Réttur - 01.01.1981, Qupperneq 62

Blóðstjórn herforingjaklíkunnar í E1
Salvador fékk fyrst 10 miljónir dollara til
hergagnakaupa í Bandaríkjunum,
nokkru síðar 25 miljónir dollara til hins
sama. Það mun eiga að veita þessari
böðulstjórn alls 200 miljónir dollara til
þess að myrða lýðræðissinnaða íbúa
landsins. Og svo eru auðvitað „ráðgjaf-
ar” bæði CIA og Pentagon ( — hermála-
ráðuneytisins), sendir með morðvopnun-
um. Þeir eru sérfræðingar í að beita þeim
til að myrða fátæka frelsisunnandi al-
þýðu. — En þeim getur orðið hált á því:
Víetnam er ekki gleymt.
Læknar heimsins gegn
kjarnorkustyrjöld
Þátttakendur í fyrstu alþjóðlegri
læknaráðstefnunni, sem fjallar um
hvernig koma megi í veg fyrir kjarnorku-
styrjöld, og háð var i Bandaríkjunum,
hafa boðað stofnum alþjóðlegra sam-
taka, til að einbeita kröftum lækna og
heilsugæslustétta að því verkefni að
koma í veg fyrir kjarnorkustyrjöld.
Þetta var tilkynnt í rituðu skjali, sem
útbýtt var á blaðamannafundi i Wash-
ington.
í skjalinu segir að afleiðingjar kjarn-
orkustyrjaldar yrðu endalok mannkyns.
Þátttakendur í ráðstefnunni segja að ef
kjarnorkustyrjöld brytist út, myndu 200
miljónir manna láta lífið í fyrstu lotu, og
meira en 60 miljónir særast.
Morðtilraun við Reagan
Þann 30. mars sl. var gerð morðtilraun
við Reagan Bandaríkjaforseta af, að því
er virðist, geðveilum, fyrrverandi ný-
nasista. Fór kúla í hægra lunga forset-
ans, en uppskurður tókst vel og forsetinn
talinn á góðum batavegi.
Það virðist vera óhugnanlegt að vera
stjórnmálamaður í fremstu röð þar
vestra: Innan 20 ára tímabils hafa þeir
allir verið myrtir John Kennedy forseti,
Robert dómsmálaráðherra bróðir hans,
Martin Luther King o.fl. — Máske er
þetta ekki óeðlilegt í ríki, þar sem maður
er myrtur á fjórðu hverri mínútu, en það
er vissulega ömurlegt að stjórnvöld, sem
þykjast ætla að vernda heil lönd, skuli
ekki einu sinni geta verndað sinn eigin
forseta fyrir hálfvitlausum samlöndum.
— Auðvitað er það annað mál, ef CIA
stendur sjálf að forsetamorði, svo sem
grunur leikur á um morðið á John
Kennedy, þegar lögreglan lætur annan
mann skjóta morðingjann í höndum sér
og skýtur svo sjálf þann, er myrti, svo
ekki sé fært að grafast frekar fyrir um
aðstæður í því máli.
En ekki mun leika grunur á að CIA
eigi neinn þátt í morðtilrauninni 30. mars.
62