. A. þýddi og stytti.