Réttur - 01.01.1993, Qupperneq 1

iffiur
73. árgangur
1993
Minningarhefti um
Einar Olgeirsson
Lokahefti
Einar Olgeirsson stjórnaði Rétti frá árinu 1926 til dauðadags. Mér er ekki
kunnugt um að nokkur annar maður hafi stjórnað jafnlengi einu og sama rit-
inu. Hann var að vísu ekki einn ritstjóri allan tímann. Þeir urðu ritstjórar um
tíma Ásgeir Blöndal Magnússon cand. mag., Sigurður Guðmundsson, ritstjóri
Þjóðviljans og séra Gunnar Benediktsson, rithöfundur. Þar voru miklir snillingar
að verki, öðlingar og vitmenn. En Einar var yfir og allt um kring þau árin líka.
Þannig að hann stjórnaði þessu riti. Þetta hefti sem er minningarhefti Réttar
um Einar Olgeirsson er jafnframt í nafni Einars. Það er síðasta heftið og þeir
sem að útgáfu minniningarritsins standa hafa ekki í huga að halda Rétti
áfram, né heldur aðrir aðstandendur ritsins.
Raunar hafði Einar sjálfur lagt nokkur drög að því að þetta hefti mætti koma
út og hann hafði sjálfur ákveðið að það yrði jafnframt síðasta heftið. Honum
voru þá svo þrotnir kraftar að hann taldi einsýnt að hann yrði tæpast fær um
að sinna útgáfunni áfram. Eftir að Einar lést hefur Sigríður Þorvarðsdóttir,
ekkja Einars, ýtt á eftir útkomu ritsins og hjálpað til með áhuga sínum og elju.
Þeir sem standa að ritinu auk hennar eru Lúðvík Jósepsson, Helgi Guð-
mundsson, Hallur Páll Jónsson og undirritaður.
Réttur boðaði alltaf róttækar hugmyndir og breytingar á þjóðfélaginu. Rétt-
ur var ekki aðeins boðberi gagnrýni. Hann var ekki aðeins andstöðublað við
allt sem er. Þvert á móti: En Réttur var líka boðberi annarra stjórnarhátta,