Réttur - 01.01.1982, Blaðsíða 8

okkur hefur langað til að gera því að við,
eins og flestir aðrir, gerum okkur grein fyrir
að tekjur og gjöld í búskap borgarinnar
verða að standast á. Raunar tel ég mig hafa
efni á að fullyrða að við höfum gætt þessa
grundvallaratriðis betur en fyrrverandi
meirihluti gerði a.m.k. á síðustu stjórnarár-
um sinum. Borgin var í þeirra höndum orðin
vandræðafyrirtæki sem greiddi reikninga
seint og illa, en nú fer allt annað orð af borg-
arsjóði meðal viðskiptamanna hans.
Kenning þeirra íhaldsmanna að þeir einir
kunni með fjármál að fara verður næsta
brosleg í þessu ljósi.
Það er tvennt sem hæst ber í áróðri Sjálf-
stæðismanna. í fyrsta lagi er sagt, álögur á
borgarbúa hafa þyngst óhóflega og svo er
talað um of litlar framkvæmdir.
Staðreyndina um álögurnar er að finna í
samanburðarskrá í Sveitarstjórnartíðindum
um álögur í öllum kaupstöðum á landinu árið
1981. Kaupstaðirnir eru 22 og 16 þeirra eru
með hærri útsvarpsprósentu en Reykjavík.
Aðeins þrjú sveitarfélög eru með lægri fast-
eignagjöld en Reykjavík, sex með það sama,
en 12 með hærri gjöld. Þess ber svo einnig að
geta, að í Reykjavík fá ellilífeyrisþegar sjálf-
krafa lækkun á fasteignagjöldum ef tekjur
þeirra eru undir ákveðnu lágmarki.
Framkvæmdir borgarsjóðs og fyrirtækja
borgarinnar eru örugglega miklu meiri en
orðið hefði undir íhaldsstjórn. Það marka ég
t.d. af tillögum þeirra um niðurskurð á
framkvæmdafé við afgreiðslu fjárhagsáætl-
unar fyrir árið 1981, og því að þeir töldu
okkur færast of mikið í fang sumarið 1978
þegar Ijóst var orðið að viðskilnaður þeirra í
fjármálum hafði ekki verið sem skyldi.
í grein í Rétti 1981,2. hefti, fjallaði ég um
framkvæmdir í þágu aldraðra, fatlaðra og
barna á forskólaaldri fram að þeim tíma.
Hér ætla ég ekki að tíunda stofnanir fyrir
aldraða eða það sem gert hefur verið til hags-
bóta fyrir fatlaða, en ég nefni nokkar aðrar
framkvæmdir. Tólf nýjar dagvistarstofnanir
hafa tekið til starfa á kjörtímabilinu og ég
minni á þá skóla sem einkum hefur verið
unnið við, en það eru Seljaskóli, sem allur
hefur verið byggður á kjörtímabilinu, Öldu-
selsskóli og Fjölbrautaskólinn í Breiðholti.
Ég minni á æskulýðsmiðstöð í Árbæ, sund-
laug við Fjölbrautaskólann, íþróttamiðstöð í
Bláfjöllum og menningarmiðstöð við Gerðu-
berg i Breiðholti. Siðan má víkja að undir-
stöðuframkvæmdum í þágu atvinnulífsins
og nefna tvo nýja togara, endurbætur á
frystihúsi BÚR og endurbætur við höfnina,
og ekki er vert að gleyma nýjum íbúðahverf-
um með tilheyrandi götum og lögnum.
Ásakanir Sjálfstæðismanna um óhóflegar
gjaldtökur, lélega fjármálastórn og litlar
framkvæmdir eru þannig gjörsamlega á
skjön við veruleikann. En ekki megum við
sósíalistar vanmeta getu þeirra og vilja til
þess að hamra sínar fullyrðingar inn í hug-
skot Reykvíkinga, til þess hafa þeir fjár-
magnið og Morgunblaðið. Það er hörð og
óvægin barátta framundan um völdin í
Reykjavíkurborg og þar með um völd og
áhrif í þjóðfélaginu.
8